滋味館越南餐廳 灣仔

滋味館越南餐廳 評價 相片

動漫節之後，跟專兄來吃宵夜，人累得要命，不想大老遠走到克街吃鹿鼎麵莊，記得這裡的越式湯河也不錯，而價錢亦相宜，二人來「專吃cheap」野～小店由母子二人打理，由總統戲院時代至今已十多年了，羅太是越南華僑，平時坐櫃檯收銀，但對菜式煮法及用料卻瞭如指掌，因為兒子做的菜都是她傳授呢。

看看餐牌，款式多得叫人眼花撩亂，老樣子由最基本開始來碗生牛肉河試試湯底，再來小吃米紙卷、牙車快看看手功及心機，再貪玩地加個「濱潮」。

小店，斟茶換碟夠醒目，見二人檯不夠位容納多款碟菜，又主動替偶們加多張二人檯，服務卻好得無話可說。

當然最重要的還是食物，牙車快包括了芒果、雞絲，應有的規格都有了，又加上生菜、青瓜及炸過的蒜粒，材料很豐富，比較起大菜，個人還是喜歡小品，因為最簡單亦易吃得出分別，這裡雞肉醃過亦夠嫩滑，青瓜、生菜絲亦新鮮爽脆，炸蒜粒惹味不焦，很好，份量亦足夠二～三人分享，可惜魚露已調過味，大酸大甜卻不夠鹹鮮，否則更好味，當然若再加多點金不換就更好。

烤豬肉米紙卷，是幾講心機小品，軟韌米紙卷著粉絲及烤豬肉絲，下了些金不換，粉絲軟熟口感不錯，豬肉乾了一點，但作為小吃也不太介意，整體口感散了一點，握一件好的米紙卷不易，即叫即包米紙皮濕軟，已吃得出誠意了。

牛肉河，配料如香葉及蔥等不夠多而湯亦不太夠熱，摘了些金不換下湯亦未能迫出香味，湯底很甜很甜，湯底是下了雞、豬、牛骨及多款香料熬成，味道夠厚亦複雜，是唔錯呢而河粉屬於軟滑型，米質一般，非自己那杯茶，每人份得兩～三碗，只收五十元，平宜得發笑。

濱潮，是幾特別的菜，用米漿加上咖喱粉以平底鑊煎，油不多（其實是唔應該下油的），餡料是綠豆蓉（初時還以為是芋泥）、豬肉粒及大量炒香的銀芽，餅皮煎得焦香不油，綠豆餡配起肉粒味道出奇的豐富，配些金不換味道更佳。

時後找找資料，原來當地人也很喜歡下銀芽做菜，米類製品配些自製鹹鮮魚露就咁一餐，香港人吃越南菜也真的太豐富了，話時話，做得好的越式米製品本地難求，大概是無人會留意到這細節位吧。

埋單每人七十左右，平宜的一頓大餐，是間不錯的小店。

架架咪咪今晚係金鐘太古AMC睇戲，睇完8點幾，就照原定計畫去食越南野，目標食肆係灣仔既滋味館越南餐廳，可能位置都算靜，所以唔使等位就可以入去，最後坐低叫左3樣野：生牛肉湯河（$40）：個湯幾有牛肉味，D牛肉都唔錯，唔係好似有D越式舖咁用D類似肥牛既牛肉，我最喜歡係佢牙菜夠多，用黎送湯河> 一流！雞絲湯河（$40）：個湯幾濃，咪咪幾鐘意仲飲左好多，雞絲份量睇落去無生牛肉咁多，但係愈食都仲有，雞絲唔韌。

河粉份量好多而且軟淋，芽菜份量都唔少、而且有煮過，無咁生硬硬，不停食左好耐都仲未食完既？？因為咪咪鐘意食河粉，所以都差唔多食晒！呵呵！小食拼盤（$88）：有越式春卷（3 段）、香茅雞翼（3 隻）、炸蝦餅（4 片，實為 2 件切開兩份）、炸魚餅（4 片，實為 2 件切開兩份）。

