最想吃 灣仔

最想吃 評價 相片

一班舊同事聚想食火鍋又想食剌身，，又怕疫情下食火鍋多人環境又逼夾。

我只好找一間不迫夾又可以一人一鍋火鍋店。

上網查閱揀選了《「最想吃 港日韓火鍋放題料理 All I Wana Eat」》一次過滿足晒所有，可以食到日式刺身又可以食火鍋。

由訂位開始不論服務、食物質素和環境都十分之滿意。

地點方便位於灣仔灣仔道地鐵站A3出口行2分鐘左右到達，上3樓入內環境滿大，家庭式裝潢設計風格，非常之簡單又乾淨整潔，不逼夾每張枱之間都有空間，卡位非常之大坐得舒服又舒適。

價錢方面就分三個等級ABC，最平A款$218就可以任食120分鐘，我們揀選了B款有刺身，又有雞煲，又有火鍋每人加一後HKD330元很經濟抵食。

有5款湯底可供選擇，B款火鍋材料菜單有50多類食物，有和牛、極上安格斯牛、日本黑毛豬腩肉、餐單內所有肉類蔬菜配料都可以無限追加。

一坐下會先小食便當有支豆、雞串燒、沙律、鹹蛋魚皮及細粒紫蕃薯，隨著送上日式刺身，有甜蝦，赤立貝、鮮帶子、三文魚、蟹子、等等....跟隨就送上惹味麻辣雞煲，雞肉嫩滑入口又麻又香（推薦大家必選）。

最後送上一人鍋火鍋湯底和海鮮拼盤，包括有鮑魚、扇貝、大蝦、沙白及龍躉魚塊，所有食材都非常之新鮮美味又豐富。

最後自助區有韓國飲品和特色飲品，還有我最愛的韓國BINGGRAE MELONA雪條.

明明就係喺灣仔返工，但竟然唔知有呢間咁高汁既放題餐廳!!!不過睇返 openrice 原來佢都係開咗無耐~ 主打高質和牛放題! 所以對食牛有要求嘅大家千祈唔好錯過喇~~ 呢間最想吃 All I Wanna Eat主打日韓放題火鍋，佢有分3款配搭， 如果唔太好牛，最平$138 就有交易! 不過我同朋友都係牛肉怪，所以點都比多少少試日本和牛放題套餐$348(早割價 $328!) 每位會包 4 樣野:1.日本刺身 2.小食便當3.韓國炸雞/麻辣雞煲 4海鮮拼盤刺身拼盤有: 三文魚帶子赤貝赤蝦同魷魚，全部都好鮮味~~ 「最想吃」小食便當: 這款是日式小食，有枝豆甜蕃薯仔、雞肉串同炸魚皮麻辣雞煲: 因為食唔到辣，所以我地叫左走辣Xdd 但一樣超惹味! 落左大量花椒八角蔥菜，其實好想食多轉，之但係 再 食 我 就 食唔 到 佢 啲 牛 喇!! 海鮮拼盤：沙白鮑魚帶子海蝦脆鯇樣樣齊😍好喇，終於到主角登場~~~ $348 和牛放題SET ! 先講個鍋～佢地同平時用大鍋唔同，呢度一人一鍋，咁大家可以自已鐘意落咩就落咩~~ 無咁易肚痛呀! 湯底有: 美顏花膠鍋、韓式泡菜鍋、北海道牛乳鍋、日式海帶豆腐鍋、麻麻辣辣鍋我就梗係揀美顏花膠鍋啦~~ 大大舊花膠正呀!一開始，佢會所有肉都比晒你，之後好味就自已再encore~ 日本黑毛豬腩肉、日本豚肉日本和牛肉眼，M6澳洲和牛肉眼、極上安格斯牛小排、特級雪花牛板腱、頂級黑牛肩脊重點推薦: 日本和牛肉眼! 你睇啲雪花靚到，入口軟綿，雖然未到入口即溶但放題有呢個水準已好不錯了吧?!仲有六十幾款火鍋配料無限量供應!!丸呀餃呀年糕，菜呢啲梗腳，我地基本上淨係食牛己肚爆炸咁濟，基本上無咩再叫其他，不過大家可以叫沙白呀，蝦海鮮呢啲回本呀~~~~ 最後，到甜品同飲品，佢地有自家既飲品，其中呢個士多啤梨乳酸爆珠幾好飲! 哎…我已經再無QUOTA比雪條喇，佢全部都係韓國雪條，仲有好多味比你揀架….. 唉呢個放題真係十分精彩，你睇都覺得我煩啦寫咁多??但真係好鬼多亮點…最後，佢地喺醬汁選擇都勁多…仲有燒 肉 汁!!! 超開心!!! 平時係燒肉店先有架>< 感動~~~~

