百樂門煌宴 火炭

百樂門煌宴 評價 相片

今日夜晚約親朋戚友食晚飯，👍今次食冬瓜盅，呢個就一定要預先叫廚房整先嘅，因為數量有限！👍👍非常之好味呢個冬瓜盅，我真係食得最多，好清甜好爽口！健康又美味！👍👍跟住壓軸甜品就係南瓜西米露，非常之好食餐廳自家親手製！👍👍

係附近反工，餐廳無咩選擇情況下，飲茶成為每星期必選地方，中午食飯時間幾多人，除左有固定點心仲有lunch set去選擇，一個炒飯，一個炒菜再加一個小食，再加熱辣辣點心，係火炭區黎講已經唔錯，抵讚既係點心全部都非常熱同味道同價錢都幾低食

小商場嘅酒樓，無乜特別，只係家常便飯，但勝在大件夾抵食👍🏻1) 唔洗等位2)份量超多仲好抵食3) 好多款簡平日真係無乜人😂沙田人想搵酒樓不妨搭一個站去火炭食，佢喺銀𨭎商場，火車站一出就係😂晚市有6選2特價menu，我地簡左2款1) 蒸沙巴龍躉$98/1條，好大條！但有少少熟得滯2) 咕嚕雞球$58/1碟，幾好食好脆，炸粉又唔會太厚3) 海皇粉絲雜菜煲$98/1煲，唔會粉絲多過菜竟然仲有帶子，蝦，北寄貝，魷魚 (雖然係雪藏嗰啲🤣)不過98蚊，食到食唔晒好抵！4) 送糖水 紅豆沙/南瓜西米露高質，起沙，多豆！不過無陳皮味🤣但單尾又好難要求咁高嘅🤣Conclusion:3餸 (有魚有肉有菜) + 2碗白飯 + 糖水$98+$58+$98+$10x2+茶位加一Total: 約 $310 (3位) 抵！

中秋同屋企人黎食個$2380既套餐入座既時候都已經夾住張$2380既套餐紙俾我地但點知。

。

你竟然同我上個$1688既套餐！！！其實開頭都冇事，乳豬照有，生蝦照有，燕窩照有，燒雞照有（但唔知係「一品」定「黃金」），係去到條魚。

。

d呀姐係後面係度密密針，拎住條魚走黎走去，走過黎放低，然後又拎走，話送錯。

然後十分鐘又拎翻呢條魚過黎，放個蓋係上面當係新鮮蒸既另一條魚。

當然俾我地當場揭露，叫佢地蒸過條咁最後點解會俾我地發現換左個$1688既餐呢？就係碟：「碧綠醬爆雙蚌片」竟然有蝦。

佢地送餸黎手上個張廚房紙仔係寫住「$1688 碧綠蝦球蚌片」咁仲唔俾我斷正？！怪不得拎住碟魚走黎走去😡咁我地就同呀姐講啦，佢地都承認係出錯。

原因係同第二張枱既套餐調轉左。

（咁前面你又送岩？）所以將我地既餸俾人地，人地既餸俾我地😑 最後「大家姐」送個桂花糕就了事。

野食普普通通算係咁，冇話特別好食或難食，但環境真係又亂又逼。

自己樓面請唔夠人，d呀姐做到踢哂腳，呀姐們係客面前嗌交🙄唯一扺讚係有一個呀姐，上菜好笑容，又識講唔好意思，主動同我地跟單追廚房。

但全場就真係得佢一個咁好，就連「大家姐」都係講價既語氣，求了事既態度去同我地講野。

唉，只係想開開心心食個中秋飯姐，點解搞成咁？

入錯單話我地剔錯...算我地有剔叉燒包佢都記得但冇入單...算之後比錢有兩碟叉燒腸改單之後減優惠的不減貴的...算如果叫兩碟叉燒腸我會剔兩碟優惠唔會剔一碟優惠一碟正價吓😡收銀極到不願意改單退錢，特登要我地等之後問點解減優惠不減貴一句我係收銀咩都唔知再揾樓面話佢地係咁計好，幫你宣傳街坊幾廿蚊真係小事，我係要唱衰你🤬

百樂門煌宴餐單提供粵菜, 廣東, 點心, 酒樓等推介美食位於火炭區，餐廳座位數未知人均消費約$101-200，結賬可以用Visa,Master,現金，Booking訂位可以電話致電 26928022 查詢。

您對於火炭餐廳「百樂門煌宴」有何 comment？

百樂門煌宴餐廳詳細資料：

• 百樂門煌宴地址:
  火炭樂景街2-18號銀禧薈3樓
  Euphoric Banquet, 3/ F., Jubilee Court,2-18 Lok King Street, Fo Tan
• 百樂門煌宴電話: 26928022
• 百樂門煌宴價錢: $101-200
• 分類: 粵菜, 廣東, 點心, 酒樓
• 座位: 未知
• 付款: Visa,Master,現金
• FB專頁: 百樂門煌宴 Facebook

更多百樂門煌宴相關資料:

• 百樂門煌宴分店
• Youtube
• Facebook
• Twitter
• Google