惠豐涼茶素食 火炭
最後更新:
惠豐涼茶素食推介
«625»做埋呢個星期就結業嘅黃店路過／住附近就去支持下飲返杯涼茶啦💪🏻﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷腸粉豆漿套餐 $17▶素香菇燒賣 $9業主加租頂唔住做到27號😟本身我想試下個素叉燒飯，但咁啱飯未煲好，就督串素燒賣試試，又幾得意唔講都唔知係食緊素，幾好食，仲要平～﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣惠豐涼茶素食火炭樂景街218號銀禧開心市集14號舖
火炭惠豐涼茶素食
| 餐廳分店 | 惠豐涼茶素食 |
|---|---|
| 地區 | 火炭 |
| 電話訂位 | 沒有電話提供 |
| 餐單 Menu | 港式, 素食, 涼茶, 龜苓膏, 小食店 |
| 人氣指數 | 909 |
| 價錢幾錢 | $50以下 |
惠豐涼茶素食訂位位於火炭區，詳細地址是火炭樂景街2-18號銀禧開心市集14號舖，餐廳寬敞座位數目共有5個。惠豐涼茶素食幾錢？價錢優惠後人均消費大約$50以下埋單，早餐午餐晚餐惠豐涼茶素食餐單包括有港式, 素食, 涼茶, 龜苓膏, 小食店等美食，付款方式有現金付款。
惠豐涼茶素食優惠
惠豐涼茶素食 評價 相片
«625»做埋呢個星期就結業嘅黃店路過／住附近就去支持下飲返杯涼茶啦💪🏻﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷腸粉豆漿套餐 $17▶素香菇燒賣 $9業主加租頂唔住做到27號😟本身我想試下個素叉燒飯，但咁啱飯未煲好，就督串素燒賣試試，又幾得意唔講都唔知係食緊素，幾好食，仲要平～﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣惠豐涼茶素食火炭樂景街218號銀禧開心市集14號舖
之前成日見到呢間素食店，一直都好想試但一直都係無緣，今次終於可以一嚐口福🥳店面係街市裡面細細間，然後有好多唔同既素食揀！見其他熟客成日嗌咖哩飯食，應該無得輸🧚🏻♀️不過今次超級為食想要試啲香口野，所以揀左吉列素豬扒配薯條吉列素豬扒配薯條好味道😋😋😋.5薯條食落似大型連鎖快餐店，幼身個種，不過呢度炸得唔係超脆，淋淋地有啲薯仔香，份量就一般下午茶量咁☺️另外素扒有幾件，炸到非常香口，食落唔似肉既質感，個人幾鐘意個口感同味道💕 今次呢餐係罪惡感高既健康素食😆總括黎講多個選擇比街坊幾開心，價格唔是好平，但質素都有保證，可以一試🌟
喺沙炭返工，周圍都冇咩好食，冇咩好揀有時冇帶飯又唔想周圍去，就會落樓下街市買嘢，拎上Office食 最鍾意落呢間齋鋪度買飯食，佢個三送飯，連埋個湯，都係$38仲可以揀飯、米粉或者係炒麵今日有菜譜煎蛋，西蘭花，同埋西芹但由於本人唔識西芹，可以揀做其他齋，我就揀咗個酸齋一般來講，味道唔錯，最緊要係健康我自己就最鍾意佢個湯，今日有椰子湯，好足料好甜好好飲對於成日出街食飯來講，就係鍾意呢到的家常便飯，健康又好味！
