香港魚蛋皇 灣仔

香港魚蛋皇 評價 相片

近排成日要去到灣仔工作，大部份嘅餐廳都已經試過，而今日就嚟到呢間餐廳食，不過之前係食呢度嘅早餐今次去到嘅係晚市時間，感覺餐牌又唔同咗，除咗一般嘅魚蛋粉麵之外，竟然仲可以食麻辣或者酸辣米線，仲可以按照我嘅要求要多酸少辣添，所以我就叫咗一碗我是魚皇酸辣米線加飲品等咗大約10分鐘左右，米線就嚟到，睇落去好大碗，裏面有好多配料，包括腐皮、芽菜、酸菜等等，感覺配料仲多過米線，十分豐富，至於呢碗嘅主菜就有魚蛋、魚腐同魚皮餃，全部都好彈牙，當中個人覺得最好食就係魚腐，因為真係好大舊，而且咬落去魚味好重、啖啖肉飲品方面就要左杯紅豆冰，見到紅豆差唔多佔咗成個杯嘅三分之一，好足料，而且冰嘅份量唔算多，飲落去唔算太甜，味道啱啱好，飲完已經飽曬最後埋單都唔洗$100，灣仔來講都算唔貴

今日行過入左去食左個招牌牛腩魚蛋米，牛腩份量屬於超多，如果1個女仔都好大機會食唔曬，所以如果2個女仔食絕對可以叫1碗麵再叫小食同飯品2份食都已經可以。

男他食就絕對飽肚。

牛腩質素尚可但如果可以再軟身一D就更加好，魚蛋方面就幾彈牙，食得出係有質素同新鮮，絕對唔係超市魚蛋質素。

價錢方面合理，唔算貴。

地點方便易搵，環境方面以食魚蛋粉類來說算是整潔衛生，而餐具座位都比較新同乾淨，座位又唔會太逼。

如果要快食，都係一個唔錯選擇。

天氣太熱，真係冇心機食大餐，食碗魚蛋粉麵就係最正！我叫嘅係，Hong Kong styled Fish balls with sliced squid's head with noodles, 魚蛋拼墨魚頭撈粗麵(蠔油汁) + 凍檸檬茶。

魚蛋拼墨魚頭撈粗麵(蠔油汁)，墨魚頭好有鮮味，夠爽口，而且份量多；魚蛋有三粒，魚片都有三片，爽口彈牙，好有魚味，係鹹香嘅魚鮮味；配合蠔油撈麵，係好正嘅一餐，真真正正係香港漁村，艇家嘅味。

凍檸檬茶，完全係消暑良伴，正！

👌🏻招牌牛腩魚蛋河$45招牌手唧魚蛋夠哂彈牙，好有空氣感👍🏻魚味突出但唔腥，咬落有少少魚骨碎，完全feel到真材實料🤪牛腩份量好多，不過味道就麻麻地啦偏瘦好鞋口，好似食緊湯渣咁😟又唔夠入味🥴都係魚蛋好食啲，得兩粒唔夠喉😣味道：7/10性價比：6/10📍#香港魚蛋皇灣仔軒尼詩道309311A號誌寶大廈地舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #灣仔 #灣仔美食 #灣仔好去處 #灣仔打卡 #港式粉麵 #魚蛋粉 #墨丸河 #雲吞麵 #鮮蝦雲吞 #五香牛腩

依間魚蛋皇食過幾次....雖然環境一般, 裝修是普通茶記的裝修...也坐得比較迫,其他食物普通...但牛腩整得相當有水準...而且招呼有禮！等候時間合理,唔會話等好耐！今日中午叫了個牛腩河同腐乳通菜！牛腩肥瘦適中，入味又唔韌，份量唔少，起碼有六七舊！牛筋軟淋，入口即溶！其實夾起嗰陣時已經感覺到好淋。

湯底加了腩汁，有濃郁鮮甜的牛味~~河粉吸收了腩汁超好味呀！食完意猶未盡！腐乳通菜啲通菜夠翠綠同新鮮、咬落爽口！腐乳醬份量又啱啱好！

香港魚蛋皇餐單提供潮州菜, 粉麵, 米線, 雲吞, 餃子, 茶餐廳, 冰室等推介美食位於灣仔區，餐廳座位數40人均消費約$50以下，結賬可以用現金，Booking訂位可以電話致電 28770808 查詢。

您對於灣仔餐廳「香港魚蛋皇」有何 comment？

香港魚蛋皇餐廳詳細資料：

• 香港魚蛋皇地址:
  灣仔軒尼詩道309-311A號誌寶大廈地舖
  香港魚蛋皇, G/ F, Chi Po Building,309-311 A Hennessy Road, Wan Chai
• 香港魚蛋皇電話: 28770808
• 香港魚蛋皇價錢: $50以下
• 分類: 潮州菜, 粉麵, 米線, 雲吞, 餃子, 茶餐廳, 冰室
• 座位: 40
• 付款: 現金
• FB專頁: 香港魚蛋皇 Facebook

更多香港魚蛋皇相關資料:

• 香港魚蛋皇分店
• Youtube
• Facebook
• Twitter
• Google