蘭度小籠包 灣仔
地址: 灣仔蘭杜街2號麗都大廈地下3號舖
最後更新:
蘭度小籠包推介
係呢頭收工，見到呢條街真係成條街都係餐廳~ 見到呢間餐廳新開~ 就入去試下同其他鋪頭相比，呢間係比較中式的MOOD, 其他鋪全部都黑麻麻，係得呢間係光猛,哈哈!對於第一次行過既人.....係吸引...最小知道入面食咩樣,哈哈!首先叫左個小籠包~上台係好熱好熱~打開超多煙....樣見到皮都係薄...因為見到入面的湯汁，夾起又唔會即刻爆曬出黎，呢樣加分!咬開入面當然好熱，湯汁有肉味但又唔會好騷，舊肉亦係食到肉纖維...唔似我早幾日係第二間食既小籠包...真係肉渣...完全唔似食緊豬肉...呢個小籠包合格!!之後就到肴肉....呢個送就同平時出面冇咩分別~ 不過拿出黎個陣可以再凍小小就會更加好!當日仲叫左賽螃蟹!由於本人係好鐘意食蛋白~ 所以每次去親上海菜館都會叫賽螃蟹~呢間餐廳的賽螃蟹都可以既~ 出黎夠熱仲加左的瑤柱落去，所以都有鮮味~如果可以再好的~ 就係唔好炒咁熟~ 咁就PERFECT!!除左呢的仲叫左紅燒獅子頭!一上台都嚇一跳，咁大舊既.....食落好食既~ 雖然咁大舊，但又完全唔係一舊死肉...佢個皮包有小小口感~ 但係中間心係軟既!個汁唔會太甜又唔會太重味! 如果有飯就一流!!最後叫左一個每次必食的豆沙鍋餅!呢間的豆沙鍋餅好食，係因為佢皮唔會太厚...同炸得岩岩好...透曬但又唔會燶....出面有的鋪頭為左唔會炸爆...就攪到塊皮好厚好厚...食落真係好難食....同埋佢既紅豆係夠多....唔會好小氣咁樣剩係得中間有....所以呢個係要點!!總括黎講呢間鋪頭係可以去食的!
灣仔蘭度小籠包
| 餐廳分店 | 蘭度小籠包 |
|---|---|
| 地區 | 灣仔 |
| 電話訂位 | 36195728 |
| 餐單 Menu | 滬菜, 上海, 粉麵, 米線, 雲吞, 餃子 |
| 人氣指數 | 940 |
| 價錢幾錢 | $51-100 |
蘭度小籠包訂位位於灣仔區，詳細地址是灣仔蘭杜街2號麗都大廈地下3號舖，餐廳寬敞座位數目共有未知幾多個。蘭度小籠包幾錢？價錢優惠後人均消費大約$51-100埋單，早餐午餐晚餐蘭度小籠包餐單包括有滬菜, 上海, 粉麵, 米線, 雲吞, 餃子等美食，付款方式有AlipayHK,支付寶,現金付款，Booking網上訂位可以電話致電 36195728 查詢訂座。
蘭度小籠包優惠
蘭度小籠包 評價 相片
係呢頭收工，見到呢條街真係成條街都係餐廳~ 見到呢間餐廳新開~ 就入去試下同其他鋪頭相比，呢間係比較中式的MOOD, 其他鋪全部都黑麻麻，係得呢間係光猛,哈哈!對於第一次行過既人.....係吸引...最小知道入面食咩樣,哈哈!首先叫左個小籠包~上台係好熱好熱~打開超多煙....樣見到皮都係薄...因為見到入面的湯汁，夾起又唔會即刻爆曬出黎，呢樣加分!咬開入面當然好熱，湯汁有肉味但又唔會好騷，舊肉亦係食到肉纖維...唔似我早幾日係第二間食既小籠包...真係肉渣...完全唔似食緊豬肉...呢個小籠包合格!!之後就到肴肉....呢個送就同平時出面冇咩分別~ 不過拿出黎個陣可以再凍小小就會更加好!當日仲叫左賽螃蟹!由於本人係好鐘意食蛋白~ 所以每次去親上海菜館都會叫賽螃蟹~呢間餐廳的賽螃蟹都可以既~ 出黎夠熱仲加左的瑤柱落去，所以都有鮮味~如果可以再好的~ 就係唔好炒咁熟~ 咁就PERFECT!!除左呢的仲叫左紅燒獅子頭!一上台都嚇一跳，咁大舊既.....食落好食既~ 雖然咁大舊，但又完全唔係一舊死肉...佢個皮包有小小口感~ 但係中間心係軟既!個汁唔會太甜又唔會太重味! 如果有飯就一流!!最後叫左一個每次必食的豆沙鍋餅!呢間的豆沙鍋餅好食，係因為佢皮唔會太厚...同炸得岩岩好...透曬但又唔會燶....出面有的鋪頭為左唔會炸爆...就攪到塊皮好厚好厚...食落真係好難食....同埋佢既紅豆係夠多....唔會好小氣咁樣剩係得中間有....所以呢個係要點!!總括黎講呢間鋪頭係可以去食的!
