瓏門小廚 粉嶺

瓏門小廚 評價 相片

粉嶺聯和墟附近嘅午餐比想像中貴，今日食擔擔麵，估唔到咁好味，亦都比較平，$40已經有一個有餸擔擔麵又有菊花茶或者豆漿。

擔擔麵淨食都只係$30，份量大之餘，仲有好香麻醬味。

葱爆班腩好新鮮好有鑊氣，仲有好多舊。

山東手撕雞都不錯，味道啱啱好。

昨天去舊舖揾食，發覺舖位搬到公厠斜對面，滿心歡喜以為小舖搬大舖，應該環境好，食得舒服，怎知原來是惡夢開始！入到去，晚餐時間，全埸滿座，人山人海，忙得水洩不通，一堆一堆外賣待取。

站在門口二三分鐘，無人理會。

截停亞姐問下要唔要攞飛等位，亞姐一臉茫然話不用，望兩望叫你等陣，轉個頭已一羣客在門外等，無飛無排隊等如混亂……等一陣決定走，突然旁邊張枱個客人太太示意佢走，俾個位我地。

甫坐下，人多位迫又嘈，截停個亞姐叫野，佢一邊同卡位亞叔吹水，一邊幫我落單，我地落一樣，亞姐又傾一句，佢塊面又望我地，我地又落一樣……超無妄，但事實如此……等食期間，聽到隔離枱2男同亞姐投訴碗麵攞左2次黎都搞錯，然後收回，等了又等，十分不滿。

唉！算了！我的手撕雞飯上枱了，手撕雞仍是依舊味道，但菜飯是起骨的，飯中心是硬的，食……十分難食。

我的飯差不多也吃完，老公的飯還未到，望望四周，完全無人得閑理你，自覺投訴並不能解決問題，還是算吧這個時候，终於有個亞姐發現了我們，話幫我地追下，等多大概三分鐘，即出了，鎮江骨飯也是硬心的無言了！食飽，無言離開，看到門口有張《開張告示》，個人覺得由於新開張人手不足，服務不周，食物有待改善。

如此質素，我投降了。

約咗粉嶺朋友傾計，兩個人最好搵D隠世細小店啦，穿過小巷後，差點要講密碼：「阿蟲介紹來」。

個廚房超細，面對咁多食客，真係好似變魔術一樣！點左炸豬扒，炸雞翼同擔擔麵；小食係蒜泥白肉，無辣、無炸物不歡！份量好足夠，下次可以考慮share 個麵,叫多些小食!

食物ok,上菜極慢（45mins），食過兩次冇改善，最後一次個待應仲話番 我唔等得，俾錢買難受 。

垃圾服務。

特此留言。

冇心做既餐廳。

叫過酒釀丸子 回鍋肉 鎮江骨 菜飯，唔會再有下次。

20170401(星期六)聯和墟的上海菜不多，是日想吃上海菜，瓏門小廚位於和隆街的小巷中，在人氣店腸粉仔旁的涼茶鋪的巷仔，有點尋幽訪勝的感覺。

步入店內，地下坐位不多，已經客滿，店員指示到二樓，是舊式樓宇的閣樓，店員提醒小心碰頭，真的要小心，因為樓底只有五尺多。

店員等我點菜，但我們喜歡慢慢商量，她建議我們想好了後致電說十號桌子下單，便不用下樓找她，這個提議不錯。

我們點了三個套餐($36X3)和豆沙鍋餅($30):三杯餐飲先上桌，豆漿豆味濃，菊花茶淡淡的菊花和甜味，疏肝疏肝，夏枯草反而無味無道。

酸辣雲吞湯麵只有三顆雲吞在底部，細細顆，味道一般，酸辣湯做到有酸有辣，酸辣味道均勻，麵的份量多，味道合格。

口水雞菜飯好像很久沒吃過好吃的口水雞，這個口水雞也不例外，醬汁味濃，普普通通的味道，雞的份量不少，有胸肉、背脊和雞脾位置，不用只吃雞胸，雞沒有雪味，味道不算出色，尚可接受。

菜飯加了小棠菜，飯是珠珍米，不會油油膩膩，份量適中。

回鍋肉菜飯送上時看不見熱騰騰的煙，摸摸碟子，涼涼的，回鍋肉入口只有暖暖的温度，也沒有鑊氣，有點像煮好一大鍋再分出來的味道，熱食沒有熱度，不合格。

如果不是坐在閣樓，可能會叫店員換過新的一碟，腩肉沒鮮味，沒有水準的回鍋肉。

豆沙鍋餅($30)豆沙甜度適中，餅皮不夠酥脆，反而這個甜點熱得燙口。

埋單:$138，便宜、平民化的價錢可吃到上海菜，食物味道不過不失，唔介意環境欠缺裝潢，不妨一試。

瓏門小廚餐單提供粵菜, 廣東, 滬菜, 上海, 粉麵, 米線, 雲吞, 餃子, 中菜館等推介美食位於粉嶺區，餐廳座位數30人均消費約$50以下，結賬可以用現金，Booking訂位可以電話致電 23318826 查詢。

您對於粉嶺餐廳「瓏門小廚」有何 comment？

瓏門小廚餐廳詳細資料：

• 瓏門小廚地址:
  粉嶺和隆街40-42C地下
  瓏門小廚, G/ F.,40-42 C Wo Lung Street, Fanling
• 瓏門小廚電話: 23318826
• 瓏門小廚價錢: $50以下
• 分類: 粵菜, 廣東, 滬菜, 上海, 粉麵, 米線, 雲吞, 餃子, 中菜館
• 座位: 30
• 付款: 現金
• FB專頁: 瓏門小廚 Facebook

更多瓏門小廚相關資料:

• 瓏門小廚分店
• Youtube
• Facebook
• Twitter
• Google