德如茶餐廳 灣仔

德如茶餐廳 評價 相片

超開心呢間餐廳竟然會重開！山長水遠都要嚟食佢個下午茶。

港式凍奶茶一間茶餐廳嘅好壞取決於奶茶嘅品質，而呢間餐廳嘅奶茶簡直係我嘅top 1。

見到師傅最少拉咗10次茶，超架勢！呢個奶茶既香滑又濃郁，必要一試！西多士西多士看似普普通通，但佢係即叫即炸，熱辣辣，外脆內軟，配上楓糖漿，簡直係邪惡之物，冇得頂。

咸牛肉蛋治又係即叫即做，麵包仲要係有烘底，非常有誠意！咸牛肉份量頗多，二十幾蚊份，性價比高。

南乳炸雞翼睇個樣都已經知道係非常酥脆，南乳味超香，最重要係雞肉十分嫩滑，呢個食物質素完全對得住個價錢！

聽聞德如轉手重開就去幫襯下 65年歷史不容易 充滿人情味 裝修後店鋪乾淨好多坐都坐得舒服啲 位置都吾同左水吧位變左近廚房 幫襯過幾次 今次去無見到舊老闆 但見到有是日精選飲品半價 良心老闆👏🏻 距地啲碟頭飯份量多到可以兩個女仔share食 好抵食！特別推介家鄉炒飯辣辣地又夠鍋氣 由於吾會成日有人同我share 我一個人既時候只會叫沙嗲牛肉麵 朝早同晏就都order過 我發現早餐同中午既係吾同 中午係有埋青椒紅椒吾會得啲肉 岩曬我地啲女士有菜食 吾洗加錢叫碟菜 我個人幾中意中午果個 食得出係落鍋炒過吾同出面果啲咁hea 至於四大奶茶之一點會吾飲距地杯奶茶 杯奶茶夠滑又重茶味 我個人吾中意偏奶 正中我心意 正！太古廣場多數都貴野 尼間野岩岩係三期隔離 所以對比價錢黎講係吾貴 上班族長期飯票！

聽人講哩度最出名就係家鄉炒飯，黎到就一定要食，咁我就一於放晏就過黎試下。

嘩好大碟，自己一個食唔哂，同啲同事share一個飯，佢又唔會話一定要2個人就叫2個飯，除番開每人都係$32 已經好飽。

因為見隔離幾枱都有叫西多，最後又叫左一份西多，個侍應問想要邊隻味 (花生醬/火腿芝士) 估唔到有2隻味可以揀，好好食!  仲叫左杯熱奶茶試，因為唔想啲冰溶左溝淡左，好滑，比起以前好飲好多! 好懷舊好正，今次真係大滿足

有65年歷史嘅茶記於同一個地方重開 由於地點好近我屋企 於是我哋就喺店舖重開後冇耐就幫襯 店內裝修冇乜點變 感覺上好似乾淨咗😂😂⠀⠀奶茶出名應該好多人都知道 食物方面我就鍾意食麵包類 (西多士、奶醬多、鹹牛蛋治) 多過炒粉麵飯 嗰日去食晏叫咗個沙爹牛肉麵 味道和做法同其他茶餐廳嘅好唔同🤔 我呢碗沙爹牛肉似係豉椒牛肉嘅做法😂 我個人唔係好buy😂😂用呢種煮法然後放落碗麵度⠀⠀價錢方面以茶餐廳嚟講真係收得貴 HKD48一碗沙爹牛肉麵 一份午餐精選$56唔連飲品 叫埋飲品差唔多$80買賣單....⠀⠀四月去嘅時候服務係唔錯 可能係因為有舊老闆喺度睇住 今日再去....嘩....落單嗰位嬸嬸究竟係未瞓醒定係喺太空漫遊緊..講咗N咁多次都落唔到單 嬸嬸好坦白同我哋講佢係新嚟嘅 啲單亂晒籠 明明未嚟齊啲食物又話齊晒 ..⠀⠀店外嘅茶檔車依然保留住喺同一地方雖然已經冇開檔 但依然成為客人們打卡嘅熱點

德如茶餐廳餐單提供港式, 茶餐廳, 冰室等推介美食位於灣仔區，餐廳座位數未知人均消費約$50以下，結賬可以用現金，Booking訂位可以電話致電 25280713 查詢。

您對於灣仔餐廳「德如茶餐廳」有何 comment？

德如茶餐廳餐廳詳細資料：

• 德如茶餐廳地址:
  灣仔進教圍17-18號地舖
  Tak Yu Restaurant, G/ F,17-18 St. Francis Yard, Wan Chai
• 德如茶餐廳電話: 25280713
• 德如茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 德如茶餐廳 Facebook

更多德如茶餐廳相關資料:

• 德如茶餐廳分店
• Youtube
• Facebook
• Twitter
• Google