瑪斯小食 火炭

瑪斯小食 評價 相片

店鋪：瑪斯小食 (火炭)地址：火炭坳背灣街4951號協力工業大廈3樓01室瑪斯小食係位於火炭、開左兩個幾月嘅工業大廈食物工場，果日返完中大晨禱會🙏，中午就去咗呢到食晏，不得不講嘅係佢地嘅食物水準真係好高👍🏼，價錢仲要勁平！難怪佢地午市時間做外賣都做到踢哂腳👨🏻‍🍳主食叫咗個套餐雞扒湯烏冬($35)同豬骨湯水餃王($35)，佢地嘅水餃真係超大隻😍，係平時餃子嘅接近兩倍大小🥟，有粟米同菜肉，餡料好足又夠鮮甜，鍾意食餃子嘅人可以一試另外有幾款小食都好值得試下，大阪燒($20)惹味十足，雖然唔可以話好正宗，但係用料同埋味道都好令人回味🥰，面頭仲有唔少木魚乾，$20咁大份真係完全平到喊😂章魚小丸子加黑松露醬 $24一份有六粒，$24就食到黑松露醬真係我都以為係開玩笑🙈，仲要粒粒都有好多🤩，唔係單單一點🤏，淨係食呢個都值回票價墨西哥風脆玉米片加牛油果醬 $35非油炸、唔油膩吧Nachos，本身嘅芝士加上牛油果醬🥑，完全係茶餘飯後嘅必食小食！難得叫咗，緊係同朋友吹多陣水慢慢嘆啦😆跟套餐加$12有一杯特飲🥤，叫咗杯熱冬瓜露 (原價$20)同凍洛神花蘆薈蜂蜜(原價$24)，佢地仲有好多款特飲可以揀架😎呢到嘅老闆係外國返黎，雖然年紀大但係仲好傾得👴🏼，希望之後可以係地鋪見返佢地，因為佢地真係值得更多人知道😋

小食店通街都係，而瑪斯小食就偏偏開係火炭工業區樓上，專做外賣。

原來除左外賣，店內仲有幾張枱可以坐低慢慢嘆，同朋友踩單車一場黎到，坐低食埋先走啦。

🍴奧地利天然礦泉水小店本身有冷氣，但一坐低，老闆即刻搬埋部風扇出黎幫我地降溫，夠晒體貼。

睇緊餐牌之時，老闆問我地飲唔飲冰水，點知拎左樽奧地利天然礦泉水，真係受寵若驚，飲落幾甘甜，仲有股人情味。

🍴花雕醉雞翼 HK$22雞翼算大隻，聞落已經酒香撲鼻，咬落去肉質冰涼結實，唔會浸到霉，酒味甘香醇厚，無苦澀味，極之出色。

🍴墨西哥風脆玉米片（跟芝士醬番茄碎） HK$20玉米片夠脆，芝士醬又濃又多，加埋番茄碎就無咁膩，老闆仲私人醒左少少肉碎比我地試下，牛肉碎用孜然、洋蔥炒過，好惹味，令成碟玉米片提升左一個層次。

🍴韓式火腿拉絲芝士蛋吐司 HK$25火腿芝士多士只要夠熱就好難會唔好食，初初以為韓式多士係煎到表面香脆，入面再加重口味醬汁，原來唔係咁，佢用左類似法式多士做法，將麵包浸完蛋汁再煎，因為唔係炸，所以表面只係香但唔脆，但裡面就非常香軟，幾特別。

🍴日式咖喱雞飯（大） HK$28除左小食，呢度仲有簡單粉麵飯。

日式咖喱辣多於甜，幾岩我口味，可惜雞肉鞋左少少。

份量都幾多，只係28蚊，如果唔想食咁飽ge可以揀細份20蚊，仲可以試埋其他小食添。

🍴朱古力心太軟 HK$20、雲尼拿雪糕 HK$10估唔到小食店連心太軟都有，真係唔野少，仲要賣20蚊咁平，老闆係咪賺夠想比其他人賺下？切開湧出熱辣辣朱古力，好濃郁，又唔會太甜，岩晒我，質素拍得住坊間賣緊幾十蚊ge心太軟，呢度食一件等於賺左幾十蚊，我今次就賺夠喇，留番d比大家賺下。

🍴黑糖珍珠奶茶（跟餐） HK$12、珍珠奶茶（跟餐） HK$12呢度d珍珠奶茶唔簡單，飲落有種親切感，就係港式奶茶ge味道，老闆話佢特登將茶底調到接近港式風味，配埋黑白奶，岩晒香港人口味。

唔好以為港式奶茶加黑糖珍珠會不倫不類，味道好夾之餘，珍珠仲夠晒煙韌彈牙，又唔會太甜，唔止拍得住出面，直頭有過之而無不及。

🍴花雕醉乳鴿食到捧住個肚腩準備走之際，老闆突然送上花雕醉乳鴿，話下個月先推出，比我地先倒入口為快，酒香同醉雞翼一樣香醇，而肉質就肥美嫩滑，好掂。

小食店黎講，佢都算與別不同，唔止小食多款又好食，仲撈過界賣埋甜品同特飲，而且質素仲要好過坊間唔少專賣店，連價錢都平過人，你老闆有無得賺架？📍瑪斯小食火炭坳背灣街4951號協力工業大廈3樓01室

Mixit Food💕 Value Choice💫..火炭工業區，食肆餐廳唔多，有一間小店，充滿著人情味💕，主要做區內外賣，定價實惠而且食物種類多元化，餐牌選擇不少：主食、小食、飲品、甜品。

而且設有堂食，一場來到火炭，不妨一次過試勻她家的菜吧。

.ll $20ll $20ll $28 14ll $35 (細) $40 (大)ll $22ll$26ll $15.煎餃子🥟：大大粒，配餃子汁 & 辣椒油是靈魂，過過口癮都不錯；章魚小丸子🐙 賣相不差，外皮做得香脆；.牛乳布甸🍮 朱古力味濃又夠香滑。

.總括呢度既小食比主食更吸引，當下午茶吃吃多士、大阪燒、章魚小丸子，過過口癮都不錯。

..×××××ש火炭坳背灣街4951號協力工業大廈3樓01室..

