富屋甜品 灣仔

富屋甜品 評價 相片

路過, 想食甜品就入左啦間點入面都貼左幾多報紙介紹過..幾多甜品揀~ 好多睇起黎都幾特別..叫左士多啤梨春卷~ 幾好味!士多啤梨唔單唔酸, 仲都算係幾甜下..而且仲有D芒果伴下碟~ 幾好丫!有機會想再去試下其他野見到d朱古力雲吞之類的, 好似唔錯..而且唔貴~ service幾好~ 有電視睇.. 可以同埋d staff一齊討論電視劇情xdd staff好似係一家人來的~ 全部都幾nice.

尋晚去食甜品, 灣仔都冇乜選擇, 今次係第3次食.第1次食 合桃朱古力磚雪糕 (好好味,好Juicy, 朱古力好濃) 芒果涼粉 (好難食, 好水汪汪又冇味) 第2次食 外賣芝士木糠布甸 (麻麻地)第3次食 合桃朱古力磚雪糕 $35 (已經唔再juicy同濃味, 好似普通蛋糕加雪糕, 失望) 火焰雪山 $38 (都幾好味, 好似雪糕蛋糕咁, 但冇乜火, 貴咗D)

偶爾路經灣仔，見街邊的甜品店打出「酒店級製作的甜品」為噱頭，就入去試試。

以款式而論，的確係酒店級數的，雪山火焰、心太軟、梳乎厘等等，以乎都是只應該在酒店或餐廳出現的甜品。

既然話迷你火焰雪山係鎮店之寶($38)，就試試它吧。

非常快就上檯，外觀還似模似樣，但配碟的雜果及糖醬裝置得太馬虎，自不能跟酒店比較，就算跟餐牌上的照片也差很多。

至於味道，外層的燒忌廉還可以，裡層的雪糕就很普通，既不軟滑，香味也不夠。

整體來講，呢家甜品店幾識攪噱頭，但水準則一般。

生活就是這樣子，有時很辛苦，要很努力才捱得過。

是另一個艱苦經營的一天，下班時已疲憊不堪，只想吃點甜食來cheer up自己，來了這裡，因為都記得有幾款特色甜品。

十時來到，在吃甜品的客人也不少。

堂中有大電視在播著連續戲，但可能因為中門大開的關係，雖然掛起幾條大膠布，空調也是弱弱的，有點焗熱。

不要緊怎熱也悶不過我的心，就要了個心太軟，一於熱鬥熱。

也不需要等很久，心太軟已經焗起。

聞起來滿有朱古力香味，配上冰凍的雪糕球，還有朱古力醬的劃花，加上冰凍的碟子去預防雪糕及醬汁溶化，不要看只是小店製作，賣相好，亦饒有心思的。

焗朱古力蛋糕外皮脆，內裡保持濕潤，亦香濃美味。

但叫得心太軟，裡面的朱古力「岩漿」就略嫌流得不夠「澎湃」。

不過吃起也香濃美味，很不錯的。

尤其是襯托起云呢拿雪糕來伴吃，很美味。

但見火焰雪山也是招牌菜，好像很不錯，下次來就吃這個。

又到灣仔搵 dinner 食... 呢日想先食甜品, 遊0下遊0下0黎了呢度試試.又忽然想食木糠布甸, 結果捨心太軟取芝士木糠布甸 ($18).布甸表層的「木糠」好粗糙, 加上有一 pat 幾樣衰的芒果及一粒我唔食的藍莓, 賣相奇 hea... d 芒果雖然溶溶爛爛咁, 但十分香甜, 如果用0黎整楊枝甘露, 一定出色唔少; 布甸層次分明, 不過佢 d 皮膚實在好差, 完全唔滑, 質地又杰撻撻的, 十足 whipped cream, 印象差了唔少; 芝士味則點到即止, 食落唔漏, 算 ok.環境裝修有 d 似尖沙咀厚福街的「甜蜜蜜」, 尚算乾淨企理; 而招呼就係近乎無招呼, 不過態度唔算太差, 算啦.$18 一杯, 話平唔平話貴唔貴, 不過既然呢類甜品屋0係灣仔少之又少, 路過可以一試.有機會的話再0黎試試心太軟吧.

富屋甜品餐單提供港式, 甜品, 糖水等推介美食位於灣仔區，餐廳座位數未知人均消費約$50以下，結賬可以用現金。

您對於灣仔餐廳「富屋甜品」有何 comment？

富屋甜品餐廳詳細資料：

• 富屋甜品地址:
  灣仔灣仔道158號地下
  富屋甜品,  
• 富屋甜品電話:  
• 富屋甜品價錢: $50以下
• 分類: 港式, 甜品, 糖水
• 座位: 未知
• 付款: 現金
• FB專頁: 富屋甜品 Facebook

更多富屋甜品相關資料:

• 富屋甜品分店
• Youtube
• Facebook
• Twitter
• Google