大手町 灣仔

大手町 評價 相片

同朋友第2次去食訂左7:30o.m,可能太早,入到去都未坐滿由於上次冇咩節制,叫左好多推介板上,同埋老闆娘介紹ge食物雖然好好食,但剛食夠,已經食左千幾蚊今次都聽老闆娘講今日新鮮運到ge海鮮老闆娘仲話有咩特別難搵ge日本野都可以預先打電話去同佢講,盡量都安排到~

提早一個星期訂位同一位朋友慶祝生日訂位果陣同老闆娘講"可唔可以幫我整個插得落7支candle既sushi或者甜品佢一句話 ""得!!冇問題, 交比我幫你諗掂佢。

""就係咁, 我就放心交比佢幫我諗老闆娘仲話""我留番張卡位比你地"" (聽到特別開心, 因為呢度lunch要坐卡位而唔使同人搭檯係貴賓既服侍^^)到事前既一日, 我將candle同朱古力生日牌交到佢手...佢最後幫我整左個近似魚生飯既野, 上面有三文魚, 三文魚籽, 劍魚等等相信我朋友咁大個人都係第一次收到一個壽司既蛋糕, 成功為佢製造左個surprise當日我地差唔多一點九先去到, 食到差唔多三點 (3點至六點會暫時關門準備晚市既食物)臨尾果陣成間餐廳得番我地兩個人...好靜, 呢餐飯食得好舒服我地叫左大概五樣老闆娘介紹既當日新鮮空運番黎既魚生, 有平靜魚(唔知咩魚黎, 但好食), 赤貝, 牡丹蝦, 其他果d唔記得lu~~果然冇介紹錯 掛住同我朋友傾計, 是次冇影到食物既相同個壽司蛋糕既合照又唔公開得所以抱歉冇相各位: 去呢間餐廳, 要食老闆娘介紹當日最新鮮返黎既sashimi先食到佢既精髓~~ =) =)

死黨ro ro恨食魚生飯好耐.今天夾到時間一齊專登帶佢和亞仔來食,以解佢日本築地漁市場壽司的相思之苦身邊的朋友都話呢度的魚生飯好味.我唔食生嘢,唔識欣賞不過今日都食左件三文魚和太子,確實不錯.roro和小朋友食開魚生飯的.,都話魚生飯好味.是日叫左個魷魚筒飯,掛住食無影到相.對於食熟嘢的人來說係好事.因跟餐有個三文魚壽司,可以轉做蛋或者其他嘢.老板娘份人都好易話為.值得一讚呢間店的位置方便,灣仔地鐵站出左行個幾街口就到,通常去演藝睇節目前必去.夠方便嘛.

今日同友人去食 lunch, 訂了二人枱, 約 12:50 去到, 侍應帶我們到上層, 和兩名男士搭枱, 我們坐在卡位出面的兩個位, 這令我有點意外, 冇諗過是這樣搭枱的 OK 啦, 點了魚生飯, 食食吓, 坐埋面兩位男士離開, 我們便起身讓路 OK 啦, 友人趕時間走先, 卡位便剩下我一人繼續食, 點知食食吓, 店方竟然帶住六位客人, 叫佢地企係我旁邊, 話我就快食完佢地就可以坐低...有冇攪錯???我 offer 話可以搬去第二張枱, 俾呢張枱佢地, 有位貎似老闆娘既就完全冇理我感受, 只係繼續同六位客人話我好快就走...我仲有細半碗飯未食架喎!我多番投訴都不果! 如果係茶餐廳, 我絶對接受; 但係呢度, 我冇諗過店方會帶一群客黎, 俾壓力我趕我走! 你要做六位客人生意, 可以叫佢地在店外稍等; 又或者, 等到有枱俾我坐, 咪叫我滾開, 俾番張寶貴卡位你囉! 但唔可以咁樣趕客走!咁樣對待客人, 仲想我有下次惠顧? 除非我失憶!

午市同事訂咗位喺度食，都係第一次嚟呢度食。

先講一講呢度個環境先，成間鋪頭不大，應該坐到大概只坐到20多人，感覺上有啲狹窄，尤其最裡面嗰啲位，有部份係卡位，而我地好彩今次有得坐卡位。

我要了一個「雜錦魚生飯定食」，有些少配菜喺面，既可令個定食顏色更豐富，又可以令食客看上去覺得個魚生飯有很多材料，令賣相吸引啲。

另外，個定食配麵豉湯。

個魚生飯有好幾種魚生、刺身或者燒魚，包括：唔少得嘅三文魚刺身(不錯，幾新鮮)、燒過嘅三文魚皮(少少脆，幾香)、幾大隻而又鮮味的的甜蝦、劍魚腩、鱆紅魚、北寄貝、蟹柳、玉子等等，材料都唔算少。

另外，可能是即叫即整的關係，有時人多要稍稍等一等至有得食，我地就有啲同事等咗一段時間個定食先嚟。

雖然材料種類繁多，不過價錢都唔平，整體來說，個雜錦魚生飯定食只是不過不失啦。

服務也可以。

大手町餐單提供日本菜, 拉麵, 壽司, 刺身等推介美食位於灣仔區，餐廳座位數50人均消費約$51-100，結賬可以用Visa,現金,AE。

您對於灣仔餐廳「大手町」有何 comment？

大手町餐廳詳細資料：

• 大手町地址:
  灣仔軒尼詩道65號
  Otemachi Japanese Restaurant, 65 Hennessy Road, Wan Chai
• 大手町電話:  
• 大手町價錢: $51-100
• 分類: 日本菜, 拉麵, 壽司, 刺身
• 座位: 50
• 付款: Visa,現金,AE
• FB專頁: 大手町 Facebook

更多大手町相關資料:

• 大手町分店
• Youtube
• Facebook
• Twitter
• Google