Amazing Cafe 筷子基

Amazing Cafe 評價 相片

呢日陽光普照，朝早同朋友去完氹仔興記食早餐，之後閒逛咗一陣，就想去食個下午茶，開頭都唔醒起Amazing Cafe，仲想就近去銀河或威尼斯人，好在我同朋友都無咩興致買衫，所以索性諗澳門個邊有咩地方岩食下午茶，咁就俾我諗起Amazing Cafe，因為之前係Facebook成日都見到人推介紫薯系列，而我呢個對紫薯都幾有興趣的人，當然一早就Save低諗住有機會就去試，機會黎啦，同朋友提一提，佢都咁岩對紫薯OK，咁就駛向紫薯下午茶之路啦地處筷子基”海皮”對面的Amazing Cafe都幾易搵，裝修都唔錯，好似係花園主題咁，入到去咁岩有位(好在咋，後尾見到勁多人等位)，仲要係沙發的四人位，真係開心!!我同朋友兩個點咗紫薯牛奶、紫薯香芋雪糕牛奶、紫薯心太軟蜜糖吐司和Amazing 焗雞中翼。

兩杯野飲先上，我黎m簡咗杯熱飲，個紫薯牛奶都ok，唔會太甜，但又唔係話好有紫薯味，不過不失，朋友個杯佢都無咩特別評價。

之後上的雞中翼，你話佢係唔係真係好似佢個名咁咁Amazing 呢又未至於，但係就都幾好味，幾多汁，而且香口得黎有陣辣味的刺激，口感唔會太齋，朋友覺得幾正，但係因為我食得出係紅椒粉味，覺得自己係屋企應該都整到，所以就未到覺得驚艷最後到戲肉的蜜糖吐司，朋友一切開，d紫薯溶就狂漏出黎，夾埋d Cream、紫薯雪糕、吐司、紫薯大福同紫薯絲粒一齊食，感覺真係好Full，仲都幾甜下，或者蜜糖吐司本身就係咁甜，唔好甜食的我未必接受到，覺得有d膩，朋友就覺得ok。

其實個人覺得紫薯都幾難整得好味，因為本身都甜甜地，想突顯到佢個味得黎又唔死甜，好似真係幾高難度，又或者係我仲未試到好正的紫薯料理吧，但因為間Cafe環境真係唔錯，同朋友吹下水，飲下野，食下甜野，都叫渡過咗一個和熙的下午，咁就已經覺得幾開心

Amazing Cafe餐單提供西式, 無肉餐單, 咖啡店等推介美食位於筷子基區，餐廳座位數未知人均消費約$51-100，結賬可以用現金。

您對於筷子基餐廳「Amazing Cafe」有何 comment？

Amazing Cafe餐廳詳細資料：

• Amazing Cafe地址:
  筷子基沙梨頭北街90-92號宏建大廈第3座地下B舖
  Amazing Cafe, Shop B, G/ F, Block3, Edf. Residencial Wan Kin,90-92 Rua Nortedo Patane, Fai Chi Kei
• Amazing Cafe電話:  
• Amazing Cafe價錢: $51-100
• 分類: 西式, 無肉餐單, 咖啡店
• 座位: 未知
• 付款: 現金
• FB專頁: Amazing Cafe Facebook

更多Amazing Cafe相關資料:

• Amazing Cafe分店
• Youtube
• Facebook
• Twitter
• Google