架架話單叫一個小食都差唔多要 40 蚊，不如叫個拼盤可以試多D野啦，咪咪覺得貴，不過架架話無所謂 lum～～講番食物，越式春卷幾香口幾好味，不過覺得油左D！附送既生菜，架架同咪咪都無包住春卷黎食，因為唔係我地既習慣，我地既習慣係將生菜放入湯入面浸淋黎食！！哈哈哈！！香茅雞翼幾好味呀，炸得個皮夠脆，不過無乜香茅味喎？！炸蝦餅係四樣小食入面最正既，隔左一陣先食都仲熱辣辣，蝦肉又彈口！個炸魚餅唔知係咩黎，咪咪覺得似芋頭加鯪魚肉加香料撈勻，再炸成餅一樣，味道一般，個賣相亦都一般！呢度無加一，我地亦無比 tips，不過就有免費娛樂（LCD 大電視正在播映「亮相」）。

日期：2008年7月10日阿M相約與另外3位同事進食，原本會去舊鋪，但太多人喇．首先一個同事去拿位，等左一陣入得去，吹三吹四問其餘ｄ人幾時黎，又唔係有人係出面等位啊．之後又要快ｄ落order叫野食，只係短短既十分鐘，都俾人吹到裙甩褲甩，唉！卒之叫左4個套餐，有前菜＆飲品，都幾抵食既．．．１．生牛湯河ｘ２ HK$76：湯底濃得好入味．２．海南雞飯 HK$40：ｄ飯有ｄ硬，好似糯米飯咁，一般．３．香茅雞翼凍米 HK$50：幾好食啊！又係未食完野就執走人地既用具，完全靜靜咁執，好無禮貌囉！一路都無人等位，點解要咁呢？又唔係賴死唔走．一個lunch有幾耐，都唔可以舒服咁食咩？

一向鍾意周圍食越南餐廳的生牛粉, 不過自上次蘭杜街「越旺」的個勁正出品後就無食過, 今日癮起, 0黎試試呢邊呢間「滋味館」.簡單叫個生牛肉金邊粉 ($46), 配凍咖啡 (加 $2).未食已聞到好香牛肉湯0既味, 幾吸引.d 湯幾多牛脂 (?) 0下, 勁熱, 絕對浸得熟 d 粉紅色的半生牛肉, 加上味道鮮甜無人造味精, 非常好飲.一向偏好金邊粉, 貪佢煙煙韌韌,呢度的亦唔例外, 仲帶點米香, 唔錯; 牛肉唔係肥牛, 所以一般滑又一般腍, 不過牛味濃郁, 又夠晒油脂, 食到成口牛油香, 絕對收貨; 面頭仲有一小件蘿白, 清甜無渣, 又 ok 喎.凍咖啡就非常大煞風景, coffee base 酸酸的好澀口, 飲了兩啖即決定埋單走人.環境 ok, 幾乾淨企理, 幾好坐, 幾舒服的; 招呼不過不失.$48 食一餐, 絕對抵食 (起碼0係金鐘一定無可能).下次0黎試試小食及撈檬.

今晚上完法文後又獨自去吃晚餐. 上星期六和女友在對面的食肆吃晚飯時見到這間越南餐廳, 於是來試一下.叫了個B餐, 沙嗲牛肉飯. 因為少客環境很靜. 沙嗲牛肉的味道有點酸酸的,怪怪地. 侍應沒有問我飲什麼餐飲, 我以為自己記錯叫飲品要另外加錢. 後來埋單後離去時在門口再看一次餐牌才知道我叫的餐真的包飲品的. 可能大家會覺得我很傻, 為什麼不主動去問有否餐飲? 我是有點故意不出聲, 試一試侍應的反應. 見到其他人留的食評好像寫到很好. 我正猶疑下次還去不去?

滋味館越南餐廳餐單提供越南菜, 粉麵, 米線, 西餐廳等推介美食位於灣仔區，餐廳座位數40人均消費約$51-100，結賬可以用Visa,Master,現金。

您對於灣仔餐廳「滋味館越南餐廳」有何 comment？

滋味館越南餐廳餐廳詳細資料：

• 滋味館越南餐廳地址:
  灣仔謝斐道118號地下
  Delicieux Victnamese Restaurant,  
• 滋味館越南餐廳電話:  
• 滋味館越南餐廳價錢: $51-100
• 分類: 越南菜, 粉麵, 米線, 西餐廳
• 座位: 40
• 付款: Visa,Master,現金
• FB專頁: 滋味館越南餐廳 Facebook

更多滋味館越南餐廳相關資料:

• 滋味館越南餐廳分店
• Youtube
• Facebook
• Twitter
• Google