富家粵菜 灣仔

富家粵菜 評價 相片

食咗餐家常便飯。

值得一提荷葉飯和椒鹽鮮魷。

全部即叫即煮。

很少荷葉飯比足料煮，食過其他餐廳都係好求其，呢間唔錯。

椒鹽鮮魷都炸得好好食好香口。

一般餐廳都炸的好硬，但呢間炸得好香脆，好軟好易咬，都適合老人家食。

平時很少會打食評但都忍不住手要讚一讚這家已經食過幾次真的非常美味（不是打手）比大多數茶樓味道好每次來都一定會吃錫紙包雞 雖然這個茶式等的時間較長 但很值得（希望可以一直保持這個水準）其他的食物，如蒜蓉粉絲蒸魚!? （名字忘了）也是值得推介的最重要的是 甜品!!!蛋白杏仁茶 真的真的非常美味 有時候同事吃不下 我也可以代勞 飲兩碗絕對都不會膩P.S. 相片影得不太好 但真的好美味 可以一試

一般黎講, 2個人去食中菜真係有d難度, 因為好難叫餸, 叫得多又食唔哂, 叫得少又好似好少選擇, 不過今次朋友仔話同我試下呢間~~~富家粵菜,聽聞係阿一個徒弟開架噃...去試下囉 (笑)。

去到見到牆上真係有阿一個嘜頭 xdddd呢到2個人食既好處就係可以咁樣叫餸...哈哈 ! 蒜蓉粉絲蒸扇貝, 一人一隻...嘩, 好多粉絲啊, 好中意啊 ! d粉絲吸哂d蒜同湯汁, 好鬼好味, 隻帶子都幾新鮮啊, 唔錯啊 !陳皮香酥骨好似都幾出名架, 一放上檯...咦...咁乾既... >< 點知一咬入去係另一回事, 入面絕對係juicy, 一層肥一層瘦,炸得岩岩好, 仲有好香既陳皮味, ok喎 !頭抽陳醋煎大花蝦, 拿...隻蝦比我想像中細隻啊 ! 大隻d好啊 (大爆爆爆), 個汁真係做得幾好, 冇話d醋酸到刺喉刺鼻, 有少少甜中和頭抽既咸味, 蝦肉夠彈牙結實, 個頭仲有膏添, 大隻d 好d 囉xddd花膠燉北菇湯, 有少少甘甘地, 又似有DD苦澀, 不過飲得出佢冇味精, 個菇好厚好有肉, 花膠份量唔太多, 你問我既話, 我麻麻地中意呢個湯啦。

香煎馬友咸魚配白飯一流, 其實我唔知點解好中意食咸魚, 但喺屋企唔會整, 費事搞到一屋大陣味, 所以多數出去先會食呢d勁野啦。

一見到menu有咸魚, 真係忍唔坐整一件嘆下, 老實講, 唔叫其他餸, 只係呢件馬友我就食一碗白飯啦 xddd桂花炒魚肚, 另一味就真係好普通, 係炒得好乾身, 不過冇咩特別好味囉, 下次再去可以唔洗叫呢個啊 !晚餐後會送蛋白杏仁茶, 其實我唔多中意杏仁茶/ 杏霜既味道, 不過佢送既我就試下啦, 第一啖, 好強既杏仁味, 第二啖開始接受, 第三啖食到蛋白絲, 甜度適中, 食食下又幾好味喎, 出奇地我成碗食哂囉。

