漁民手臂吧 灣仔

漁民手臂吧 評價 相片

灣仔酒吧，大多數日間會做埋午市，幫補下收入。

酒吧臂上吧日間就化身為漁民手臂吧，提供日式簡單食物。

食物、價錢尚算合理，環境就殘舊了少少，仲有陣難嗅的煙味……吉列魚柳外脆內嫩，肉質頗甜滑，下面鋪有生菜絲、青瓜等蔬菜，淋上香而微辣的日式咖喱，咖哩內有兩塊甜而香淋的薯仔，配上一碗熱辣辣、軟硬適中的白飯，再附送醃製茄子，以及用海帶、豆腐和蔥花為佐料而偏鹹的味噌湯，構成飽滿而充實的一餐。

嗜牛如命的老爹一見金菇牛肉卷，雙眼發光，馬上order。

小妹只食左金菇，好鮮嫩，醬汁鹹中帶甜，味道好夾。

老爹話金菇牛肉卷ok，份量頗多，只略嫌牛肉偏薄。

d牛牛咁貴，咁的價錢，仲想點？小妹叫的熱檸蜜正常，好飲。

驚喜之處係， waiter叔叔每人送上飯後甜品 – 乳酪啫喱一粒﹗

lunch 通常係約三五知己聚舊既好時間。

今日去左手臂吧 ，貪近公司。

叫左個羊扒.....飯真係可以用嚇死去形容。

沙律…怪悝味的，幾條好似碎紙機碎出來的生菜絲，半舊車厘茄…味道勁怪的黃蘿蔔…咬左一啖就想吐 鹹到死的麵史湯…飲多兩啖就收工。

最正常都係個白飯…同埋d 羊但係d 羊勁"穌" 而且係勁肥果隻…等得得果兩啖肉囉。

灰……呢間野今日又出奇地勁少人。

可能今日係長假後第一天。

好多人都仲放緊假。

我寧願俾多三十蚊上去食flying pan，起碼d 野食清d 。

其實入去果陣好大陣味…呢陣味我真係聞完想嘔

已經不是第一次了，因不想等位，所以來這裡lunch。

環境一點也不好，雖然不擠，但感覺不太清潔。

今次要了餃子拉麵($45)。

餃子跟麵是分開上的，餃子有5隻，但小得幾乎都沒有餡。

拉麵是極普通貨色，湯底是港式的，加兩塊粉紅色魚蛋和一些粟米。

送餐飲，要了熱檸茶，普通得不能再普通。

以這樣的價錢，實在太不值。

希望沒有下次。

大哥哥又嚟啦！事隔一週，再來吃。

今次和一名新進員工來食，…，又充當「申訴專員」的義工。

我倆都係煙民，所以我就建議來這間店舖。

我點選咖哩豬扒定食（$48），同事選了滑蛋鰻魚飯（$40）。

免加一。

咖哩豬扒定食：味噌湯、海苔漬物、日式咖哩炸豬扒（炸豬扒超香脆，咖哩汁的應該係用日式磚頭作出來，似模似樣，都得得地喎！）、椰菜絲（一小撮，可以再切幼D）、白飯（當然唔係珍珠米！）、熱檸茶（細細杯，但有成四塊檸檬！）、雪糕糯米糍 （細版）滑蛋鰻魚飯定食：味噌湯、滑蛋鰻魚碗飯（同事話：腥腥地！）、熱奶茶（港式）、雪糕糯米糍 後話：午市仍然唔爆，有問題！味道唔係話勁差，價錢都唔算係勁貴，仲要免加一，服務又係一般（店員都識得主動添茶。

）。

可能係地點和室內環境有關。

似乎搬地點後，呢間野要「守」番D 客。

題外話：當申訴專員，耐心聆聽係超重要。

但有些小朋友只係一味「訴苦」，食個九十分鐘飯，就呻足六十分鐘，只懂得數公司和上司點樣「刻薄」和「勞疫」他們。

其實，價值觀係一個關鍵：老闆推薦你去一些發展中國家做項目，有人覺得係放遂、有人覺得係豬頭骨、有人覺得係上位的梯階，有人覺得係…。

呢D 就係「機會」啦，一體兩面！

漁民手臂吧餐單提供日本菜, 拉麵, 日式西餐等推介美食位於灣仔區，餐廳座位數未知人均消費約$50以下，結賬可以用Visa,Master,現金。

您對於灣仔餐廳「漁民手臂吧」有何 comment？

漁民手臂吧餐廳詳細資料：

• 漁民手臂吧地址:
  灣仔駱克道81-85號霸田商業中心2樓
  漁民手臂吧,  
• 漁民手臂吧電話:  
• 漁民手臂吧價錢: $50以下
• 分類: 日本菜, 拉麵, 日式西餐
• 座位: 未知
• 付款: Visa,Master,現金
• FB專頁: 漁民手臂吧 Facebook

更多漁民手臂吧相關資料:

• 漁民手臂吧分店
• Youtube
• Facebook
• Twitter
• Google