百芳池上便當 灣仔

百芳池上便當 評價 相片

最近，因公事中午前走到灣仔稅務局處理文件，可是要等到中午 1:30 後才可取得文件！於是，我走到附近找地方食飯；BRIM 28 雲集不少餐廳！找到一間早前經過圍板的台式新店 <百芳池上便當> 已經開咗！ 卻是見平日多人買外賣，還是找個星期六輕輕鬆鬆來幫襯吧！設有堂食及外賣，食客可在店外位置的餐桌進食，一定要不怕熱，否則！只會食到汗流浹背！ 店方除了提供餐具之外，亦提供防疫用品，相當周到！便當午餐供應至下午 3:00香腸滷肉飯便當 $59配料好豐富，鋪得滿滿的！以圓形紙器皿盛載！有爽口的辣菜脯、粟米、肉碎、軟腍甜美入味的滷肉、晶瑩富彈性又惹味的炒粉絲、脆皮甜美的台式香腸、連蛋黃也入味的滷水蛋，飯粒圓潤飽滿！碳焙烏龍熱奶茶 +$12女店員送上時，也提醒我杯飲品好熱燙，小心飲用！相當貼心！食完一半飯才飲用，入口依然幾熱燙！質感濃稠！烏龍茶加奶混合糖，茶與奶口味平衡！如果比較 <茶湯薈> 的觀音拿鐵，相對觀音拿鐵的茶甘味會突出過 <百芳池上便當> 的烏龍奶茶！

疫情反覆，Lunch time 試吓呢間台式便當外賣。

首先外賣都沒有折，對比附近外賣做緊8折嘅餐廳，佢哋唔算平。

叫左個鹽酥雞便當，一點餐已經話無曬粉絲，比多啲青菜。

咁無計啦都排左咁耐，照要。

門口一排人龍，在附近兜個圈回去取外賣，點知仲未到，而且同我講無曬飯！喂好明顯你比曬其他人啦！叫我等10分鐘，哎真係唔好意思，我打工嘅，再等多10分鐘反到公司都食唔到你個便當啦！退錢吧⋯⋯當然店員萬分不願，最後見一個店員在外面買左2盒白飯返來，叫做頂檔。

眼見時間無多，佢突然話1分鐘可以整起，（原來佢地只係將所有煮好嘅嘢入盒包好就得），唯有接受...但反到公司先知中曬伏！便當內有娃娃菜炒甘荀絲、粟米肉碎、菜蒲、半隻蛋、白飯，飯比較硬，而其他菜式味道一般，唔難食，但絕不是好食，算數。

但另一袋鹽酥雞真係火都嚟埋，食左4舊都係雞皮多過肉，其中一塊只是雞皮！最後我放棄，成半袋唔要！係灣仔，疫情底下$59+10飲料，呢個價錢食呢啲野，我認為是1萬個伏！

諗住試吓新開台式便當，點知買完發現中伏一等就等咗45分鐘，一個鐘頭lunch，等外賣等咗45分鐘，返到公司得返10分鐘食飯，食茶餐廳冇咁嬲買得便當就係諗住快，點知仲耐過食茶餐廳，一路等就一路爆粗最頂癮嘅係，佢啲嘢完全唔需要煮，全部都係現成，只係需要放入個盒外賣，連埋收銀員，總共有五個店員，但都可以咁耐，呢啲真係冇下次！呢句說話，排係我前邊嘅人都講咗唔少！至於味道，唔會話佢難食，普普通通，但絕對唔係好食！如果想試，真係好多時間先好去買

百芳池上便當餐單提供台灣菜, 台式飲品, 少鹽少糖食店等推介美食位於灣仔區，餐廳座位數未知人均消費約$51-100，結賬可以用現金，Booking訂位可以電話致電 26712163 查詢。

您對於灣仔餐廳「百芳池上便當」有何 comment？

百芳池上便當餐廳詳細資料：

• 百芳池上便當地址:
  灣仔港灣道28號灣景中心大廈1樓9號舖
  Bai Fung Bento, Shop9,1/ F, Causeway Centre,28 Harbour Road, Wan Chai
• 百芳池上便當電話: 26712163
• 百芳池上便當價錢: $51-100
• 分類: 台灣菜, 台式飲品, 少鹽少糖食店
• 座位: 未知
• 付款: 現金
• FB專頁: 百芳池上便當 Facebook

更多百芳池上便當相關資料:

• 百芳池上便當分店
• Youtube
• Facebook
• Twitter
• Google