之前search過沙田有咩齋食, 但其實係冇乜選擇, 難得今日路經附近, 於是過嚟試試呢間小舖, 可惜今日係假日, 冇套飯食, 咁唯有散叫, 不過散叫都好多選擇~ 春卷+蘿蔔糕 春卷個皮夠脆, 但入面d餡就un咗, 好似係芋頭絲乾咗咁, 但好難咬 蘿蔔糕個樣好粉, 但食落又唔差, 唔會好漿口(以為粉多), 而且都有蘿蔔味, 可惜料唔夠多 齋滷味只選了蠔油同酸齋, 唔知係咪放埋一齊, d蠔油汁味道蓋過酸汁, 所以酸齋唔夠酸味, 不過蠔油齋又唔會好濃味, 啱我 炒飯什豆齋雞粒炒飯, 開頭以為普通平凡, 但食落原來有d薑粒, 唔會太dry, 有d味, 都唔錯 炒麵唔油, 夠乾身 腐皮卷+紫菜卷其實兩個卷都係差不多餡, 都係沙葛絲、紅蘿蔔絲、木耳絲等等, 好爽口 雞骨草好夠味, 應該真材實料, 一d都唔甜, 所以苦苦地可能冇乜人一次叫咁多款式, 搞到阿姐都計唔掂數, 要用計數機計, 哈~
如過晏奏要出街食，我都會盡量幫襯傳統齋舖仔，一來較健康、便宜同飽肚；二來想多支持佢哋，吾想助長D大財團。
惠豐涼茶素食係香港少用嘅連鎖式素食小店。
之前我去開九龍灣（可惜Open Rice 暫味有有關資料，未能在此同大家分享），今日於沙田有近3小時空閒，就去左火炭試試。
出左火車台行約５分鐘，已見到銀禧商場，隔離就係銀禧街巿。
惠豐就係街巿嘅入口位置，與旁邊一間茶餐廰並列，非常顯眼。
店面貼滿好多吾同嘅食物選擇，同九龍灣一樣，除左有齋舖必有齋滷味，更有傳統早餐店嘅炒粉麵，亦有涼茶鋪嘅傳統涼茶。
款式極多，都係想個market 大D，吸引更多非素食人士幫襯。
有別於九龍灣，火炭沒有當日餐牌，但比足三餸，無需‘三揀二’。
詢問過店員，大約了解過有咩食，就要了套餐，乖乖地坐底。
姨姨亦於中途問我食吾食涼瓜，怕我吾食，好細心～只需五分鐘，店員就先捧上餸菜和湯水，後送來白飯。
第一眼看到，已感到非常震憾。
餸菜分量好多，滿滿一大碟，令人聯想起荃灣嘅素食新一代。
雖然分不清到底係邊‘三餸’，但見到底有好多涼瓜，中層有大量豆角，最上層有西芹、紅蘿蔔、菜絲。
味道愈底愈濃，最底層有一張吸油衣承托住‘小山丘’。
‘小山丘’中亦有少許素肉（如下圖），但吾太清楚係咩名堂，咸咸地。
今日嘅老火湯係木瓜雪耳湯，仲有D花生同豆。
只係用匙輕輕一撈，已見到豐富嘅湯料。
清甜好飯，非常足料，絕對可媲美煮家湯，比鴻ｘ堂賣$3x一小包嘅 "健康湯水＂更好。
姨姨擔心浪費食物，先比左半碗白飯，吾夠可再比佢添。
但飯餸真係好豐富，真真正正嘅"食餸飽"；自問又吾係一個飯桶，就冇咁嘅必要啦。
不過姨姨非常細心，好驚我吾夠食，問左我三次使吾使添，哈哈！雖然比九龍灣貴$2蚊 ($34), 但感覺餸菜更為大份，湯都更為足料；調味方面較為清淡，亦冇咁多加工過嘅素肉。
即使係街市，但街市本身新穎乾淨，呢間小店又遠離濕貨區，環境光亮寛敞，空調足夠，座位充足，係間值得再去支持嘅小店～
惠豐涼茶素食餐單提供港式, 素食, 涼茶, 龜苓膏, 小食店等推介美食位於火炭區，餐廳座位數5人均消費約$50以下，結賬可以用現金。
您對於火炭餐廳「惠豐涼茶素食」有何 comment？
惠豐涼茶素食餐廳詳細資料：
- 惠豐涼茶素食地址: 火炭樂景街2-18號銀禧開心市集14號舖 Wai Fung Vegetarian Food, Shop14, G/ F, Jubileehappymarket,2-18 Lok King Street, Fo Tan
- 惠豐涼茶素食電話:
- 惠豐涼茶素食價錢: $50以下
- 分類: 港式, 素食, 涼茶, 龜苓膏, 小食店
- 座位: 5
- 付款: 現金
- FB專頁: 惠豐涼茶素食 Facebook
更多惠豐涼茶素食相關資料:
香港餐廳2026推介9月