鼎泰酸菜魚 灣仔

鼎泰酸菜魚 評價 相片

媽咪係一名酸菜魚粉絲，聽到聽到食酸菜魚都總會流口水。

知道響公司附近開咗間酸菜魚專門店，所以星期六就帶佢嚟過下口癮. 依間鼎泰酸菜魚嘅午市套餐都幾大最貴嗰個都係八仙醉雞 68蚊. 其餘吸引嘅菜式有天府川黃水煮魚片/牛肉，紅燒肉鎮江陳醋小排骨，鼎泰上海排骨，四川回鍋肉等等，每個主食都會配飯或者麵食，除咗可以配白飯同菜飯之外，更可配高湯上海麵，四川擔擔麵，重慶麻辣紅薯粉！加三蚊仲可以有熱飲一杯 ，十分抵食～當然我們選了鼎泰老壇酸菜魚（$62）， 好靚嘅一碗麵， 除左有魚片，花椒，辣椒乾，蔥花等等仲放左黃菊花。

魚係已經起咗骨的滑身魚片， 厚肉味鮮，湯底濃郁甘香。

酸菜份量剛剛好沒有出現偏鹹嘅情況，酸酸地好醒胃，微辣不膩，碗中包括一些薯粉，。

由於佢用上曲形嘅紅薯粉，所以造成掛湯嘅效果，十分滋味。

成都老城口水雞 $66其實好少地方口水雞嘅夾雞見係咁大件，啖啖肉，一個口水雞係凍嘅響咁熱嘅時間食呢個凍肉真係舒暢而又有飽肚感！個辣醬辣油係好香，仲要唔係好搶嗰種，令每件雞肉”錦上添花 “，仲要加埋炒香左嘅花生，同微香嘅菜飯一起食，感覺好滿足！辣子雞 $58 平時啲辣子雞只係見到辣椒，裏面嘅雞粒又瘦又“un",唔係好食到裏面嘅雞肉，主要係食雞個面嘅”味道“，依間嘅辣子雞改變左我對辣子雞嘅壞印象,佢聰明地嚮雞外面加咗層炸漿，炸到好脆卜卜，雞亦好厚肉，就算係炸皮都唔係好油，而又充滿辣椒香同有麻嘅感覺，媽同我都好快KO左依碟嘢！紅糖玫瑰冰粉 $28第一次食冰粉係用玫瑰, 玫瑰花的獨有香味, 鍾意依種味嘅朋友都難以抗拒, 玫瑰花用蜜餞方式去製作, 和爽口的冰粉出奇的夾,和凍冰冰嘅冰粉食，食完好舒服又解辣。

這次午餐是自費活動，並無任何廣告成份，真心推介俾大家！

💁🏼‍♀️平日出去食酸菜魚動輒都要二、三百元一份💕最新發現灣仔開左間川菜館🌶午市套餐💲52起，包一款主食🍜超過十多款式選擇🔖有辣有唔辣😍加$5仲配飲品🍹喺灣仔區來講算幾抵食====—====—====—===—🐟🍲鼎泰老壇酸菜魚（加黃菊花配麵）（$62）酸菜魚是川菜中的經典菜式， 以生魚為主料，配以酸菜等配料煮成，口味酸辣可口，加上花椒、泡椒、辣椒、菊花等配料，不但美觀吸引，吃上來也很美味。