今晚好想食上海菜，知道朋友公司附近有間上海菜小店<蘭度小籠包>，晚餐時間又吾洗迫，試下新野，詁吾到有驚喜吖!!~<生煎包>生煎包脹卜卜，非常新鮮熱辣，係剛剛煎出來的。
服務員細心地提示我哋，生煎包入面嘅肉汁非常燙口，要小心食用。
我地先細啖甘咬開個生煎包，果然勁多肉汁，而且肉汁味道好甜，包底亦煎得夠香脆好食，yummy !!~<小籠包>主角小籠包出場啦!!～小籠包既皮一d都吾厚，夾起時要好小心，因為好易會穿。
小籠包非常晶瑩剔透，咬下去又係爆曬肉汁，而且入面嘅豬肉餡料吾多肥肉，入口好鮮味，抵讚吖!!<紅燒獅子頭>獅子頭係好大個豬肉球，外面既秘製燒汁惹味濃郁，豬肉肉質入口又綿又腍又多汁，而且沒有多餘的肥肉，配埋小棠菜，水準很高，係必食之選!!~<上海炒年糕>年糕質地非常煙韌彈牙，炒得不算很油膩，味道不算很濃，但咸度是剛好的，仲有肉絲同菜一齊炒，味道不錯。
<嫩雞燴麵>嫩雞燴麵的雞湯湯底很濃，入面有雞肉和配菜，雞肉夠嫩滑，幼身上海麵條軟身，吸收曬湯底精華，味道不錯。
小店地方不算很大，但亦設有卡位雅座，晚餐來講算是非常舒適。
以上海菜來講，餐牌上的食物亦貴精不貴多，重點的上海菜食物都已經有，而且食物質素水準很高，價格不貴，服務員亦細心有禮，值得再次光顧吖!!~
女朋友超鍾意食上海菜，今日經過灣仔蘭杜街時剛好發現一間新開嘅上海餐廳，我同女友決定入去試試。
餐廳乾淨企理，裝潢普普通通，不過我覺得論上海餐廳，食物質素先係最重要，環境裝潢係其次。
餐牌上嘅食物分為五大類，包括冷盤、湯類、小菜、飯麵同甜品。
嫩雞燴麵麵條有少少煙韌，浸左係湯好耐亦唔會變得太爛，另外有大量小棠菜同雞肉碎，湯底清甜，完全無味精。
上海炒年糕年糕加上娃娃菜、白菜、雞絲同冬菇片一齊炒，年糕有嚼勁唔黏牙，不過有少少油膩感，而且無乜味道，反而白菜、雞絲同娃娃菜索曬汁幾惹味。
餐廳額外提供豆瓣醬，年糕味道唔會太寡。
小籠包（四隻）餐廳名字叫蘭度小籠包，難道小籠包真係咁出色？從外型上看，四件小籠包size非常接近，外皮薄身唔易穿，湯汁香濃。
肉餡份量比較細，所以望落小籠包比較的骰，但都符合「皮薄餡靚」既標準。
紅燒獅子頭獅子頭肉質有啲鬆散，不過味道不錯，下飯一流。
配料仲有荀同娃娃菜，增添爽脆口感。
冇話其中一款食物特別深刻，但食物水準中等以上，小籠包可以encore!
約咗朋友食飯，佢喺灣仔返工，點知撞正OT，於是去咗灣仔接佢放工順便喺嗰頭食飯，行過蘭杜街見到呢間蘭度小籠包，就入咗去。
由於好肚餓嘅關係，所以我哋兩個人都嗌咗好多嘢食。
首先係上海粗炒，好鬼大碟，每條面都Jim滿汁，而且好夠鑊氣，yam埋豆瓣醬，勁惹味！然後必食嘅小籠包，一上菜店員已經話呢度嘅小籠包好正，講到咁勁就試吓啦，果然係皮又薄又滑，豬肉又Juicy又有肉味,湯汁亦都好鮮甜，唔使點醋都好好食！香口推介有牛肉餅，個包好香脆，唔會硬骨骨，牛肉質感亦都啱啱好，夠Juicy!再嚟係紅燒獅子頭，其實我食上海菜好少叫佢，因為好難整得好食，一係太實一係太散，但係朋友想試，所以叫咗，結果又出乎意料地好食，唔會太實唔會太散，個汁濃杰適中！最後叫咗個鹹肉津白，上湯本身已經好鮮甜，鹹肉令個味道更加有層次！食咗五樣嘢，每人只係$150 ，性價比極高，推介大家嚟試吓！
6點半到 餐廳未係太多人位置闊落 坐得舒服拍青瓜清甜好味牛肉餡餅唔易做 要個皮薄 但餡熟 而個皮包到湯唔裂 又唔燶香港最出名嗰兩間都唻自同一個家族可惜係藍 之後我就冇再食到牛肉餅蘭度係做得幾唔錯 符合哂上述要求 而且個餅爆到汁 我仲以為我從此同牛肉餅冇咗緣份獅子頭又係一樣我完全唔明嘅菜點解咁大個中式漢堡扒 西式要整扁身方便佢易熟 中式可以做到球狀但中心又熟哂外面又唔乾？（每次食都必須送一大碗飯）上海菜唻講真係算好有質素又平 環境又乾淨 我估如果唔係好似我咁痴線一個人食三餸一飯會再平啲
蘭度小籠包餐單提供滬菜, 上海, 粉麵, 米線, 雲吞, 餃子等推介美食位於灣仔區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 36195728 查詢。
您對於灣仔餐廳「蘭度小籠包」有何 comment？
蘭度小籠包餐廳詳細資料：
- 蘭度小籠包地址: 灣仔蘭杜街2號麗都大廈地下3號舖 Lan Du Xiao Long Bao, Shop3, G/ F, Rialto Building,2 Landale Street, Wan Chai
- 蘭度小籠包電話: 36195728
- 蘭度小籠包價錢: $51-100
- 分類: 滬菜, 上海, 粉麵, 米線, 雲吞, 餃子
- 座位: 未知
- 付款: AlipayHK,支付寶,現金
- FB專頁: 蘭度小籠包 Facebook
更多蘭度小籠包相關資料:
香港餐廳2026推介9月