正東胡同烤豬 灣仔
最後更新:
正東胡同烤豬推介
『正東胡同烤豬』--- 一個傳承滿漢民族地方風味珍稀的品牌。烤豬演繹被譽為「天一第一宴」滿漢全席燒烤四品中一品。正東胡同烤豬，甚至把胡同烤豬文化帶領到現代的格局，不但提供摩登、簡約的用餐環境、配以時尚餐具，而且在各款的京滬菜式中加入現代、西式元素，務求讓食客品嚐既富傳統特式又帶摩登時尚感的京滬菜式。
灣仔正東胡同烤豬
| 餐廳分店 | 正東胡同烤豬 |
|---|---|
| 地區 | 灣仔 |
| 電話訂位 | 沒有電話提供 |
| 餐單 Menu | 京川滬, 中菜館 |
| 人氣指數 | 812 |
| 價錢幾錢 | $101-200 |
正東胡同烤豬訂位位於灣仔區，詳細地址是灣仔克街9-13號展鴻大廈地下A舖，餐廳寬敞座位數目共有未知幾多個。正東胡同烤豬幾錢？價錢優惠後人均消費大約$101-200埋單，早餐午餐晚餐正東胡同烤豬餐單包括有京川滬, 中菜館等美食，付款方式有Visa,Master,現金,AE付款。
正東胡同烤豬優惠
正東胡同烤豬 評價 相片
靚仔經理於週日賽馬中執到多少，返公司第一時間就叫咗幾位得力助手入房，誠邀飲茶，地點為開業不夠一星期o既「正東胡同烤豬」。
嘻嘻，小肥咁幫得手又點會冇份呢？！「正東胡同烤豬」前身為「正冬火鍋料理」，正「冬」變正「東」，估計都係有咁啱得咁橋，兩者冇乜關連。
重新裝修過o既「正東」同以前一樣都係兩層，坐樓上要行樓梯，不過地方就明顯比以前光鮮潔亮衛生。
餐桌唔再係火鍋式雲石枱，而係接合式o既圓形木枱。
可能柱身同牆身加插咗用鏡，感覺餐廳更為闊落光猛，冇咁局促。
此外，柱同柱中間多咗行木製敞門，隨時可拉間成獨立房間，為客人增加私人度，格局高檔咗唔少。
上層樓面伙計同經理為全女班，平均年齡後生咗，手腳都快咗，「正東」真係冇請錯人，個個都好落力地推介新店開張優惠、抵食套餐及精美點心，可以話係效率高，服務好！眼見XO仔不停地影相，經理姐姐笑問細佬喺咪會post啲相上Openrice同Opensnap；當時心諗，嘩，連Opensnap都識，經理姐姐認真潮爆！經理請客，一早訂定位之餘，就連食物都叫埋，人齊冇耐就有得食，絕無浪費下屬僅有o既一個鐘頭食飯時間。
午市精選套餐$48起，每客包有胡同鴨湯一盅、絲苗白飯一大碗及小菜一款。
午市精選套餐之糖醋魚塊（$48）：糖醋魚塊炸得都幾脆口，魚肉尚算香嫩，酸酸甜甜o既醬汁唔會話太杰，成碟一pat pat咁，賣相都好OK，食落又冇話漿住個口，午市售價$48絕對合理抵食。
午市精選套餐之斑塊燒茄子（$48）：斑塊燒茄子入面o既斑塊同糖醋魚塊入面o既魚塊無異，似係簡單地以同一款炸魚配上不同醬汁烹調而已，兩者質感差唔多，只係斑塊燒茄子更為惹味。
午市滬江小籠包（原價$42）：為慶祝新店開張，顧客於十二月十五日前憑卷即可以半價$21享用小籠包一籠，每客四隻，優惠卷可於門外索取，經理姐姐亦有即場派發。
小籠包看似普通，但卻出奇地美味，其皮層又軟又薄、湯汁又熱又足、肉餡又軟又嫩，食完一啲都唔覺油膩，比起好多上海菜館簡直係有過之而無不及，同事們都大讚好味又抵食。
雀籠點心（$128）：所謂「雀籠點心」其實係以雀籠承載六款點心o既拼盤。
當經理姐姐呈上雀籠時，大家都覺得有少少震撼，好有古代feel，真係想搵把楚留香大俠扇，或者係條秀女繡花絲巾襯托吓。
雀籠分開兩格，每格有六件點心。
上層為晶瑩鮮蝦餃、滬家小籠包、姬松茸遼參粉菓；三款當中以蝦餃最為普通，粉菓則最為清脆健康。
下層點心有蘿蔔絲蝦餅、薯蓉脆餅、正東生煎包，三款都同樣飽肚，但個人覺得金黃色o既蘿蔔絲蝦餅最正，足料得黎炸得好夠鬆化乾身！其實薯蓉脆餅都做得唔錯，既香口又鬆軟，只係生煎包差咗少少火候，唔夠燶。
$128有六款，合共十二件精美又美味o既點心，兩、三個人分黎食就最好不過。
幸運之神降臨，為靚仔經理帶來零用錢，小肥亦得以於新開數天o既食肆飲茶試食，當真口福不淺！比起普通茶樓及茶餐廳，「正東胡同烤豬」地方尚算簡潔舒適，服務生友善且勤奮，加上午市套餐及點心優惠抵食吸引，睇黎好快會成為公司同事o既新聚腳點。
正東胡同烤豬餐單提供京川滬, 中菜館等推介美食位於灣仔區，餐廳座位數未知人均消費約$101-200，結賬可以用Visa,Master,現金,AE。
您對於灣仔餐廳「正東胡同烤豬」有何 comment？
正東胡同烤豬餐廳詳細資料：
- 正東胡同烤豬地址: 灣仔克街9-13號展鴻大廈地下A舖 正東胡同烤豬, Shop A, G/ F., Chin Hung Building,9-13 Heard St., Wan Chai
- 正東胡同烤豬電話:
- 正東胡同烤豬價錢: $101-200
- 分類: 京川滬, 中菜館
- 座位: 未知
- 付款: Visa,Master,現金,AE
- FB專頁: 正東胡同烤豬 Facebook
更多正東胡同烤豬相關資料:
香港餐廳2026推介8月