萬麗咖啡室 灣仔

萬麗咖啡室 評價 相片

可能近排香港疫情轉好，市面的確熱鬧多了，餐廳生意亦逐步改善，當然，距離全盛時期仲有一段日子，畢竟「ABCD」餐下，想一圍檯十二人近乎無可能。

所以食自助餐就最好，價錢差不多，但食物款式卻多完化，食少少又得，狂擦亦無問題，但大前題係要搵間好食又抵食既餐廳。

而近日灣仔萬麗海景酒店推出「加州美酒節」由踏入酒店開始，大家等同給美酒佳餚所重重包圍。

大堂的「Mirage Bar & Restaurant」、二樓的「Café Renaissance」與及「滿福樓」，同時間推出不同套配對加州美酒。

在下作為 Buffet 控，主力當然是瞄準了「Café Renaissance」，這是常識吧！今次主題是「德州燒烤美饌自助晚餐」，而供應期是2011年7月1日至8月31日。

（星期一至四，成人$678，小童408（3至11歲）星期五、六、日及公眾假期，成人$718，小童$428。

）言歸正傳，當然要先介紹幾個回本位。

相信沒人能抗拒「清蒸活龍蝦」的魅力，每位客人會獲得一張「龍蝦劵」，憑劵可以換取蒸龍蝦一隻，喜歡的不妨加點醋提鮮，悉隨尊便。

近門口處的 Seafood Station 亦是其中一個亮點，首選當然是「美國生蠔」。

無疑近年美國生蠔的質數改善不少，體形較以往的細小，蠔味與質感都有長足的進步，畢竟有生蠔供應的Buffet不多，值得食多幾隻回本。

今次 Café Renaissance 推出「德州燒烤美饌自助晚餐」，當然要先介紹一系列的主打菜色。

首選我會係「Smoke Beef Brisket」，未切之前賣相澎湃，中間位置呈嫣紅色，滲出些少血絲，肉味濃郁而有嚼口，煙燻味重，真係有必要配返杯 Kendall Jackson Vintner's Reserve Zinfandel 2014（$100/杯，$500/瓶）。

Double Smoke Bacon切下長長一條，同樣的有嚼口，煙燻味亦濃烈，與肉香好夾。

Smoke Pork Rib好味既，真係要講三次，原條長Pork Rib，不但滿有煙燻味，更加有油香，又是美酒的良伴。

Hot Smoked Salmon原條去骨煙燻，粉紅色魚肉依然嫩滑可口，超正。

Roasted Smoked Chicken雞肉烤得啱啱好，而且帶少許焦香。

手撕豬臀肉漢堡其實是迷你版，所以大家不用怕會佔太多胃納。

Side Dishes食得肉多，side dishes 同樣「畫龍點睛」的效果，烤椰菜花、、炸秋葵、薯蓉當然是絕配，就連芝士焗通心粉同粟米麵包都好正，但食Buffet試下就算。

今次主角講完，又到另一主角出場。

之前提過龍蝦及生蠔，其實 Seafood Station 都好豐富。

單係蟹都有麵包蟹同北黃道蟹兩款，蟹膏仲多到爆，邪惡到一個點，鍾意「拆」蟹既朋友可以大展身手。

而翡翠螺又真係超大隻厚肉。

當然仲有藍貝、海蝦同沙白，亦係一個回本位。

係海鮮吧旁邊就係日式刺身壽司區。

刺身有帶子、仿鮑魚、八爪魚、吞拿魚、三文魚同章紅魚，解凍過程處理得好，肉質盡量保留最佳狀態，值得一試。

喜歡的朋友，亦可花少少胃納試下三文魚壽司、墨魚壽司同埋和牛壽司。

湯蟲草花雞肉燉豬腱自己屋企一定不會花柴火整燉湯，所以一見有供應，前前後後乾了兩三盅是常識吧！很喜歡湯色清澈，但味道濃郁，材料的精華都跑到湯裡，正。

除了主力燉湯外，亦有家常湯水感覺的佛手瓜豬骨湯，而西湯則是忌廉薯仔湯，總之是各適其適。

熱葷相比之下，熱葷菜色是貴精不貴多，雖然都是比較大路，但處理得好「山雞都可以變鳳凰」，個人幾鍾意「翠玉瓜炒墨魚片」，材料新鮮，墨魚片柔韌有彈性。

至於其他的滬式排骨、炒蜆同炒麵，都各有捧場客。

Cold Cut有薄切沙樂美腸、薄切火腿與、風乾牛肉、煙三文魚及醃三文魚。

Salad食得太多肉，想清清地，當然要食沙律。

有海鮮沙律、藜麥沙律、羽衣甘藍沙律、Backyard Potato Salad、Minced Pork Glass Noodle、Texas Style BBQ Coleslaw（卷心菜），想健康少少清腸胃，我就會選擇羽衣甘藍沙律。

