靠炆雞 灣仔

靠炆雞 評價 相片

又經濟又美味泰國菜😋！晚飯時段，一家三口第一次光顧，大人和小朋友都很喜愛海南雞飯，船麵和彩虹金邊粉，麵和飯的份量剛剛好，雙拼海南雞炸雞飯都有三碟小醬伴上。

由於，店員和廚師都是泰國人，飯和麵的味道都跟在泰國食的一樣，仿如好似在泰國🇹🇭。

值得一讚，店員有禮和細心，因有小朋友在旁，他們會主動給水杯和小飯碗，店舖衞生乾淨，枱上有醬料花生碎供應👍🏻

星期六晏晝由灣仔行去銅鑼灣，經過呢一間吳起眼嘅小店，望望餐牌，有好似曼谷水門雞飯嘅嘢食，冇得去旅行，唯有去下呢度食感受下旅行嘅味道。

小店裝修非常之簡約，廚房煮面嘅阿姐都唔係香港人樣。

店全部用上不銹鋼餐具，勁有泰國街邊既感覺。

太肚餓，未影相已經比人食左個雞飯。

海南雞飯，完全唔似一般連鎖店食到嘅，個雞肉好滑，雞皮好薄，果兩碟醬都同水門雞飯差不多樣，仲有一碗仔冬瓜湯送添。

胡椒豬雜，幾蚊其實好食得過，胡椒味好輕，不過湯底好味，仲有好多香葉，清得黎又幾開胃，其實就食得多牛雜，豬什好少食，不過佢整得好乾淨，又好爽口，連啲通菜都非常好味。

腩肉炒椰菜苗，平時食得多馬拉盞炒通菜，呢個椰菜睇落好油膩，不過其實食落好惹味，腩肉係主角，好腍好香。

泰北船河，男朋友話呢一個係有辣嘅，因為知我鍾意食辣，湯底睇落好清，頭一兩啖都覺得個辣係假嘅，不過食食吓辣味就出到，又唔係真係好辣， 係好香嘅。

香港好多地方都有得飲呢一隻泰國奶茶，但我哋都要叫番一杯襯下呢餐。

在灣仔與銅鑼灣的交界中行走，剛巧經過了一間小店，外貌像極了在泰國見到的小店，裏面賣的就是泰國的菜式，例如有海南雞飯，船河等等。

正好還沒有吃晚飯，所以決定入去一試，朋友和我分別叫了一個海南雞飯，一個船河及一個平常少見的苦瓜湯，之後再追加一個芒果糯米飯，一頓飽飽的晚餐。

海南雞飯的飯量非常之多，而且飯底很有雞油的味道十分香濃，隨飯之外有一個冬瓜清湯及特製的酸辣醬及豉油。

酸辣醬酸辣味也恰到好處，非常開胃，把整整一個飯吃完也一點都不出奇。

船河分量亦很大，有泰國特色的捲粉，湯底是非常濃郁的豬雜湯，另外有豬腰，豬皮，豬肉，豬肉丸作餸，價錢也是五十多元，性價比高。

苦瓜湯味道不是很苦，而且是平常吃不到的味道，內裏有很多舊排骨，煲完了還嫩及有肉香，值得一試。

芒果糯米飯不是死甜，有一點鹽帶出正宗鹹甜芒果糯米飯的味道，可惜的是芒果不是泰國芒。

店裡的擺設桌椅像泰國見到的，店員也是泰國人，有種去了泰國的錯覺，有風味之餘，價錢也很抵食。

今天依然在銅鑼灣工作，一路走來炎炎夏日胃口不太好，不想吃沙律，因為已經吃了很多天，需要一點酸甜或辛辣的食物刺激一下味蕾， 走到銅鑼灣與灣仔交界，看見一間泰式餐廳符合我要求泰式無骨海南雞拼炸雞飯非常特別的配搭，海南雞飯配搭炸雞， 一潤滑香軟蘸上酸辣醬，一香脆可口蘸上甜酸醬，吃一口雞油飯粒粒分明，米出奇地香，加上一點醬油美美即時提升，冬瓜湯清新鮮甜不能缺少的泰式炒通菜吃泰菜指定必點項目，完全正宗泰國口味，一點點香辣，一點點豆醬，互相輝映配合出不能形容的美味店員是泰國人並操流利廣東話，相信他們住在香港多年，我亦感激他們喜歡香港定居在此，為香港人帶來正宗的泰式美味。

平時去灣仔好少會食泰國菜，但係男友咁啱留意到依間新開嘅泰國菜餐廳，而且價錢都十分相宜。

餐廳門口裝修好低調，行到入去有種感覺好似泰國嘅平民餐廳，估唔到食物好有驚喜。

我地一人叫左一個飯/麵share、椰菜苖炒炸腩肉，再叫左兩杯青檸梳打。

泰式無骨海南雞飯係必食😍，雞肉調味恰到好處，配上有味飯係絕配，男友食到無停口。

我地叫左正宗泰國船河配豬肉，本身可以揀配牛肉或豬肉，亦可以㨂麵款，今次就揀左金邊粉。

船河湯底偏甜，但十分惹味，配上豬肉、豬膶、各式豬雜等等，可惜肉質都係較櫌，令船河稍為失色。

椰菜苖炒炸腩肉係另一個亮點，香脆嘅炸腩肉塊配上清爽嘅椰菜苗，一凹一凸啱啱好😋，加上有少少辣，更惹味。

靠炆雞餐單提供泰國菜等推介美食位於灣仔區，餐廳座位數未知人均消費約$51-100，結賬可以用現金。

您對於灣仔餐廳「靠炆雞」有何 comment？

靠炆雞餐廳詳細資料：

• 靠炆雞地址:
  灣仔軒尼詩道365-367號富德樓地舖
  靠炆雞, G/ F, Foo Tak Building,365-367 Hennessy Road, Wan Chai
• 靠炆雞電話:  
• 靠炆雞價錢: $51-100
• 分類: 泰國菜
• 座位: 未知
• 付款: 現金
• FB專頁: 靠炆雞 Facebook

更多靠炆雞相關資料:

• 靠炆雞分店
• Youtube
• Facebook
• Twitter
• Google