今日黎開工業區，都知呢邊幾多野食，黎左呢間小食店，雖然叫小食店，但都有正餐例如麵食同飯類、腸粉等等，仲有套餐、甜品同特飲。

小食店主力做外賣，但都有少量位置堂食既。

大約係一張枱既位置啦。

今次order 左啲小食，我叫左日式照燒雞扒漢堡包，有燒汁配埋生菜同洋蔥，燒汁好rich同入味亦好有懷舊風味。

另外叫左個小食墨西哥風脆玉米片跟芝士醬蕃茄粒，加配牛油果醬。

原來脆脆加埋牛油果醬同芝士醬同配料都好夾味，仲幾飽肚tim.飲品我套餐加錢配左黑糖珍珠鮮奶加芝士奶蓋。

特飲類仲可以選擇無糖／半糖／或小冰。

走之前仲order左個自家制原味牛乳布丁外賣，口感滑滑。

好完滿既一個lunch！值得一提，服務好親切友善！

瑪斯小食位於火炭工業區，聽老細講佢地都係開業左3個月，主要做外賣，店內只有幾張枱供堂食，老細見我地身水身汗踏單車，即刻問我地要唔要冰水。

.🍽澳地利天然礦泉水本身以為老細都係俾杯普通嘅凍水我地，點知佢拎左枝紫色樽嘅水出黎，呢枝澳地利天然礦泉水飲落好清甜，市面上飲到果啲礦泉水有陣奇怪味，但呢枝係無嘅。

.🍽花雕醉雞翼 $22 👍🏻👍🏻👍🏻👍🏻👍🏻我最欣賞嘅小食，佢酒味做得好好，食落後勁唔會帶有澀味，加左冰糖落去，令到酒香更加突出。

因為自己都整過花雕醉雞翼，最難係醃浸嘅時間。

太耐會有澀味，太短就唔夠入味。

.🍽日式咖哩雞飯(大) $28 👍🏻👍🏻👍🏻咖哩比較辣，如果食開小辣嘅朋友未必頂得順，而甜味略嫌少左啲啲，雞肉方面用左雞粒，肉質不錯，飯就用普通白米，如果用日本珍珠米會更好。

如果比較細食或女仔可以選擇細size。

.🍽韓國火腿拉絲芝士蛋吐司 $25 👍🏻👍🏻👍🏻👍🏻佢塊吐司用西多士處理方法一樣，先用蛋漿浸濕麵包，再煎香，令到吐司散發香味但入口軟綿綿。

.🍽墨西哥風脆玉米片(芝士醬番茄碎) $20 👍🏻👍🏻👍🏻玉米片脆、芝士醬多、番茄鮮，老闆娘話加d肉碎仲正，就俾左兜孜然肉碎我地，原本都好好味，加埋肉碎更加正。

.🍽珍珠奶茶、黑糖珍珠奶茶 跟餐$12 👍🏻👍🏻👍🏻👍🏻👍🏻呢家珍珠奶茶茶底係用港式奶茶，老細不斷微調個茶底，令到佢適合沖做珍珠奶，最終調製成呢杯充滿港式味道嘅珍珠奶茶，而黑糖珍珠煙韌彈牙，食落充滿黑糖味，十分足料。

.🍽朱古力心太軟 $20(杏仁雲妮嗱雪糕 $10) 👍🏻👍🏻👍🏻👍🏻呢個心太軟比一般糖水舖有過之而無不及，入口濃濃嘅流心朱古力醬，甜而不膩。

可惜店舖雪櫃唔夠凍，雪糕上枱時溶溶地。

.🍽花雕醉乳鴿 👍🏻👍🏻👍🏻👍🏻原本已飲飽食醉，同老細娘吹下水，傾下佢地店舖經營，食物烹調，老細拎左佢整緊下個月新菜式花雕醉乳鴿出黎，諗住佢都係俾我地望下，點知下一秒就砌好俾我地品嚐，酒香好足，最正係肉質非常之嫩滑。

.瑪斯小食一間充滿人情味嘅小食店，在用餐其間有位外賣員到小食店等餐，老細都俾左罐可樂慰勞佢大熱天時走來走去送外賣。

老細老闆娘在用餐都會不時同客人傾談經營之道，同時希望了解客人對食物嘅意見。

而且價錢比較平，我地都擔心佢有冇錢賺。

瑪斯小食餐單提供港式等推介美食位於火炭區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 55464674 查詢。

您對於火炭餐廳「瑪斯小食」有何 comment？

瑪斯小食餐廳詳細資料：

• 瑪斯小食地址:
  火炭坳背灣街49-51號協力工業大廈3樓01室
  Mixit Food, Room01,3/ F, Harry Industrial Building,49-51 Au Pui Wan Street, Fo Tan
• 瑪斯小食電話: 55464674
• 瑪斯小食價錢: $50以下
• 分類: 港式
• 座位: 未知
• 付款: AlipayHK,支付寶,現金
• FB專頁: 瑪斯小食 Facebook

更多瑪斯小食相關資料:

• 瑪斯小食分店
• Youtube
• Facebook
• Twitter
• Google