波士頓餐廳 灣仔

波士頓餐廳 評價 相片

港式鐵板餐其實係童年回憶 細細個同屋企人去食就好興奮當時覺得成個餐好多野食 重點係拎住張紙巾聽住d汁「炸」落鐵板就好開心!今日黎回味下~星期日7點半pm呢d時間去到 拎飛仔等左15分鐘到😶餐湯要羅宋湯 夠哂熱 少酸少辣唔錯餐包微暖應該係叮番先落出黎 配埋個牛油好好味!!! (本身鍾意食餐包)鑊仔牛柳 + 大蝦羊扒自動配薯菜意粉上鐵板時另外再上 意粉明顯煮耐左好淋好散大蝦有d鞋口 羊扒幾淋下而且少少騷岩我口味.成餐見過幾次侍應「表演」 都幾多人叫火焰牛柳無得食但有得睇都幾entertaining XD

一間 60年代開業至今既餐廳, 雖然我來過既次數唔多, 食物上真係唔會失望, 呢晚係行完會展既美食節過來, 雖然時間已經係接近 8點, 但門口依然係唔少人等位, 攞左籌係入面既空間度等位, 時間一分一分既過, 唔覺唔覺都要等左成半個鐘先有位,  今次同上次來都應該有 23年了, 呢次既服務感覺係好左好多, 好有禮貌, 而且睇完 menu 有少少唔明問下, 都會好有耐性咁解釋一下, 最後揀左兩個餐, 餐湯要羅宋湯, 入口唔會酸同辣, 反而肉味好濃, 幾好飲, 而個餐包雖然只係普通既餐包,  但都會叮返少少熱先攞出來, 幾軟熟T 骨扒配黑椒汁 好大塊, 5成岩岩好, 肉質好 juicy 而且仲鎖住肉味, 一 d 都唔會 , 只係個黑椒汁就覺得淡左少少, 可能食慣濃味 D 既汁, 用鐵板上, 先係鐵板上舖左蔬菜, 咁就唔會令塊扒因為鐵板既熱度而整到過熟唔好食, D 汁倒落去時仍然有霧煙既效果同香味雜扒 好大份, 豬, 牛, 雞, 煙肉, 司華力腸配黑椒汁,各樣肉類都係岩岩好, 豬同雞一定係熟哂但肉質唔會, 其他都不過不失, 有水準而每個扒餐都可以跟飯或者意粉, 真係唔會俾你餓親, 食完係好飽好滿足, 再加埋飲品一杯

灣仔波士頓餐廳，阿爸阿媽話我未出世之前，已經係佢哋嘅拍拖勝地。

其實我一直都好想試，今日就的起心肝想去呢間餐廳試吓懷舊午餐。

第一次嚟當然要鋸扒，午餐選擇唔多，咁我就揀A餐香煎T骨扒配洋蔥燒汁$96。

麵包暖暖地好好味，餐湯係周打魚湯，我食到好多硯肉，不過輕微有少少沙。

因為減肥中，盡量少汁，侍應好好幫我燒汁另上。

可惜我最期待嘅薯條，唔係太脆，淋咗少少。

不過T骨扒好大塊，好多肉。

我覺得$100有找，依個扒對得住個價錢👍🏻因為實在好飽，餐飲我叫凍檸茶。

不過有件事要提提大家，因為呢間始終係懷舊餐廳，所以只收現金，大家記住帶備現金去啊📢

今天放工後，到灣仔逛，然後去波士頓餐廳吃晚餐。

我們叫了火熖牛柳、雜扒和羊扒套餐，要了2個羅宋湯和1個南瓜忌廉湯，又要了3杯凍檸茶。

牛柳肉嫩多汁，雜扒只是一般，羊扒很不錯。

我們本想在吃完後，返回家中看香港代表隊張家朗的花劍比賽，但發現已不夠時間回家看，只好留在餐廳看。

環顧四周，除了我們外，還有其他食客都在看比賽。

服務員很有禮貌，沒有催促我們埋單，還為我們不停加水，值得表揚。

看完比賽後，知道張家朗為香港得到回歸後第一面金牌，真的很開心。

大大話話廿年前幫襯過， 咁啱行過想重拾回憶，一於上去食返件扒。

但真係太太太失望，羅宋湯偏鹹， 塊扒⋯⋯⋯好細好薄冇牛味，仲要係韌嘅😔咁嘅質素可以維持到今日， 都算好嘢啦，今次應該係我最後一次幫襯了

波士頓餐廳餐單提供港式, 扒房, 懷舊老店等推介美食位於灣仔區，餐廳座位數未知人均消費約$101-200，結賬可以用Visa,Master,AlipayHK,支付寶,現金,銀聯，Booking訂位可以電話致電 25277646 查詢。

您對於灣仔餐廳「波士頓餐廳」有何 comment？

波士頓餐廳餐廳詳細資料：

• 波士頓餐廳地址:
  灣仔盧押道3號地下
  Boston Restaurant, 3 Luard Road, Wan Chai
• 波士頓餐廳電話: 25277646
• 波士頓餐廳價錢: $101-200
• 分類: 港式, 扒房, 懷舊老店
• 座位: 未知
• 付款: Visa,Master,AlipayHK,支付寶,現金,銀聯
• FB專頁: 波士頓餐廳 Facebook

更多波士頓餐廳相關資料:

• 波士頓餐廳分店
• Youtube
• Facebook
• Twitter
• Google