難得一個悠閑的周末，好想「吃到飽」，有滿滿的感覺！ 灣仔新開咗間樓上，日韓式放題刺身/雞煲/炸雞/火鍋～ 仲可以選擇一人一鍋🤩C.日本🇯🇵和牛放題套餐（$348） 包括：日本刺身一大盤、「最想食」小食便當、韓式炸雞/麻辣雞煲火鍋： 直送海鮮拼盤任點任食～日本和牛肉眼、頂級黑牛肩脊、極上安格斯小牛排、特級雪花牛板鍵、日本豚肉、日本黑豚腩肉及超過50種選擇，還有飲品、蔬菜盤、雪條等餐廳真的滿有誠意，首先係一人一鍋，各自揀喜歡嘅湯底（仲有花膠鍋🤩），勁方便。

食物份量好多，刺身盤有6款咁多；雞煲份量亦都唔少，入面除咗雞肉，仲加入好多配菜，令雞肉食落嫩滑又惹味。

小食便當包括日本🇯🇵蕃薯仔、酥脆炸魚皮、枝豆、日式串燒等。

火鍋方面就有海鮮拼盤，入面有鮑魚、扇貝、蜆等。

肉類的選擇又多又高質👍🏻最近仲將澳洲和牛改為供應日本🇯🇵和牛，油花更多，入口即溶😌！其他牛肉肉質鮮嫩，油花均勻。

唔食牛既亦可以品嘗一樣咁出色嘅日本豚肉及黑豚腩肉。

餐廳仲提供獨立包裝既特飲，士多啤梨乳酪爆爆珠、宇治金時綠茶、檸檬薏米水等等，既特別又方便衛生。

呢日同友人喺灣仔揾咗好耐食咩好，就揾到呢間ALL I WANA EAT，見佢有刺身、有雞煲(可以揀炸雞)，又有一人火煱，仲要係任食！岩哂我哋呢啲選擇困難症嘅人😹環境//呢間應該係新餐廳，人唔多，環境好舒服同乾淨，啲位好闊落，夠坐6人一齊打邊爐。

食物//頭盤同刺身岩岩好係2人份量，我就好鐘意個雞肉串燒，個燒汁幾甜，配上雞肉醃得好入味同嫩滑，友人就大讚個蛋黃魚皮。

刺身款冇得揀，不過全部都大路、種類多，我好怕魚生腥，但佢就冇乜腥味，還可以。

雞煲同炸雞2揀1，我哋揀咗雞煲，仲會俾醬同辣椒粉俾你自己調節辣度，份量望落好少，不過後面仲有一人火煱，所以夠食。

火煱湯底選擇都多，我哋分別叫咗麻辣同牛乳湯底，不得不讚啲牛肉、豬肉同海鮮料好靚，除咗可以落火煱，仲可以落喺加咗湯嘅雞煲度。

真係一次過滿足哂所有願望。

飲品//要特別提下，佢有一杯杯自家製嘅飲品，我試咗宇治金時，應該係抹茶、奶加綠豆，杯野飲好高質好好飲！整體//適合一班朋友聚嘅地方，咩都有得食，就唔洗夾來夾去，地方遠離塵囂，唔會好嘈。

