森戶 牛頭角

森戶 評價 相片

餐廳：森戶 (牛頭角)地址：牛頭角牛頭角道305325A號官塘立成大廈地下E號舖今日同朋友去咗牛頭角道新開嘅壽司店——森戶🍣，去食嘅原因係見到門口寫住試業期間到18/9堂食同外賣都有8️⃣5️⃣折優惠😍，食Omakase森($680)或者Omakase戶($480)第二位亦有半價，不過要留意，兩個優惠無得同時享用，但都夠哂抵啦😜12點左近就已經坐滿哂人😆，要黎嘅真係趁早。

午市食野送沙律🥗同麵豉湯，以我所食過出面嘅壽司店都唔係間間做到🙈，抵讚餐廳嘅海鮮由日本豐洲運港🇯🇵，確保餐廳所用嘅食材都係最優質同新鮮😋，叫咗個特上刺身拼盤同特上壽司拼盤，等緊嘅時候仲可以欣賞師傅嘅手勢添👨🏻‍🍳特上刺身拼盤 $320呢個拼盤有拖羅2件、深海池魚2件、金目鯛2件、牡丹蝦2件🦐、赤貝2件同海膽。

海膽份量都幾多，目測至少有6條，食落口新鮮無腥臭味👍🏼；不得不提金目鯛肉質細膩，油脂均勻，放入口非常鮮美🤤特上壽司拼盤 $258由10種不同壽司組成，有拖羅、牡丹蝦、赤貝、銀鱈魚、深海池魚、魴鮄、帶子、鯖魚、海膽同三文魚籽。

最為特別同少食到嘅係魴鮄🐟，粉紅同白色交集嘅魚身肉質紮實，味道清甜，同深海池魚有啲似，不過就無咁肥美，相對脂油較少無咁油膩😆依家仲係二人限聚，去食omakase二人優惠就岩哂😎，不過都明出街食有好多隱憂😷，所以餐牌大部份嘅食品都可以外賣拎返屋企慢慢嘆架🥡

好友係牛頭角上班，成日話附近無啖好食，其實只要細心留意，想搵間有特色兼高質素嘅餐廳，一點也不難。

最近就發現牛頭角港鐵站附近新開咗間日本料理「森戶」，今日就一於相約朋友一齊到訪。

之前已經打咗電話嚟訂檯，原來餐廳 6 月先開始營業，而家尚在試業階段。

店員話餐廳而家推出咗個「抗疫優惠二重奏」：如果客人點選 Omakase，第二位即可享半價優惠；另外由而家至 9 月 18 號，客人無論堂食或外賣，均可享全單 85 折。

雖然兩款優惠不能同時使用，不過諗落都仍然覺得好抵食。

餐牌選擇很豐富，有 Omakase、各式各樣壽司、火炙壽司、軍艦、刺身、卷物、手卷、盛盒、海鮮丼等。

今次我哋就揀咗兩個 Lunch Set：北海丼、特上壽司拼盤。

每個午市定食都會奉送麵豉湯和沙律；麵豉湯內有海藻和豆腐，飲完個胃暖笠笠，好舒服。

雜錦沙律菜好新鮮，碧綠爽脆，配有少量和風芝麻醬，清新開胃。

先來特上北海丼 ($188)，內有七款港人最愛嘅刺身，當中包括有吞拿魚腩、油甘魚、帶子、海膽、牡丹蝦、三文魚籽和三文魚，用料勁豐富，加上顏色很鮮艷，真係睇見都想食！每款刺身都很新鮮，吞拿魚腩夠曬肥美，入口魚油香濃。

油甘魚食味亦不俗，肉質緊實富彈性，鮮味細緻。

海膽瓣瓣完整肥美，每啖都充斥著鮮甜味，口感 Creamy。

三文魚色澤光鮮，配脹卜卜的三文魚籽吃，更添鮮香。

墊底的米飯亦有水準，粒粒飽滿，夠黏糯，入口濕潤，醋味恰到好處，吃到飯香。

接著送的特上壽司拼盤 ($258)  賣相亦令人眼前一亮，一客十件，當中包括有吞拿魚腩、牡丹蝦、赤貝、銀雪魚、深海池魚、魴鮄、海膽、 帆立貝、鲭魚、三文魚籽。

面頭的魚生望落去全部色澤都好光鮮，足見用料上乘。

當中牡丹蝦特別好吃，蝦肉爽彈，味道鮮甜；而爽脆嘅赤貝入口亦帶著淡淡貝類鮮香。

鯖魚油脂很豐潤，肉質細緻嫩滑，吃完滿口脂香。

用餐期間不停見有客人嚟買外賣，問過店員，原來餐牌上大部分食品都可供 takeaway， 如果擔心疫情，唔想堂食，過嚟買外賣都係一個唔錯嘅選擇。

今日約左好友食飯, 佢介紹牛頭角地鐵站附近一間新開日本料理 户森 , 有Omakase 廚師發板,魚生刺身、壽司, 話非常新鮮高質素！餐廳裝修日式木系居酒屋風格, 大部分為吧檯坐, 可見師傅席前製作, 亦有卡座適合大夥兒聚餐。