魚肉非常嫩滑，配料還有配上豆芽、娃娃菜和薯粉，夠曬飽肚。

🐄天府川皇水煮牛肉（$62）水煮牛肉以麻辣煮成，色澤夠紅，味道香辣惹味，非常足料。

牛肉鮮嫩配料還有配上豆芽、娃娃菜和薯粉，同樣夠曬飽肚。

🐷四川回鍋肉($58）以豬腩肉和椰菜炒成，豬腩肉肥瘦均勻，香辣又惹味。

🐥成都老城口水雞（$66）咸香的醬汁令口水雞非常入味，口水雞份量非常多，而且每件都肉厚嫩滑，醬汁上更配上鷹嘴豆和香蔥，令顏色更為豐富。

底下還有青瓜，索曬醬汁非常美味。

🐤重慶歌樂山辣子雞（$58）辣子雞用上青椒和洋蔥一起炒成，辣子雞先用炸漿炸過，再用上辣椒和鷹嘴豆一起炒成，個人認為粉漿略為過厚，不過味道還不錯的。

套餐配一款主食：🍚絲苗白飯、🍀江南菜飯、🍜高湯上海面、🥜四川擔擔麵、🥔重慶麻辣紅薯粉個人比較推介菜飯，菜粒和薑粒配在白飯上， 簡單又好味。

四川擔擔麵醬汁香濃另外點了一個淨餸🐷☘️乾煸四季豆🌶（$68）四季豆炒得非常乾爽，配合豬肉碎和其他香料一起炒成非常惹味，香香辣辣，配飯一起吃味道超好。

🍹凍檸蜜（套餐加$5）套餐熱飲加$3 ，凍飲加$5====—====—====—====—

週未既灣仔缺少了辦公室上班族既人來人往,多左一份休閒既感覺,正好可以趁住無咁多人流既時候發掘一下餐廳小店試下.途經謝斐道既街口,見到呢間酸菜魚店感覺都幾吸引,就同朋友行入去試試.酸菜魚用上老壇酸菜,酸菜味道香而不會太酸,酸菜咬落爽脆.配料亦有豆芽,薯粉,黃菊.湯底帶魚鮮香味,唔會腥帶陣陣酸辣既刺激,香料同樣足夠,整體味道豐富.魚片雖然較薄身但入口爽脆而不腥,入口質感嫩滑.擔擔麵湯底夠花生香,帶少少辣味好香濃,麵條充份吸晒擔擔湯底既味道,夠晒味.辣子雞份量十分多,雖然同平時食開既辣子雞有少少唔同,但大塊既雞子雞塊食落口感都保持到脆口既感覺,外皮炸粉唔會好厚,外皮脆內裏雞肉都幾滑.入口帶陣陣麻香辣味.涼拌萵筍絲好適合夏天食,萵筍絲清新,咬落充滿水份得黎又夠爽脆.入口帶點麻油香味,作為涼拌真係做到開胃既感覺.紅糖玫瑰冰粉,清澈通透既冰粉入口滑溜彈牙,加上玫瑰紅糖水入口香甜,又帶好濃既玫瑰香.食完辣野後作為甜品剛好可以化解口腔既麻辣感.

限聚令無得夜晚堂食，唯有早少少傍晚時間食下午茶，咁就最穩陣，食到想食嘅嘢。

有半年冇食過酸菜魚同水煮魚，今日特登約埋朋友去灣仔呢間鼎泰酸菜魚，有下午茶套餐，全日免收加一，超抵食！下午茶套餐，由$38 $48,另有港式茶餐。

我們目標當然是吃川菜啦！套餐可以選一款主菜，配白飯、上海麵、擔擔麵或麻辣薯粉一款， 冇諗過上海麵咁受歡迎，下午四點幾已經賣曬，我們三人點三個餐，配擔擔麵和薯粉，份量是超多的！下午茶收費也絕不欺場，真材實料！先說說這裏招牌的鼎泰老壇酸菜魚(加黃菊花配麵) $48, 一人份量的套餐，也盛得滿滿一盤，酸菜分量多，還有很多芽菜、娃娃菜墊底，特色是用黃菊花瓣點綴酸菜魚的清香，配上海麵條，雖然麵條在湯裏份量很少，但麵條吸收酸菜魚湯味，微微酸辣，很開胃，同時要讚讚酸菜魚湯底，其實酸多辣小，不能吃辣的人也能接受的，淨飲湯味道也不錯。