整體食物水平高，服務尚好，服務員會間中走來望下張枱有冇野收，係聚會嘅好地方！

最想吃 All I Wanna Eat📍 灣仔灣仔道83號3樓.⭐️ 灣仔最近開咗間新嘅火鍋放題店 最想吃 All I Wanna Eat❤️ 性價比非常高，放題嘅食物好多元化，有港日韓嘅菜式😏👍🏻 主要提供3款放題套餐：▪️ 特級雪花牛板腱放題套餐▪️ 極上安格斯牛小排放題套餐▪ 澳洲M6和牛肉眼放題套餐⭐️ 佢哋係提供一人一爐火鍋🍲，唔怕同人交叉感染，又可以挑選自己喜愛嘅湯底😉有5款火鍋湯底可以揀：美顏花膠鍋、韓式泡菜鍋、北海道牛乳鍋、日式海帶豆腐鍋、麻麻辣辣鍋😍⭐️ 內部裝修簡潔，清晰地分開醬料區、飲品區和火鍋材料區，座位坐得好鬆動，職員服務態道亦好nice，不停幫忙換碟😊 每次再加單嘅時候，上菜速度亦夠快👍🏻⭐️ 今次就試咗最premium嘅澳洲M6和牛肉眼放題套餐😝 除咗提供火鍋靚牛/豬肉和配料外、仲有小食便當🍱、日本刺身盛🍣、韓式炸雞/麻辣雞煲🥘、直送海鮮🦀，多嘢食到癲🤣 仲有飲品🥤同甜品🍦，真係飽到傻🤪.🔸火鍋湯底🔸▪ 美顏花膠鍋: 必叫❗️湯底非常鮮甜，不禁飲咗好多湯 ，入面有勁大塊嘅花膠、杞子，最啱放海鮮材料保留住佢哋嘅鮮味😋▪ 北海道牛乳鍋: 牛乳湯底又香又滑，啱哂女士們同小朋友😚.🔸火鍋牛/豬肉🔸▪️ 呢個套餐提供6款唔同嘅牛/豬肉：M6澳洲和牛肉眼、頂級黑牛肩脊肉、極上安格斯牛小排、特級雪花牛板腱、日本黑毛豬腩肉、日本豚肉，款款都好高質，肉質嫩滑，油花分佈均勻👍🏻 唔夠食可再加😏.🔸直送海鮮🔸▪️ 有海蝦、日本元貝、日本鮮鮑魚、龍躉片、沙白，非常新鮮，特別係海蝦同沙白可以任點😏.🔸日本刺身盛🔸▪️ 擺盤好靚，刺身鮮甜肥美🌸 有三文魚、赤海蝦、帶子、北寄貝、墨魚、象拔蚌、三文魚籽😍.🔸麻辣雞煲🔸▪雞煲醬汁味道調得啱啱好，食得出有辣味之餘，仲有洋蔥香🧅，每件雞都好夠醬汁，好惹味，又唔會覺得太麻🌶😆.🔸小食便當🔸▪️ 有黃金炸皮、雞串、日本甜薯粒、枝豆、沙律🥗.🔸飲品🔸▪ 有韓國汽水、無糖烏龍茶、自家製我飲品：士多啤梨乳酪爆爆珠、宇治金時、檸檬薏米水、洛神花茶，邪惡嘅健康嘅任君選擇😉.🔸甜品🔸▪ 暫時提供多款口味嘅韓式水果味雪條🍦.🐮 澳洲M6和牛肉眼放題套餐▪️ 19:30前離座；21:3022:30入座 💲328▪️ 17:0021:30 入座 💲348▪️ 小童/ 長者 💲248.✴️ 注意~ 只有晚市營業：5pm11pm；大家記住快啲訂位啦❗️.📷 以上圖片為二人份

最想吃餐單提供多國菜, 火鍋, 韓式炸雞等推介美食位於灣仔區，餐廳座位數未知人均消費約$201-400，結賬可以用Visa,Master,AlipayHK,現金,AE,銀聯，Booking訂位可以電話致電 25380668 查詢。

您對於灣仔餐廳「最想吃」有何 comment？

最想吃餐廳詳細資料：

• 最想吃地址:
  灣仔灣仔道83號3樓
  All I Wana Eat, 3/ F,83 Wan Chai Road, Wan Chai
• 最想吃電話: 25380668
• 最想吃價錢: $201-400
• 分類: 多國菜, 火鍋, 韓式炸雞
• 座位: 未知
• 付款: Visa,Master,AlipayHK,現金,AE,銀聯
• FB專頁: 最想吃 Facebook

更多最想吃相關資料:

• 最想吃分店
• Youtube
• Facebook
• Twitter
• Google