鳳城小食 灣仔

鳳城小食 評價 相片

🐷扒多：8 x ❤️沙🐮米：7 x ❤️熱🍼茶：8 x ❤️星期六中午，唔知食咩嘢好，突然諗起仲未試過灣仔街市鳳城小食嘅豬扒多士，於是乎就走過嚟食。

好好彩，一嚟到就有張吉枱。

兩個人，一份沙爹牛米、一份豬扒多、一杯奶茶，啱啱好。

沙爹牛肉ok，但味道唔算好香濃，牛肉同米粉不過不失。

豬扒多士見過唔少人介紹推薦，豬扒肉質口感不錯，多士香脆，多士同豬扒之間搽咗沙律醬，味道都好夾。

熱奶茶份量十足，新鮮熱辣，味道亦相當唔錯。

雖然環境同服務只係一般，但價錢唔貴，算係幾抵食。

成日都經過呢一間餐廳，但都冇食過，今日經過呢一度，咁就過嚟試一試！佢嘅鋪面唔算好大但都有幾張枱，裝修啊或者衛生方面你都唔好有特別嘅要求。

嘢食方面佢哋都有好多嘅選擇，價錢都相宜係呢區來講。

平時都好鍾意去啲舊式嘅茶餐廳，因為好鍾意去食嗰啲港式嘅小食。

今次我就點咗佢哋嘅豬扒包同埋西多士。

豬扒包十分之有驚喜，咬落去第一啖好多肉汁，豬扒炸得好香脆，唔會好乾亦都唔會好油，而且豬扒亦都唔會話好韌，個份量都好足夠🤤食完之後會令你想叫一份。

而佢嘅西多士都好特別，唔用蜜糖而用煉奶，上面仲有大大嚿牛油，你唔使另外在加蜜糖都已經夠晒甜，多士中間你會食到有少少嘅花生醬，而且佢哋炸得好香口，總括來講佢哋啲嘢食都真係好好食😋

久違了走到灣仔街頭 難得是可以平日返工時間外出上堂雖然只是短短幾堂 都已經感覺是人生樂事難得出外走走 雖然想來點特別不過一個人的午餐 還是簡單一點好走到灣仔街市附近見到呢間鳳城小食說清了都是茶記一間  店面雖小 不過人客卻是絡繹不絕望望餐牌四周 蠻多元化的 而且選擇都不少基本款多士、三文治類、碟頭飯麵食豬扒麵都有不過說到招牌的可說是雲吞同水餃點來一碗雲吞河原以為雲吞只有4顆 不過很大方地有5顆耶雲吞不算細顆 蝦肉也不少 咬落彈牙爽口 很不賴耶河粉剛好不會過腍 尚有咬口的加拼了一份芝士三文治說穿了其實就是方包加上芝士味道不過不失 沒有期望都沒有失望就是

之前想平食就會去權記食麵，食完仲有時間行下玩具街，早排食完行街就留意到鳳城呢間店，佢都係食粉麵，有幾個舖位，有機會坐店內食，亦又機會坐街食。

今次黎到，發現除左粉麵，都有飯食，另外仲有三文治，燒賣之類。

箍牙妹當然揀食粉啦！正當阿姐吹我落單，我話我第一次黎，咁佢就介紹我食水餃同雲吞，好啦，你話事！咁我就要左個水餃雲吞河。

2粒水餃3粒雲吞，好大碗河粉，水餃果然有料到，好大粒，好多蝦仁，仲有木耳絲同筍絲，食落好爽口。

雲吞都唔差，蝦仁數量亦不少。

河粉份量真係幾多下，食到一半已經飽。

不過雙拼加$10有啲貴。

每次行過太源街，鳳城小食都係我必食既餐廳，餓就食豬扒面，通粉之類唔太餓就食個豬扒飽，如果飽飽地都要嗌個炸豬扒當小食甘食食到依家都差唔多食左有十幾年係依頭啲街坊都無咩邊個未食過距地既炸豬扒既甘當然距地都有其他既食物賣既不過除左距地既奶醬多士之外，我又真係無食過其他野因為好多朋友食過鳳城既其他出品既都話......唔夠炸豬扒好食距地既炸豬醃得好入味，唔会一炸完擺左洛碗湯粉度咩味都無哂，以炸得非常香口，醃同炸依两個步驟都做得好出色

鳳城小食餐單提供潮州菜, 港式, 外賣店, 大牌檔等推介美食位於灣仔區，餐廳座位數未知人均消費約$50以下，結賬可以用現金，Booking訂位可以電話致電 28938278 查詢。

您對於灣仔餐廳「鳳城小食」有何 comment？

鳳城小食餐廳詳細資料：

• 鳳城小食地址:
  灣仔交加街18號地下A1號舖
  鳳城小食, Shop A1, G/ F,18 Cross Street, Wan Chai
• 鳳城小食電話: 28938278
• 鳳城小食價錢: $50以下
• 分類: 潮州菜, 港式, 外賣店, 大牌檔
• 座位: 未知
• 付款: 現金
• FB專頁: 鳳城小食 Facebook

更多鳳城小食相關資料:

• 鳳城小食分店
• Youtube
• Facebook
• Twitter
• Google