主角酸菜和魚片，魚片用生魚，肉質煮得剛好，非常嫩滑，無骨，夾著酸菜一起吃，不會覺得太酸，只會越吃越開胃，帶輕微辣度，越吃越過癮。

伴著擔擔麵一起吃還是第一次，出奇的好味，因為擔擔麵本身有花生香味，跟酸辣味很夾，麵質吸收了湯味，無論口感和味道都不錯。

天府川皇水煮魚片$48, 配麻辣紅薯粉。

感覺吃辣的總是要配薯粉，煙韌的口感才相配，不過薯粉的湯底其實不是太辣，是微辣偏麻香。

而水煮魚片也是用生魚，與酸菜魚一樣的滑，分別是湯底而已，水煮魚滿江紅的麻辣香氣，下了蔴油，在辣味之上更突出，愛吃辣而不吃酸的人最適合。

成都老城口水雞$48,醬料味道以咸香為主，小辣，入味得來肉質頗滑， 還有青瓜條墊底，青瓜吸收了醬汁味道，爽口多汁，帶香辣味，很好吃，配飯吃也不錯。

鎮江肴肉$58, 是朋友的至愛，下午茶雖然沒有套餐，但正價價錢也不貴。

味道也不錯，豬肉鹹味夠香，鹵水味鹹淡適中，爽口的滷水啫喱，在夏天吃這涼菜很消暑。

鹵水汁由啫喱狀在口裏慢慢融化的感覺，滑滑的很治癒！點醋吃，能提升肴肉香味。

三人吃了這麼多東西，共$202,全日免加一是賣點，平民價錢食到足料大份的酸菜魚、水煮魚，很推介呢！有時間一定再光顧。

番工番到悶悶地，最精神就係放Lunch❤️公司附近開咗間新食店，見到門口排左勁多人，八卦仔入去望吓，原來係主打食酸菜魚😋媽喔，是酸菜魚喔😚GOGOGO，本menu好靚呀，成本故仔書😜▪️套餐自選一款主菜，配白飯，擔擔麵或麻辣薯粉，再有飲品😚▪️鼎泰老鼎酸菜魚加黃菊花配麵，魚肉鮮嫩無骨，大量的芽菜、酸菜、娃娃菜墊底，分量真係好多，哩啲配菜先係精華😋 啲麵吸收酸菜魚既湯味，湯汁酸辣適量，十分可口😊▪️天府川王水煮魚片🤩嗰名好架勢🤟🏻 水煮魚哩道菜就可以滿足我哩嗰辣迷，一上枱好吸晴，大大碗紅紅的麻辣魚片，好香既麻辣味，水煮魚片再滑多一點，魚片完全吸收辣湯湯汁，魚片味道鮮美，而湯汁醇香濃厚，高水準😋▪️鼎泰八仙醉雞，好香酒味的醉雞，帶有濃香味，肉質扎實，keep到鮮嫩入味🤩的確幾正☺️ 重點夠入味，好中意醉雞汁，可以撈埋落啲江南菜飯度，好正呀😚😚▪️雲耳雞湯浸田園蔬菜🥬爽口既雲耳同埋超多既菜心，菜心吸收哂雞湯既味道，重點唔會太淋，每條都好爽口🤪▪️陳醋雲南小耳，醋拌黑木耳，黑木耳好有營養，岩哂天氣炎炎享用，口感爽脆之餘又非常醒胃🤪▪️香醬涼茄子，香醬放在涼茄子上，茄子🍆吸收哂香醬的味道😋清淡又不失味調😋😋▪️熱檸樂加薑好耐無飲過啦❤️回憶的味道

鼎泰酸菜魚餐單提供川菜, 四川, 中菜館等推介美食位於灣仔區，餐廳座位數70人均消費約$51-100，結賬可以用AlipayHK,支付寶,現金，Booking訂位可以電話致電 29832319 查詢。

您對於灣仔餐廳「鼎泰酸菜魚」有何 comment？

鼎泰酸菜魚餐廳詳細資料：

• 鼎泰酸菜魚地址:
  灣仔謝斐道130-146號地舖
  鼎泰酸菜魚, G/ F,130-146 Jaffe Road, Wan Chai
• 鼎泰酸菜魚電話: 29832319
• 鼎泰酸菜魚價錢: $51-100
• 分類: 川菜, 四川, 中菜館
• 座位: 70
• 付款: AlipayHK,支付寶,現金
• FB專頁: 鼎泰酸菜魚 Facebook

更多鼎泰酸菜魚相關資料:

• 鼎泰酸菜魚分店
• Youtube
• Facebook
• Twitter
• Google