几回味 石澳

几回味 評價 相片

今年十一國慶假期, 好友小姚建議再去石澳「几回味」食燒乳豬仔午餐......入到石澳, 成個停車場都泊滿車, 好彩餐館門口伸有數個"臨時"位! 九個人叫左著名好食燒乳豬半隻、燒鵝半隻、 紅燒北菇豆腐、砵酒焗美國石蠔煲、椒鹽鮮魷、咸魚炒芥蘭、馬拉盞炒通菜、脆炸沙拉骨同几回味招牌炒麵......除了鮮魷過咸外, 其他?菜都中規中矩, 貴唔貴就唔知?! 有人請客...多謝小姚!同場加映, 遲來的嘉頓限量版珍寶裝『十二黃白蓮蓉月』做甜味! 咁大個又幾好味番!

　　第一次到此食店，相信都有十年前了，印象中叉燒幾好味，同埋個名幾好聽。

　　數日前聽友人提起石澳有間燒鵝好好味，心想應是几回味了，另一半最嗜吃燒鵝，心思思便驅車直入石澳嘆返餐。

　　五時許到達，太陽還未下山，坐在半露天座位，環境好OK，叫了燒鵝例牌，$75，微暖，皮夠脆，但肉質一般，無咩味。

是日無乳豬，於是叫一客鐵板黑椒牛柳，$80，未知是否此店是中菜關係，上桌的並不是牛柳，而只是四片牛肉，好稔，但亦是沒甚麼味道。

也許罪不在食店，只是現今的食物材料都難再找到材料本身的鮮味，一切都只是醃料的味道吧了。

　　再來一客鹹魚雞絲炒飯，反而是此餐最精采的，夠熱，而且我們嗜吃澱粉質，當然最滿足了。

　　三個菜加兩枝小紅酒意（每枝一杯，$45），埋單三百八十四元，可能位於郊區，做遊客生意，價錢都幾貴，不過在石澳食餐蛋麵加杯飲品都起碼三十多元，這裏算是有環境，有招呼，也不過份了。

　　離開時天已全黑，招牌霓虹燈加上陣陣海浪聲，有點重回昔日好時光的感覺。

茶坐係我的至愛乳豬的確夠脆炸蠔有d 料到炒菜只係一般豆腐花就ok

前日去几回味吃午飯, 真的食到一肚火。

侍應建議乳鴿, 價錢$98。

咁貴? 問有何特別, 答案是: 講唔出, 總之就好特別啦...。

當然沒叫。

第一道叫的是乳豬, 侍應建議雙拼燒鵝, 只加五蚊。

OK啦, 點知大錯特錯。

上來的碟頭很小, 只有六塊薄薄的乳豬皮, 其餘的全都是燒鵝。

問題是燒鵝的肉又乾又黑,明顯的不新鮮。

慶幸沒聽建議叫乳鴿。

第二道叫的腐乳椒絲通菜, 上來的加了牛肉。

第三道叫的炸生蠔, 上來的生蠔包了煙肉, 又沒事先通知。

看見菜牌上咖喱蟹$180, 叫了。

埋單時是$250。

問為甚麼,答案是: SORRY,價錢改了, 忘了告訴你。

竟然照收$250 !又貴又如此服務,如此管理, 絕無下次!

13號晚係我既生日, 老公神神秘秘咁車左我去石澳食飯, 不過剛去到唔知食邊間, 我唯有靠直覺咁揀左呢間, 入到去都幾靜下, 得幾檯人! 我地點左3個"食送"1) 尤魚筒飯(味道唔錯, 不過我食到有d鹽未溶)2) 西蘭花牛柳粒(西蘭花少油, 正, 牛柳粒唔老) 3) 炒雜菜(好清, 少油...我鐘意) 當我同老公食到一半驚唔夠飽所以問個待應生拎多次個meun黎睇, 講左兩次佢都睇唔到, 老公講第三次佢終於聽到勒, 不過佢竟然問"meun係乜" @ 0 @" 有冇搞錯, 你講緊笑話咋嘛哥哥仔...........食飽結帳果陣仲發現檯底有好多蚊...仲要好大隻架.......

几回味餐單提供粵菜, 廣東, 點心, 中菜館, 酒樓等推介美食位於石澳區，餐廳座位數未知人均消費約$101-200，結賬可以用Visa,Master,現金。

您對於石澳餐廳「几回味」有何 comment？

几回味餐廳詳細資料：

• 几回味地址:
  石澳石澳村824號地下
  Reminisces, G/ F,824 Shek O Village,, Shek O
• 几回味電話:  
• 几回味價錢: $101-200
• 分類: 粵菜, 廣東, 點心, 中菜館, 酒樓
• 座位: 未知
• 付款: Visa,Master,現金
• FB專頁: 几回味 Facebook

更多几回味相關資料:

• 几回味分店
• Youtube
• Facebook
• Twitter
• Google