阿太車仔麵 牛頭角

阿太車仔麵 評價 相片

在門外見到一大塊板寫住 【頂住呀！香港人好快就雨過天晴，請支持小店】【外賣自取大優惠午市即減五蚊 晚市即減十蚊 「香港人」發揮互助精神！】，諗住支持下，入去叫左碗車仔面外賣比錢時，發現沒有優惠問店員（疑似老闆），對話如下女店員 :要叫連飲品的套餐先有得減5蚊本人：你張紙同外面寫住自取午市減5蚊，晚市減10蚊架，宜家晚上十點半應該係晚市女店員：哦，減10蚊係要叫連飲品的套餐再要叫個20蚊小食先有得減本人：你張單張同門口都無寫要叫咁多野先有優惠架？女店員：... （無回應，唔出聲）本人：你地好唔老實喎，門口大大塊板寫住外賣自取有優惠跟住位女店員繼續唔出聲hang 機，走左去，呢個店大大塊板係門口寫住咩〝香港人互助精神、頂住呀香港人好快就雨過天晴，請支持小店〞，但當香港人真係去支持的時候就呃人個十蚊，咁唔老實，點叫人支持你呀！你可以呃我一次賺多十蚊，不過你以後都冇機會再賺我錢了！真香港人

呢次應該係我第n次幫襯呢間舖頭，因為我朋友住開嗰頭，基本上我每次出去揾佢都會去呢間餐廳到食🙈食咗咁多次我都係最鐘意食佢嘅肉燥飯，尤其是係台灣腸肉燥飯，真係太好味了😋啲台灣腸好多肉汁，一啲都唔乾，而且食落口又好有質感，拍得住喺台灣食嗰啲！🤣而且嗰到都好有人情味，可能係我都成日都食啦，啲阿姐都對我幾好，有時仲會大碗啲俾我，所以我都食得幾開心，住附近嘅朋友仔不妨去試下，試完包你翻唔到轉頭，成日都去食😂😂

今次係我第一次食呢間餐廳，本身都純粹覺得佢係間普普通通嘅餐廳，都冇話有啲咩好大期望咁，但原來真係唔可以睇少佢🤣🤣嗰日去食係平日嚟，都唔係繁忙事段，餐廳人流都唔算多，我就叫咗個肉燥飯，份量大到嚇死我🙈自問食量都唔係話好細，但都飽到食唔哂，要我細佬幫我執手尾🤣但啲肉燥飯真係幾好食，可以話係我食過最好食嘅肉燥！唔錯唔錯！而且價錢都好合理，好平民價，性價比都幾高！住附近嘅朋友仔快啲去試下，唔試就走寶🙈

細個成日同屋企人去食車仔麵，食開觀塘有間又執左。

今次就去試吓附近呢間車仔麵。

叫左佢個三餸麵，辣魚旦、醬汁魷魚同豬大腸粗麵小辣，加左個手拍青瓜，跟餐包一杯熱飲。

3個餸都唔差，中規中矩。

魷魚就車仔麵必叫架啦，佢呢個醬好嘢味，啲魷魚麵好彈牙。

豬大腸有成五舊又唔係簿切，不錯！另外魚旦冇咩特別就唔講啦。

個麵底我個人覺得麵幾大個，食到尾好飽。

個拍青瓜好清爽，因為我碗麵幾辣，有個青瓜就好正啦！不過無咩特別可以唔使特登叫。

晏就有小小餓行左一日街，就去左食個下午茶，經過呢間車仔麵見到下午茶送飲品咁抵就走左入去，入到去感覺完全唔同以前一直食開車仔麵既鋪頭咁，好乾淨同好靚既裝修但帶小小懷舊咁，叫左個雞翼尖白蘿蔔生菜牛腩河粉，另外叫左個小食 鹽酥雞試下等左都唔係好耐就有得食，講下碗車仔麵先個雞翼尖好入味d骨都有小小軟，蘿蔔都可以冇咩根，個生菜配埋個腩汁直程係絕配！牛腩唔係全肉有小小肥咬落口個感覺唔會好似柴咁，個小食係熱炸起既咬落去脆卜卜最緊要係佢既味好正食完一份都唔多夠喉送左杯野飲，食完真係飽曬

阿太車仔麵餐單提供港式, 車仔麵等推介美食位於牛頭角區，餐廳座位數28人均消費約$50以下，結賬可以用AlipayHK,支付寶,現金，Booking訂位可以電話致電 23666119 查詢。

您對於牛頭角餐廳「阿太車仔麵」有何 comment？

阿太車仔麵餐廳詳細資料：

• 阿太車仔麵地址:
  牛頭角牛頭角道307號地下B號舖
  阿太車仔麵, Shop B, G/ F,307 Ngau Tau Kok Road Road, Ngau Tau Kok
• 阿太車仔麵電話: 23666119
• 阿太車仔麵價錢: $50以下
• 分類: 港式, 車仔麵
• 座位: 28
• 付款: AlipayHK,支付寶,現金
• FB專頁: 阿太車仔麵 Facebook

更多阿太車仔麵相關資料:

• 阿太車仔麵分店
• Youtube
• Facebook
• Twitter
• Google