富城餐廳 筲箕灣

富城餐廳 評價 相片

個日唔知係好肚餓定點，同朋友入咗去食嘢，因為得佢一間唔使排隊冷氣又夠！我叫左個黑椒汁牛扒飯我朋友就叫咗個洋蔥豬扒飯，黑椒汁牛扒嘅汁就淋係面但有碎上，而洋蔥豬扒飯個汁係另上， 兩個飯都係餸多過飯，汁又多！ 重口味嘅人應該幾鍾意食！黑椒汁香而不辣，牛扒都好淋一啲都唔韌。

洋蔥豬扒個汁洋蔥味濃，豬扒好淋，比起牛扒仲淋少少如果兩個扒揀一個我會揀豬扒其實睇到佢哋個餐牌見到有好多嘢都好想食，例如係芙蓉蛋飯同咖喱女嘅飯！價錢唔貴又大碟！

想轉下口味，試下可唔可以有其他早餐，於是光顧咗平時去開間餐廳隔離檔。

座位不太多，而且卡位坐得幾逼下，因為檯與凳之間嘅間隔太少，長凳嘅長度又唔係好夠兩個人坐，所以，三人行，都幾逼得幾溫馨下～土地問題！雖然餐牌有幾張，但早上提供嘅餐單原來冇咁多，啲鐵板魚柳啊、燴意粉、飯類都冇，可以揀嘅範圍即刻縮小咗～全日餐可以叫啦～兩個朋友仔一人一人豬扒麵同雞扒麵，本來我哋都以為係件豬扒雞扒都分開碟上嘅，點知姐姐比到我哋面前，啲扒竟然浸緊溫泉～雞扒嘅賣相仲恐怖，仲黑過炭！即使啲扒浸緊溫泉，但啲口感都唔掂，乾到好似咬紙皮，仲要連條菜都冇！40大元嘅早餐，真係唔抵食。

本來我想食雪菜肉絲，就問個姐姐可唔可以要米粉，因為佢哋得雪菜通粉，姐姐話可以轉米線，我話要米粉，姐姐話一係加三蚊轉出前一丁，但我覺得雪菜肉絲應該跟米粉，姐姐於是說咁冇啦。

Oh my god ！點可以冇米粉？！喺心靈受創嘅情況下，我放棄咗食粉麵做早餐，我叫咗個好西式嘅早餐～牛油方包嘅牛油好少，一陣都冇搽到；西煎雙蛋是何物？我以為係兩隻靚靚太陽蛋，結果係一隻熟透，一隻半生熟；雞扒同朋友嘅雞扒麵一樣，都係乾到成快紙皮咁，咬得好辛苦，仲要本身就冇味，完全靠啲汁。

凍飲一定要攪下，因為下面仲係熱辣辣嘅。

總的而言，呢個價錢，可以有更大嘅進步空間！

筲箕灣東大街係乜地方？其實你唔會諗到，筲箕灣同中環，為咩一個住宅區，一個黃金地段商業區，食飯價錢會咁接近。

普通茶餐廳，食個晏都要 60 蚊，在香港生活，真係唔容易。

但成條東大街，就係呢個水平，我只係一個周圍去既打公仔，又唔可以帶飯，60蚊就60蚊啦。

呢碟飯係對得住人既，只係雞排醃得未夠味，色香都 OK 。

星期日12點去到唔需要排隊，叫左個全日餐，本身想叫雙拼蛋同五香肉丁，點知無得咁揀，最後叫左牛排出前一丁麵,牛排都幾好食，但個麵應該唔係用出前一丁。

個餐$35得個麵同杯野飲，有d唔夠飽。

去游水前求其諗住搵間餐廳食下野，點知求其就出事😠餐蛋出前一丁 $35個午餐肉煎得唔脆，食落好大陣豬味，個人覺得麻麻。

隻蛋先係最差，個黃熟哂都算，煎到爛哂，我開頭連個黃見唔到。

之後佢話係出前一丁，係其實係大綱麵黎😡😡凍檸茶少甜 跟餐加$2正常味啦個但$37又冇方包送又煮到咁真係唔太抵

富城餐廳餐單提供港式, 粉麵, 米線, 茶餐廳, 冰室等推介美食位於筲箕灣區，餐廳座位數30人均消費約$50以下，結賬可以用現金，Booking訂位可以電話致電 25131530 查詢。

您對於筲箕灣餐廳「富城餐廳」有何 comment？

富城餐廳餐廳詳細資料：

• 富城餐廳地址:
  筲箕灣筲箕灣東大街59-99號東威大廈10號地下
  Fortune Restaurant, 59-99 Shau Kei Wan Main Street East, Shau Kei Wan
• 富城餐廳電話: 25131530
• 富城餐廳價錢: $50以下
• 分類: 港式, 粉麵, 米線, 茶餐廳, 冰室
• 座位: 30
• 付款: 現金
• FB專頁: 富城餐廳 Facebook

更多富城餐廳相關資料:

• 富城餐廳分店
• Youtube
• Facebook
• Twitter
• Google