Guru Guru 火炭

Guru Guru 評價 相片

早前，受了傷。

友人，送上兩盒由Guru Guru代理的日式曲奇。

以及，一張問候卡。

在此，表達衷心的謝意！這一款長條狀圓形的可可棒，口感似朱古力蛋糕。

入口，朱古力味道極為香濃，質感軟腍。

吃一條，不免有飽滯之感。

與朋友，分甘分味，更為美味也﹗一盒三款味道的半熟可可曲奇，有抹茶味，朱古力味和咖啡味。

獨立包裝，方便衛生。

吃前，放入烤爐二十秒左右。

入口，曲奇外脆，內裏則半溶狀態！曲奇面層上的粒粒可可豆碎，更添食味和口感﹗有人說：「可可豆可改變世界。

」真的嗎？小妹只知 吃罷，心情豁然開朗。

還有，一張18K GP合金仿真製的迷你精緻皇冠金屬夾的心意卡。

深得，小妹的歡心。

是的，在小妹狹小的世界裏。

我，就是女皇。

之前都曾經講過，自從寫開依個曲奇系列，從食友、朋友收收埋埋唔少曲奇小禮物，間接認識咗唔少城中小店或曲奇品牌，就好似今次同大家分享嘅曲奇，品牌「DariK」（www.darik.com）就喺嚟自日本京都，空運直送，晌網購店GuRu GuRu可找到佢嘅蹤跡。

事後再上上GuRu GuRu嘅官網（http://www.guruguru.com.hk），原來喺一間日本零食・雜貨網購店，以引入不同日本食品及生活品牌為經營路線，希望將不為人知嘅好嘢帶俾客人。

初時仲以為GuRu喺取其音「咕嚕咕嚕」肚餓到打鼓，睇完其網頁先知喺日文嚟，意思解「美食」及「氹氹轉」，哈哈！雖然近十年前到過京都一趟，不過，都只喺短留一天，腦海中就只有嵐山、五条通古街、清水寺、祗園……等三幾個景點嘅印象，食店、食物嘅品牌就更不用提。

打開包裝餅，有張紙卡有一段有關於DariK品牌嘅介紹，不過，全日文，一啲都唔曉，事後睇番GuRu個網頁介紹，DariK嘅「Dari」原來喺印尼語中指「由～」嘅意思，而「K」喺指印尼主要可可豆出產地Sulawesi島，因為島嘅形狀有點扭曲，睇起嚟似個「K」字，當地人稱為「K島」，此外，「K」亦有京都（Kyoto）嘅意思，所以，整個品牌有蘊含「透過來自Sulawesi島及京都的可可豆來改變世界」嘅意味，真喺寓意深長。

DariK半熟可可曲奇 $159官網就譯為半熟可可曲奇，即喺未熟？半熟有點難明，反而盒底標籤用上Soft Cookie，我就較偏向用上軟心曲奇或就咁軟曲奇，口感就正正好似美式曲奇嗰一類。

深啡色包裝，配以可可豆圖案，可謂沉實古雅，每盒共有6塊曲奇，分別有朱古力、抹茶及咖啡3款口味，均以獨立包裝，確保衛生。

而每一塊曲奇，除餅面加有大量經烘焙過嘅可可豆碎外，內裡包着濃郁朱古力軟心。

所以，官網有教人放入微波爐叮15秒，等曲奇內嘅朱古力軟心變成半溶，風味更獨特。

朱古力味朱古力味曲奇加埋朱古力軟心及可可豆碎，絕對喺濃郁變得更濃郁，朱古力迷嘅心水之選。

抹茶味抹茶味清雅幽香，配以可可豆碎，濃郁中有份抹茶清幽，的確幾得意。

咖啡味咖啡味配上可可豆碎，咖啡味依然突出。

DariK可可棒 $139黑白包裝，型格有個性，每盒共有4條可可棒，同樣每條均以獨立包裝。

雖然叫做棒，其實質感似蛋糕多啲，有少少似班尼士咁，較挺身，口感實在，其朱古力味極之香濃，從成份標籤中更見到加有杏仁粉、榛子粉，所以，風味特別。

好多謝朋友嘅瑰贈，讓小弟跟同事可以分享到咁好味嘅茶點！因為喺京都直送，所以價錢有點不便宜，不過，日本嘢以質素見稱。

Guru Guru餐單提供西式, 朱古力, 糖果店等推介美食位於火炭區，餐廳座位數未知人均消費約$101-200，結賬可以用現金。

您對於火炭餐廳「Guru Guru」有何 comment？

Guru Guru餐廳詳細資料：

• Guru Guru地址:
  火炭禾盛街11號中建電訊大廈11樓06-10室
  Guru Guru, Shop06-10,11/ F, C C T Telcom Building,11 Wo Shing Street, Fo Tan
• Guru Guru電話:  
• Guru Guru價錢: $101-200
• 分類: 西式, 朱古力, 糖果店
• 座位: 未知
• 付款: 現金
• FB專頁: Guru Guru Facebook

更多Guru Guru相關資料:

• Guru Guru分店
• Youtube
• Facebook
• Twitter
• Google