多數做節都係夜晚食, 但人多始終難約齊人, 所以今年選擇lunch做節~~佢呢度係hotel的1樓, 地方唔算顯眼, 我諗多數都係有熟人帶先識嚟呢度, 而我都唔例外~~ 雖然佢係開12點, 但我地早咗到, 都招呼我地入去坐住等, 仲可以食住d頭盤先tim~~頭盤叉燒 : 個樣瘦得可憐, 仲以為會好un, 但食落先知好林, 真係估佢唔到, d叉燒汁就冇出面燒臘店果d咁甜, 淡淡地, 但唔夠玫瑰露的香味~~牛鍵 : 係鹵水的, 切得超薄, 可以透光, 但都好入味鴨舌 : 又係鹵水, 唔會炆到好林好爛, 而係啱啱好, 但可惜唔算太入味主菜翅湯 : 唔記得叫咩名, 但都好多翅, 雖然唔係一大梳果d, 但都好足料, 而且又唔似果d豆粉芡咁杰身鮑汁扣鵝掌 : 雖然成煲都係得鵝掌同埋鮑汁, 但都夠你送飯, d汁就算凍咗都唔會一pet嘢或者變成啫喱, 即係代表佢冇落好勁的豆粉芡陳皮骨 : 睇落黑忟忟唔吸引, 以為普通炸排骨, 但食落原來好香陳皮味, 好香呀~~上湯小棠菜 : 用咗細細棵果隻小棠菜, 用上湯浸熟, 好清甜呀~~蒸頭腩 : 蒸得啱啱好, 但可惜唔夠豉油蝦籽柚皮 : 冇食過, 因為唔好, 但有d話好食, 有d話麻麻地雞 : 唔知係咪頭抽雞, 但d雞好滑, 唔老, 而且冇乜雪味甜品蛋白杏仁茶 : 佢話係生磨, 食落都似, 但唔夠香杏仁味, 不過唔太甜, 所以整體上係唔錯唔知有冇記漏, 因為食完唔係即刻寫, 又冇影低相, 如果唔記得果d即係代表唔夠深刻印象, 所以冇寫都冇所謂~~

公司春茗，有同事提議到富家粵菜，似是私房菜。

提到私房菜，同事認為自己訂菜單應比餐廳的套餐花算及美味，所以讓曾光顧的同事發揮。

辣蟹雖然很辣, 但非常美味, 很多時這類重味道的, 或多或少會用比較不新鮮的蟹, 但這碟, 我仍吃到蟹的鮮味同樣地, 用作做炸物, 有機會是不新鮮的食材, 但這炸蠔, 外脆內鮮超級推介香酥骨, 原本打算只叫陳皮香酥骨, 餐廳建議叫兩味, 還提醒我們先吃炸後吃陳皮,陳皮做法非常香口和入味可能吃了以上重口味/香口餸菜, 一見到有菜, 大家都爭著吃, 這豆苗是正常瑤柱扒豆苗羊腩煲的羊沒有騷味, 成個煲有很多配料牛粒鬆軟好入口, 一口一粒, 很容易不知不覺吃多了可能以上的太精彩, 炸子雞雖然美味, 但沒有驚喜蛋白粉絲炒紹菜莖, 紹菜莖炒得很"林", 粉絲很入味吃飯後無聊看看餐牌才發現套餐比我們自訂菜單平一半有多.....誰說私房菜自己訂菜單比較花算?另外, 餐廳的酒水很貴, 但反而免開瓶費, 我們直接帶幾支香檳去飲扺過飲餐廳的酒水最後要讚讚服務員服務態度很好, 還主動送上甜品. 餐廳環境不錯, 我們坐得很舒服

富家粵菜餐單提供粵菜, 廣東等推介美食位於灣仔區，餐廳座位數未知人均消費約$101-200，結賬可以用現金,銀聯，Booking訂位可以電話致電 28348378 查詢。

您對於灣仔餐廳「富家粵菜」有何 comment？

富家粵菜餐廳詳細資料：

• 富家粵菜地址:
  灣仔摩利臣山道39號ButterflyHotel1樓
  Fullka Cantonese Cuisine, 1/ F, Butterfly Hotel,39 Morrison Hill Road, Wan Chai
• 富家粵菜電話: 28348378
• 富家粵菜價錢: $101-200
• 分類: 粵菜, 廣東
• 座位: 未知
• 付款: 現金,銀聯
• FB專頁: 富家粵菜 Facebook

更多富家粵菜相關資料:

• 富家粵菜分店
• Youtube
• Facebook
• Twitter
• Google