如意冰室私房菜 灣仔

如意冰室私房菜 評價 相片

雖然已經po過一次，但如意真心係值得一推再推！（利申非打手）永遠食親佢都唔會失望！只會食到出面中菜無既味道，就係好味哈哈！食左兩餐一次過po。

餐湯就好典型淆出黎既清湯開胃個薯仔牛柳粒d薯仔炸得夠脆，牛肉唔會太冧，正！！咕嚕肉係未試過食到最後一粒都仲脆㗎層皮！！！！真係完全未試過！個西蘭花牛肉又係好典型煮家餸味道，牛又唔太冧（真係好怕醃得太勁個d）另外兩碟炒野，唔油得黎又夠惹味，真係無野好講地正雞煲好似比小菜貴d，但個味完全同出面雞煲小菜比有過之而無不及…唯有…shut up and take me money please!

好味😋叫左個二人餐 但係份量兔得驚人 我諗三個人先至岩岩好食得哂！好在一早叫左淨係俾一個飯就得先冇咁浪費食物⋯ 條魚仲有多種做法，清蒸 煎封 豉汁 任你揀 更值得推介既一定係蒸扇貝同椒鹽豆腐！ 真係食過翻尋味令我更舒服既一定係不斷loop既港歌榮光 同埋一大個連儂牆：） 見到張單 餐牌 連豬既裝飾同佈置 再加上門外最新日程表 你就會覺得真心冇可能藍扮黃 藍絲點會有心到貼最update 既日程表呀！星期六晚麵係坐唔滿😞 唔怪知得會告急啦⋯ 希望大家多啲去幫襯啦

成日經過這店，見出面貼了連儂牆，有不少人幫襯，於是入內試吓，不太肚餓，叫了個常餐，選了蕃茄牛肉通心粉、火腿奄列、牛油多士、熱菜蜜，如果大家去這裡食常餐，我人覺得一定要選蕃茄牛肉通，佢個湯底比較甜，個樣有D似羅宋湯，用料豐富，牛肉尚算軟滑，大大碗好味，牛油多士也不錯，牛油融化在麵包內，麵包鬆軟，相比之下個火腿奄列就遜色少少，比較薄，如果可以厚身少少更好，服務也ok，尚算有禮，見佢有同隔離枱食飯的人說，如果唔夠飯可加飯，幾親切👍🏻會再幫襯

⤫ 醬爆京蔥牛肉大蔥爆得好香口，送飯一流，牛肉好腍唔會好多筋。

夾完再夾夾完又夾，有啲覺得啲蔥先係主角，會有想添飯嘅衝動。

⤫ 蜜桃生炒骨生炒骨份量好多，有成十幾件肉，多肉少骨，調味適中唔會過酸。

可能食慣菠蘿﹐蜜桃唔係太夾，不過唔大影響。

⤫ 白飯配老火湯唔係味精湯，每碗都有大大舊肉同蓮藕，平時唔太好蓮藕都可以接受。

份量正常，價錢合理，想食港式嘢會係唔錯嘅選擇，除左叫餸食飯之外仲可以揀碟頭飯，驟眼睇份量差唔多，感覺仲抵食。

老公堅持只幫襯黄店，位於灣仔這間茶餐廳私房菜，實在令人再三回味。

咸魚煎肉餅每一次來都會吃，不可不吃，沙嗲通菜牛,椒絲腐乳唐生菜， 豉汁蒸帶子，五大訴求飯，缺一不可公仔麵，紅燒豆腐魚塊，粟米魚塊，菠蘿生炒排骨好味又食得開心放心。

小菜實在做非常好。

晚市套餐有蒸魚，海鮮。

今天五一，當然要幫襯。

老細自家調製沙嗲牛米，正

如意冰室私房菜餐單提供港式, 海鮮, 茶餐廳, 冰室, 私房菜等推介美食位於灣仔區，餐廳座位數60人均消費約$51-100，結賬可以用現金，Booking訂位可以電話致電 29838333 查詢。

您對於灣仔餐廳「如意冰室私房菜」有何 comment？

如意冰室私房菜餐廳詳細資料：

• 如意冰室私房菜地址:
  灣仔軒尼詩道38-46號地舖
  如意冰室私房菜, G/ F,38-46 Hennessy Road, Wan Chai
• 如意冰室私房菜電話: 29838333
• 如意冰室私房菜價錢: $51-100
• 分類: 港式, 海鮮, 茶餐廳, 冰室, 私房菜
• 座位: 60
• 付款: 現金
• FB專頁: 如意冰室私房菜 Facebook

更多如意冰室私房菜相關資料:

• 如意冰室私房菜分店
• Youtube
• Facebook
• Twitter
• Google