而家新張期內至18/9, 堂食及外賣都有85折優惠；食 Omakase 森/ 戶就享有第二位半價。

兩款優惠不能同時使用, 又確係幾抵食！一場嚟到, 梗係試下廚師發板, 就點咗個Omakase 戶。

套餐包前菜沙律和麵豉湯。

Omakase不時不食, 每天不同, 今日刺身有北海道牡丹蝦、拖羅、金目鯛、深海池魚、赤貝和海膽。

海膽北海道直送, 肥美肉厚帶海水味。

赤貝新鮮爽口彈牙。

深海池魚晶瑩剔透, 鮮甜爽脆。

金目鯛肉質結實魚味濃。

我嘅至愛拖羅,入口即溶油脂爆發充滿口腔, 甘香歷久不散, 回味無窮！壽司有拖羅、魴彿、金目鯛、牡丹蝦、帶子、吞拿魚、鯖魚、深海池魚、銀雪魚和海膽。

魴彿魚刺身平時喺香港較難食到, 肉質鮮甜爽口。

牡丹蝦蝦肉甜美, 細綿帶爽口感。

帶子肉厚味甜, 嫩滑鮮味。

炙燒銀鱈魚油脂豐盈, 肉質細緻。

拖羅碎手卷 鮮甜味美, 嫩滑細緻, 跟醋飯手捲帶微酸黏口, 十分開胃。

餐牌上大部份食品都可以外賣帶走, 唔使擔心疫情期間有堂食限制！

牛頭角呢一個舊區，不嬲都唔少好嘢食，但一般比人感覺都係啲街坊小店多，但估唔到原來近排開咗間日本料理餐廳，望落都幾吸引，咁啱呢排試業期間，堂食同外賣都做緊八五折，如果食Omakase 套餐，仲有第二位半價，緊係拉埋朋友一齊試下。

餐牌嘅選擇都幾豐富，有唔少壽司、卷物、丼飯、料理菜式揀，店員同我哋講，疫情期間如果擔心堂食有風險，餐牌上唔少嘅食品都可以外賣，不過望落衛生措施都做得幾足，擺曬隔板，又有消毒用品，而且人流唔算好密，都可以放心嘅。

我哋選擇咗一個特上刺身拼盤lunch set同埋特上壽司set，坐喺吧檯睇住師傅即叫即製，非常吸引。

先嚟呢個刺身set，有牡丹蝦、海膽、赤貝、拖羅、金目鯛、深海池魚等，每款都非常新鮮。

尤其係海膽非常甜，入口即溶，金目鯛鮮味十足，肉質有彈性，絕對不能錯過。

跟餐亦有一款沙律，麵豉湯，同一碗白飯，食落都夠飽。

至於壽司都好吸引，有成十款咁多，件件都好靚，部分款式就同刺身重疊，不過轉成壽司嘅做法，同刺身嘅食法，味道有啲唔同，所以感覺上都ok。

壽司方面就有海膽、三文魚籽、鯖魚、銀鱈魚、池魚、魴鮄、帶子等，比較推介鮮甜嘅銀鱈魚同埋帶子，同樣清爽鮮甜。

今餐食得都幾滿足，估唔到喺舊區食日本菜都咁有驚喜，希望之後疫情好轉，有更多時間可以慢慢品嚐omakase。

巧立名目叫omakase但係根本唔係果d野叫左個”戶”set有4件刺身10件壽司但係上菜4件刺身一次過上之後壽司又係一次過上感覺好似食緊元氣同我理解既omakase完全唔同加上點左個set唔夠5分鐘就上菜咁擺明d刺身同壽司係整定🤷🏻‍♀️食材係新鮮過元氣但完全無特色環境同一般日本餐廳差唔多整體來講完全唔值呢個價錢想試omakase建議真係唔駛去呢間我由落單食完到埋單前後唔駛30分鐘👍🏻睇咗其他食評感覺好有打手feel...中大伏

森戶餐單提供日本菜, 壽司, 刺身, 廚師發辦等推介美食位於牛頭角區，餐廳座位數未知人均消費約$101-200，結賬可以用Visa,Master,現金,Apple,Pay,Google,Pay，Booking訂位可以電話致電 23826868 查詢。

您對於牛頭角餐廳「森戶」有何 comment？

森戶餐廳詳細資料：

• 森戶地址:
  牛頭角牛頭角道305-325A號官塘立成大廈地下E號舖
  Morito もりと, Shop E, G/ F, Kwun Tong Lap Shing Building,305-325 A Ngau Tau Kok Road, Ngau Tau Kok
• 森戶電話: 23826868
• 森戶價錢: $101-200
• 分類: 日本菜, 壽司, 刺身, 廚師發辦
• 座位: 未知
• 付款: Visa,Master,現金,Apple,Pay,Google,Pay
• FB專頁: 森戶 Facebook

更多森戶相關資料:

• 森戶分店
• Youtube
• Facebook
• Twitter
• Google