泰國婆婆 灣仔

泰國婆婆 評價 相片

今日咁岩經過灣仔街市呢邊，肚子咕咕叫。

就係附近隨便穩d野食，見有間泰國婆婆，對於泰國菜，我總沒有控制力。

哈哈😄香葉肉碎炒飯係我至愛，只不過太常食就想話試下其他啦都係。

我order左一個黃咖哩牛腩飯。

賣相麻麻。

黃咖哩因為加左椰奶，所以都滑與重奶香味。

茄子應該係直接水煮熟後再擺入咖哩度，所以好重水味，若然先過一次油，會好食好多。

再講主咖牛腩，牛腩煮得夠淋，but.同茄子同一個問題，感覺上係上臺前先將呢幾樣野擺埋一起。

所以互相之間並不入味。

今日午餐原本是打算試新開的潮州打冷，可惜路過見到好似還未開門做生意甘，於是乎就轉場隔離泰國婆婆，因為反正都無食過，就試試咯。

睇完餐牌之後決定食個海南雞飯轉雞髀，然後飲個例湯，再叫左個鳳爪沙律。

例湯先上，有幾塊紅蘿蔔，然後就沒有然後了，正常湯，味精味又無乜，都都OK噶之後就上飯啦～一上來都嚇到我，大大碟油飯，分量不得了，同其他鋪的飯都是差不多，雞嘛，都可以的，幾滑幾好食，不過以雞肉的分量來配飯就有點欠妥好彩有叫個鳳爪來加餸一碟滿滿的，雖然十分健康，多的是菜。

而鳳爪嘛就差左小小，味道不足，分量與價錢不多同正比。

總的來講，可以話是不過不失，至少唔會似外面好多鋪頭一樣會中伏，不過再食的話應該都是雞，下意識對其他飯抱有顧慮。

事先無睇過openrice就走入去食，純粹係路過方便見到，見門面不太差就走入去。

見佢餐牌張海南雞飯嘅相正正常常，就叫呢個！我發現佢嘅海南雞好取決於佢比嘅係雞嘅咩部位。

近雞胸就自然「鞋」少少，但可以接受嘅；近雞肶就自然嫩d。

而我嗰碟就各樣一半。

（其實可以指明要肶，不過要加錢，唔記得加幾多。

）跟餐送例湯，但對味精湯無興趣，加左8蚊轉凍飲。

埋單$68，以灣仔普通類似茶餐廳質素黎計，係偏貴，但又唔覺得係劣食。

今日咁岩喺灣仔做嘢，遇見午飯時間，間間餐廳都人頭湧湧排晒長龍。

甘啱見到有一間食泰國嘢嘅唔使排隊，價錢又OK就入去啦。

驟眼睇，大概有一半嘅食客都係食海南雞飯。

諗住咁多人食，應該冇伏啦，上菜時見到個雞飯都幾大，雞肉又多，仲要有我最鍾意食嘅雞翼位，個心即刻開心左一下。

點知一咬落去，啲雞係鞋嘅🤢🤢，醬料方面亦都只有泰式雞醬👎🏻👎🏼👎🏽👎🏾👎🏿，並唔似平時食海南雞飯咁樣有三款醬料。

雖然話係灣仔區，食午飯預咗貴，但都唔係$60食啲咁嘅質素。

咁嘅價錢咁嘅質素，我情願去吉野家食個牛肉飯好過😕

朋友早前推介飲呢間椰子汁涼粉冰，終於有日附近返工可以黎試。

一人午膳較易找到位置，這與一般茶餐廳裝潢差不夠，搭枱是必然吧。

看到有麵餐 (泰式車仔麵）點了豬頸肉蘿蔔船麵 (金邊粉）湯底冇泰國食的禁濃味，有點失望。

不過食材選得好，蘿蔔清甜無渣 👍👍👍 豬頸肉有煎過，少少脆口。

飲品 加 $10 飲朋友推介椰汁涼粉冰走冰 (走冰都凍），一飲，冇推介錯👍👍 椰汁好濃香，但又唔會太甜，好味 👍👍👍我食完同朋友講個麵有啲失色，佢話其實呢度出名食海南鷄同黄咖哩 ，下次可以同我一齊過黎食 👍👍👍

泰國婆婆餐單提供泰國菜, 車仔麵, 粉麵, 米線, 咖喱等推介美食位於灣仔區，餐廳座位數未知人均消費約$51-100，結賬可以用現金，Booking訂位可以電話致電 28388726 查詢。

您對於灣仔餐廳「泰國婆婆」有何 comment？

泰國婆婆餐廳詳細資料：

• 泰國婆婆地址:
  灣仔三角街3號地舖
  Thai po po, G/ F,3 Triangle Street, Wan Chai
• 泰國婆婆電話: 28388726
• 泰國婆婆價錢: $51-100
• 分類: 泰國菜, 車仔麵, 粉麵, 米線, 咖喱
• 座位: 未知
• 付款: 現金
• FB專頁: 泰國婆婆 Facebook

更多泰國婆婆相關資料:

• 泰國婆婆分店
• Youtube
• Facebook
• Twitter
• Google