安利魚蛋粉麵 筲箕灣

安利魚蛋粉麵 評價 相片

筲箕灣一共有兩間食牛腩麵嘅。

自己就鍾意食呢一間多啲⭕️每一次嚟到自己必定叫嘅就係切腩片頭撈粗同埋鮮油多！📍切腩片頭撈粗魚片頭彈牙，牛腩有咬口得來唔會太柴口❤️最鍾意係佢嘅撈麵，唔係坊間咁就咁煮好咗個麵再撈蠔油，係已經用豉油撈好咗個麵🥳🥳🥳調味啱啱好麵質又夠晒又夠彈牙！不過份量唔多男士可能會唔夠飽😂📍鮮油多士烘脆嘅多士配冰凍嘅牛油🧈個口感真係不得了😍😍😍雖然感覺10分邪惡🥲🥲🥲但係每次都係會想食！屋企人話佢哋細個其實成日食呢樣嘢🙃

好掛住安利既炆腩同埋鮮油奶多，專登趁放假過去食~因為係星期日，所以都好多人，我地概等左９個字先入到去~例牌叫左炆腩片頭撈幼、鮮油奶多加凍奶茶~🍜炆腩片頭撈幼炆腩同牛筋好入味， 牛筋好稔，好好食；魚片頭炸到外皮好香口，魚蛋夠晒彈牙! 幼宧撈左豉油汁，加埋腩汁，好惹味🥪鮮油奶多厚多士夾住原牛油同煉奶，原多士好鬆脆熱辣辣，配埋入面既冰凍牛油，冰火交融好好食~🧋凍奶茶不過不失，正常發揮~雖然等左好耐，但滿足到我想食炆腩同埋鮮油奶多既願望，開心～🥰

四十年前，安利是在東大街天后廟旁的真正大排檔，分開兩檔：安利大排檔和安利咖啡的。

也不是好食名店，只是因為當時東大街沒甚麼嘢食，要食就要行出金華街（電車總站）才有大排檔。

所以造就安利而已。

四十年後，重回筲箕灣，識去食安利，當然食魚片，白魚蛋河。

牛油多士。

不會食牛腩的。

正如你不會去蒙古食海鮮吧。

今日不用排隊，可能係下午茶時間，侍應叫我慢慢睇慢慢揀。

現在是地鋪，不是街邊大排檔了。

筲箕灣在變，東大街在變，甚麼都變。

人情在變，口味在變。

魚片河仍然是魚片河，製作不是最出色，亦不是最好食。

只是想找回童年回憶而已。

👍🏻片頭切腩撈幼 $52👍🏻切腩撈粗 $48煮法類似清湯腩咁，清清地唔算濃，肉質唔鞋又易咬，推薦嗌肥腩！牛味更加濃郁😛魚片好香胡椒味，唔腥又彈牙😋👍🏻撈麵味道色澤都好均勻，甜豉油味唔會太咸粗幼麵都好彈牙👍🏻粗麵梘水味比較重辣油好香，加幾滴夠哂惹味🌶🤪整體味道唔錯，但份量唔多，性價比低d味道：8/10性價比：7/10📍#安利魚蛋粉麵 筲箕灣東大街22號#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #筲箕灣 #筲箕灣美食 #港式 #大排檔 #魚蛋 #牛腩 #多士 #安利 #魚蛋粉 #撈麵 #東大街美食 #東大街

今朝早同女友黎食安利魚蛋粉，係我既第一次，聽就聽得多，終於有機會黎試下個撈麵我地每人叫左個撈麵，切腩同魚片頭，仲有奶茶兄奶醬多，去睇下食評啦切腩撈，牛腩有啲失望，味道好淡無牛味，口感咬落似煲完湯既瘦肉咁，好「鞋」，至於個麵底用鼓油撈起，偏鹹，鹼水味重，我女友都要用熱水過一過先食到。

片頭撈麵，呢個魚片頭反而好味好多，份量亦好足夠，值得一讚，麵底同上呢個奶醬多好好味，今回既MVP，每枱仲有一枝練乳俾你任加添，挽回不少分數總括而言，不過不失，如對牛腩有要求就不去好了，其他既都合格！今次俾2個

安利魚蛋粉麵餐單提供港式, 粉麵, 米線, 茶餐廳, 冰室等推介美食位於筲箕灣區，餐廳座位數100人均消費約$50以下，結賬可以用現金，Booking訂位可以電話致電 25138398 查詢。

您對於筲箕灣餐廳「安利魚蛋粉麵」有何 comment？

安利魚蛋粉麵餐廳詳細資料：

• 安利魚蛋粉麵地址:
  筲箕灣筲箕灣東大街22號
  On Lee Noodle, 22 Shau Kei Wan Main Street East, Shau Kei Wan
• 安利魚蛋粉麵電話: 25138398
• 安利魚蛋粉麵價錢: $50以下
• 分類: 港式, 粉麵, 米線, 茶餐廳, 冰室
• 座位: 100
• 付款: 現金
• FB專頁: 安利魚蛋粉麵 Facebook

更多安利魚蛋粉麵相關資料:

• 安利魚蛋粉麵分店
• Youtube
• Facebook
• Twitter
• Google