仁利餅家 粉嶺

仁利餅家 評價 相片

臨近中秋，又到咗食月餅嘅時候啦🤩 冬甩妹由細到大都好鍾意食月餅，今年屋企人買咗一盒好傳統嘅月餅返嚟，淨係睇個鐵盒都知係好舊式嘅餅店，一開始對佢冇咩好感，抱著「唔好浪費」嘅心態試食，點知一食落先知係寶！😍.👉 紅豆沙雙黃月餅推介指數: ⭐⭐⭐⭐⭐紅豆蓉代替咗平時嘅白蓮蓉，出奇地好味！比起白蓮蓉冇咁甜和膩 (冬甩妹本身已經好食得甜)，而且紅豆蓉非常幼滑，完全冇紅豆衣或者顆粒，個蛋黃充滿油香，入口鬆化，絕對唔係又乾又硬嘅蛋黃，皮薄餡靚，甜度剛好👍 食完8份1舊之後，會好想再食多舊，食下食下就食咗大半個🤣 唯一美中不足嘅係，有時會出現兩粒蛋黃放置位置唔平均嘅問題，導致有時出現其中4份1係完全無黃😅 儘管如此，齋食紅豆餡都好正！.👉 總結：因為冇落防腐劑，所以店家叮囑室溫只可存放三日，之後就要放入雪櫃，食嗰時預先用微波爐叮返熱就得。

不過由於冬甩妹屋企冇微波爐，開頭擔心要用焗爐烘返熱會好麻煩，點知一盒四個月餅，極速3日內已經清哂！之後仲叫屋企人再買多咗一盒返嚟，實在太好味😆 不過由於係全人手製作，所以產量有限，有機會去到都買唔到，大家去之前最好打電話去問問先。

.⏰星期一至日 07:0019:00☎️電話：26740294📞熱線：59882674 (09002100)💻網站：http://www.yanleecakeshop.com/

不單止紅豆月餅，原來賀年食品都好味豆沙角，感受到紅豆皮角仔，好大驚喜，與出面賣的不同開頭以為疏氣，問番仁利，職員耐心解答，角仔是酥皮，有少少豬油。

配料有椰絲，太好味。

出年再買！

完全唔知點解咁多人話好食, 買過幾次都覺得麵包好硬，仲要係隔夜麵包，月餅又貴，比市價貴，仲貴過2019年美心價。

而製作工場就係附近村屋，後巷環境污糟、睇住佢搬月餅入去舖頭連保鮮紙包住都冇、完全暴露係空氣之中，製作月餅的阿姐連口罩都冇。

只有原居民村民係冇選擇之下先會幫襯佢，佢價錢仲要貴過聯和墟，今年興起「本土野」搞到好多人專程入去買，都唔知有咩好食？有幾次朝頭早買麵包個麵包好硬，售賣隔夜麵包，又唔好食又貴(千祈唔好以為村屋就一定平）

估唔到寫完上篇食評都仲未完，一次得人驚過一次，今日一切開盒四寶裡面嗰個雙黃白蓮蓉月，裡面竟然發現條毛髮，黐住啲蛋黃同蓮蓉，真係好嘔心！！！我地喺呢間嘢總共買咗八個月餅，標榜傳統炭爐烤焗嘅手工月餅，但根本就係掛羊頭賣狗肉，啲月餅根本好多個都唔合格！個個個樣岩岩蠶蠶，又偷工減料，啲皮都包唔晒啲餡，蛋黃唔夠油水，有啲又好淺色，個皮淋嘅，根本未焗透就出！最後連最基本嘅衛生都有問題！你地嘅月餅係賣得一啲都唔平，啲人真係為咗你標榜嘅傳統工藝，同埋真心想食到好質素嘅靚月餅而專誠入嚟買，我真係想問，你地賣啲咁垃圾嘅月餅俾人，你地個良心到底去咗邊？！！

聽人講仁利月餅好好食，所以我老公踩單車入去買比我食😋😋😋，買咗2個雙黃白蓮蓉、1個雙黃荳蓉月、1個雙黃紅豆沙月，值得一讚，負責人話今年調亂咗荳蓉月(有黃同無黃 )，所以我哋要雙黃荳蓉月，佢收無黃價錢，佢仲話希望我哋食到有黃啦，好多謝佢哋咁好人，如果換轉其他鋪肯定會照收錢😌雙黃蓮蓉月餅，皮薄餡靚，食落口甜度剛剛好，蓮蓉超滑，鹹蛋黃起沙兼漏油，正👍🏻👍🏻👍🏻雙黃綠荳蓉月餅，鹹鹹香香，第一次食綠荳蓉月餅原來係咁好食😋😋😋雙黃紅豆沙月餅，豆沙入口即溶，又係又香又滑又好吃😋😋😋總括來講，月餅全部都係用柴火燒，慢工出細貨，全部月餅不含防腐劑，最好3日食晒，如食唔晒就放入雪櫃，我自己試過係雪櫃再用微波爐叮暖嚟食一樣咁好食😋，期待下一年既中秋再買😌😌😌

仁利餅家餐單提供港式, 麵包店等推介美食位於粉嶺區，餐廳座位數未知人均消費約$50以下，結賬可以用現金，Booking訂位可以電話致電 26740294 查詢。

您對於粉嶺餐廳「仁利餅家」有何 comment？

仁利餅家餐廳詳細資料：

• 仁利餅家地址:
  粉嶺軍地102號地舖
  仁利餅家, G/ F.,102 Kwan Tei, Fanling
• 仁利餅家電話: 26740294
• 仁利餅家價錢: $50以下
• 分類: 港式, 麵包店
• 座位: 未知
• 付款: 現金
• FB專頁: 仁利餅家 Facebook

更多仁利餅家相關資料:

• 仁利餅家分店
• Youtube
• Facebook
• Twitter
• Google