日溢中西美食 灣仔

日溢中西美食 評價 相片

上午忙完了, 下午跟車回來香港辦事. 搞好了, 同公司的司機大叔. 一齊在灣仔D內街仔. 來一個偷閒加油. 順道, 又可以看看英國皇子William的大婚直播. 我們最後一個辦事既目的地, 就是灣仔道. 而且剛好在內街找到了一個位泊低, 對面又有一間茶餐廳仔. 可以看著車, 可以食野, 有電視睇. 這就是一個最好的選擇了. 兩個人, 找了一個電視正位. 噗返一個Hi Tea.林老司機食的公仔麵不評. 我就叫了一個日式燒汁豬扒撈公. 不過本是味道濃郁的撈麵, 被我一手破壞了. 原因, 就是我掛住睇皇子婚禮, 另外一手就把半碗撈麵湯倒了進去. 結果, 撈麵, 變回湯麵. 應有的濃醬味道, 一下子被我的錯舉沖散了. 味道, 就變回了光身麵既不知什麼味湯包既一貫味道. 而且, 不好的, 是日式燒汁不多, 就算我不加湯, 也只是食豬扒上的少少燒汁. 落了湯再沖出來, 湯底都不變顏色. 證明了, 醬汁不夠. 食下食下, 覺得我的錯誤舉動是沒錯的.係茶餐廳食下午茶同食早餐一樣, 食物方面, 只是一名配角. 主角是什麼. 是一杯香港特產, 一杯濃濃滑滑的港式奶茶. 這家的奶茶, 茶底夠厚. 茶味重但帶少少鞋口. 不過, 香而滑的淡奶做出了一個非常好的補救. 把奶茶變得香, 濃茶帶少少滑溜, 茶香重, 奶味香. 縱使不夠滑溜, 但茶香奶香, 可以補救. 電視機看著華麗的皇室婚禮. 雖然香港已經不再是英國的殖民地, 但作為一個"港英", 對這一段世紀婚姻. 也是充滿了喜悅的. 在此, 不關我事也應當要祝福一下Kate & William 吧.

又來到日溢飯堂，下午茶漲價變了 ~$22 / $24 起... 幸好水準仍很好！ 特別讚炸雞睥好脆！酸辣米線 + 炸雞睥 包飲品都是二十多元！在百物騰貴的現在，算是十分相宜了！

15122010繼續求其去一間茶記食 lunch, 是日嚟到清湯腩店斜對面呢間, 簡單食個好似 light 一點的「常餐」($32).煙鴨胸湯通粉:湯底的「雞粉」味甚重, 可幸唔會好鹹, 通粉就淥得 ok; 而煙鴨胸就當然唔「煙」啦, 食落亦幾嚡又有點鴨「臊」味, 果然係「雪」的來貨. 「白菌火腿奄列」配多士:多油, 蛋就煎得少少過火, 不過中間都有少少蛋汁流出, 切到好幼的火腿就係「金妹」味; 磨菇竟然唔多似罐頭貨, 食落竟然有香味 ; 多士烘得算脆, 但記住趁熱食, 攤凍少少已好韌, 不過牛油係求其 "pat" 上去的, 明顯無「塗」過, 感覺幾馬虎.熱奶茶:色水好「奶」, 飲落亦奶多過茶, 但有點澀, 飲完又少少嚡口嚡脷, 唔喜歡.埋單 $32, 一試無妨, 不過如店名一樣「日日」嚟, 就梗係咪搞我啦. P.S. 咁樣都食一篇食評, 又真係好似有點屈機...

呢間茶餐廳位置唔算方便,但就成日都見迫滿人..好奇心推使下就來試一試.其實之前世杯個陣都想來但已經FULL晒..因為出面有得泊的士,所以好多司機大佬都會來呢度落腳...入去時本身冇位..但咁岩有台起身於是走埋去,角落頭貼窗 又岩岩睇到電視..坐低一睇好多餐牌,原來有分晒唔同時段...本身有晚餐..但只係出來同朋友拿野+上之前食左飯..所以都係叫常餐算...友人叫了雙拼通粉..但唔記得影相...我就叫了薯條雞脾...加熱好立克,熱檸茶..先上飲品,好立克就味道FIX死左,熱檸茶就OK,起碼D茶唔會苦到爆個隻..檸檬浸得耐都冇變苦..再上通粉料好足..份量比普通茶餐廳好似大少少..但當然價錢都貴少少....見友人吃得津津有味時..我既薯條雞脾等左好耐都未到..直到友人吃完先上...薯條相入面睇好似唔多..但其實雞脾係俾一堆薯條托起左..所以整體份量其實OK.而且係新鮮炸出來..雞脾邊脆口得來唔油,非常好味 又夠大隻!食物品質的確唔錯...但相信會食得有點兒趕..因為真係好多客人..冇計啦..好食既自然有人搵上門!

有時會出灣仔搵朋友或者去網吧打機,灣仔而家d野食真係好似度度都要40蚊以上先食得到一個飯餐,但係位於巴路士街行入去呢間日溢就三十零蚊就可以食得飽飽!!果晚同個朋友上去打機,去到半夜2點幾肚餓喇就打落去叫外賣,好快有人聽,因為有d咳唔敢食雞so叫左個時菜肉片飯配杯凍華田,我就推介左朋友叫左個豉油雞飯配冬檸茶,2個加埋都係64,我地比埋tips$70蚊唔洗找都只係35蚊一個人咋時茶肉片飯係用長飯盒,叫左多汁因為本人比較鍾意食濕濕地既野菜同肉既份量都ok,而且d菜都幾爽甜,有些少長蔥調左少少味。

豉油雞飯係我至愛><其實餐牌又唔覺有豉油雞飯呢樣野,得鹽焗雞飯,不過之前試過,可能因為自己唔係咁食得咸既野,同埋帶點沙薑,所以嘗試問佢可唔可以唔要沙薑原來真係得仲可以改做豉油雞飯添自此之後我就成日都叫豉油雞飯喇不過我咳咳唔食得,但係都偷左朋友2舊雞豉油唔會太多,應該係甜豉油因為唔會覺得咸。

d雞都好多肉,好滑,真係好正,而且佢唔會話收你三十幾蚊但係得果一忽仔肉比你食,佢地d雞飯真係成個盒面都係雞咖而且淡淡肉添好番之後一定要再黎食雞飯

日溢中西美食餐單提供港式等推介美食位於灣仔區，餐廳座位數未知人均消費約$50以下，結賬可以用現金，Booking訂位可以電話致電 28336866 查詢。

您對於灣仔餐廳「日溢中西美食」有何 comment？

日溢中西美食餐廳詳細資料：

• 日溢中西美食地址:
  灣仔灣仔道151-163號新世紀廣場地下G53-G55舖
  Date Day Restaurant, Shop G53-55, New Century Plaza,151-163 Wanchai Road, Wan Chai
• 日溢中西美食電話: 28336866
• 日溢中西美食價錢: $50以下
• 分類: 港式
• 座位: 未知
• 付款: 現金
• FB專頁: 日溢中西美食 Facebook

更多日溢中西美食相關資料:

• 日溢中西美食分店
• Youtube
• Facebook
• Twitter
• Google