芝士有Emmental Cheese、Gorgonzola 及 Brie Cheese。

甜品心太軟有即焗心太軟，加一球雲呢拿雪糕，冷熱夾雜，好正。

Häagen·Dazs有草莓忌廉、曲奇忌廉、雲呢拿及咖啡四款口味，全部都係獨立杯裝，既衛生又方便。

最吸引既甜品區，擺放了令甜品控垂涎的甜品。

小巧的有瑪德蓮、馬卡龍、朱古力筒、Tiramisu及雲呢拿紅莓奶凍。

整個上的，有班蘭戚風蛋糕、芝士蛋糕、紅莓雲呢拿慕絲蛋糕、綠茶紅豆慕絲、朱古力紅莓慕絲蛋糕、栗子蛋糕、朱古力石板蛋糕與及中式雪耳紅棗糖水。

一口氣試了好幾款甜品，但個人始終喜歡帶酒香而質地輕盈的 Tiramisu；甜香味美又滑溜的栗子蛋糕與及甜酸度平衡的雲呢拿紅莓奶凍。

 畢竟太耐無食 Buffet，難得可以同太太盡情一晚，真開心。

來Staycation 送返Food Coupon 俾你係度消費，咁其實真係幾抵，而且佢service 真心幾好，生日有蛋糕送，見我地雪左一日第二日先食，又再送一個新嘅來，而且佢第二日安排我地轉間靚啲view 嘅房，都幾貼心。

👍🏻👍🏻😊😊Service 好是好，可惜佢個Lunch Buffet 真心性價比超低😰😰 嘢食選擇唔多之餘仲要都唔平，$3xx一個lunch buffet ，真係無乜嘢食、😅😅冷盤海鮮都有長腳蟹，蝦🦐，青口咁，數量都多嘅，都幾好食嘅啲長腳蟹，有海水味，青口就普通啲。

魚生選擇都唔多，三文魚，吞拿魚，八爪魚嗰啲都有，食唔出好新鮮，不過值得一題嘅係個豉油好難食，唔多似Sushi 啲豉油，都幾鹹，真係唔點又無味，點左又得啲鹹味😰😰😰😭😭😭熟食方便有牛扒同雞，雞真係好嚡同乾，不過唔浪費我都食晒，仲有即整mini burger , 可以揀牛/ 魚，個魚好食，即炸，好香好脆又唔鯹，好在佢係mini burger 🍔, 食完唔會好飽，不過一定食唔到多一個🤣🤣其他熟食都係得幾款，有熟左嘅三文魚，有菜，有啲咖喱🍛薄餅，即淥粉麵咁，選擇好少。

我試左佢個即整擔擔麵，個味唔得，水又太多，真心食左幾啖都唔想食。

當然佢都有沙律，麵包，芝士咁，啲芝士係好食嘅，不過係買返來嘅，麵包唔錯，仲有個多士爐俾你烘下，算係幾好食。

👍🏻甜品方面，佢都有幾多揀，多款嘅程度我覺得拍得住主食嘅數量🤣🤣🤣 但可惜除咗個Apple Crumble 之外，其他就甜到嘔，一係就威化筒都林晒。

😭😭😭😭 Apply Crumble 係好食嘅，我食左2個，好在係細細件。

😊😊👍🏻👍🏻Overall 來講，佢嘅性價比超低，但可能太家都要消coupon , 所以來到都係full House 嘅，如果唔係因為staycation 真心唔值得試。

😭😭😭😭

食物質素一般，衛生程度有待改善！熱盤以和冷盤選擇少，甜點款式太太少，建議餐廳可以考慮食物的擺盤方式和數量。

另外，餐廳設施問題，洗手間燈光太暗，無法沖廁！哈！唉！深信餐廳受疫情影響，生意難做，導致服務質素欠佳。

在此本人以及同行同事期待餐廳在未來日子得以改善和進步！謝謝🙏🏻

📍滿足的自助早餐呢段日子，好多人都會同另一伴啊、姊妹啊、狗狗啊Staycation～而我最難忘而特別既Staycation係帶住「爸」、「媽」去Stay•Ca•唇👄啦！Package包左個飽飽既Breakfast Buffet😋雖然地方細細，不是有很多野食，但應有的都有了！有cold cut、有粥粉麵飯、egg station、仲有好多野飲！最正係有egg benedict！好少Buffet會見到！好快就圓滿左我地兩日一夜既Stay•Ca•唇👄啦🎉

早一個月前book 了吃自助餐，我打電話詢問，職員很有禮貌解答我的問題！到了大堂，我問Cafe 在哪層，大堂職員很細心，見到有老人家，建議我們搭lift上M floor。

爸爸拿食物手震，廚師幫忙拿湯送到他的座位，又溫馨提示他要戴好口罩！自助午餐款式雖然不算多，但服務快速！侍應們很殷勤地為顧客refill 橙汁，收碟也很快！兩老都吃得很開心！

萬麗咖啡室餐單提供多國菜, 自助餐, 酒店餐廳等推介美食位於灣仔區，餐廳座位數220人均消費約$401-800，結賬可以用Visa,Master,AlipayHK,支付寶,現金,AE,銀聯,OpenRice,Pay，Booking訂位可以電話致電 28028888 查詢。

您對於灣仔餐廳「萬麗咖啡室」有何 comment？

萬麗咖啡室餐廳詳細資料：

• 萬麗咖啡室地址:
  灣仔港灣道1號香港萬麗海景酒店閣樓
  Cafe Renaissance, M/ F, Renaissance Harbour View Hotel Hong Kong,1 Harbour Road, Wan Chai
• 萬麗咖啡室電話: 28028888
• 萬麗咖啡室價錢: $401-800
• 分類: 多國菜, 自助餐, 酒店餐廳
• 座位: 220
• 付款: Visa,Master,AlipayHK,支付寶,現金,AE,銀聯,OpenRice,Pay
• FB專頁: 萬麗咖啡室 Facebook

更多萬麗咖啡室相關資料:

• 萬麗咖啡室分店
• Youtube
• Facebook
• Twitter
• Google