多寶齋 (麗姐主理) 灣仔

多寶齋 (麗姐主理) 評價 相片

今日本想試春原街那間出名的咖喱豬扒飯的..........但同事A 話佢今日要食齋.......SO一行五人就走左去多寶喇!!!多寶個門面真係唔係太起眼.......如果唔係睇左佢個地址都找不到它。

入到去先發現係食得兩種選擇........1 四餸飯餐2. 水餃面餐寫明係四餸飯餐佢又真係得四種餸你揀…….今日有咖喱薯仔, 羅漢齋, 素鵝, and 水煮油麥菜。

你可以跟鳥冬, 米粉, 麵 or 飯 (白飯or 糙米飯)佢d 餸少油少咸清清地但又唔會太寡。

咖喱汁唔錯….(頭頭都有少少驚cos 試過係大自然素食叫過咖喱海鮮南瓜, 難食到你唔可以相信………唔係咖喱味架….好似將成支黃薑粉落曬去甘…又苦又澀極之難頂…….每個人只係食左一啖……..)最可惜係少選擇……..要講一講佢個水餃……….我地食次叫左剰水餃跟菜…….水餃皮似係自製的…….有雲耳粉絲紅蘿蔔絲做餡..有淡淡的麻油香味(佢個味有d 似堅島的山東大包的味道)食落又唔覺得係食緊齋喎……味道同質感都唔錯..可以一試但個價錢就好似漲得太快喇!四餸飯餐 $30水餃面餐 $27有湯飲…..(今日果個似涼茶多d…..都ok 啦)提提你…佢地係要自己清番張枱架………就我覺得甘先叫食齋架嘛.......坊間大多都重味重油.............想食清清地....又唔怕地方擠迫的可以一試..but 就冇得你揀攞.........佢有咩你要食咩囉..........

jul 25, 08,約咗齋友嚟lunch,2人叫咗 : 1) 午餐(4餸) x 2每日都set好咗邊4個餸,無得揀嗰日喺粉絲節瓜+鮮茄素牛肉片+豆腐卜+灼菜心友人同我都喺揀咗紅糙飯我自己鍾意粉絲節瓜因都幾夠味,唔知佢用d咩煨佢,個灼菜心就真喺好健康,搵唔到滴油出嚟,個鮮茄素牛個汁就帶小小酸個賣就唔講得吸引,但勝在好住家飯feel 2) 涼茶(免費)材料有無花果,南北杏,白木耳,羅漢果,淮山同陳皮 如果唔喺友人帶,都唔會嚟,亦唔識得搵到隱蔽嘅樓上 全店採取自助形式,自己去斟涼茶,食飽之後,要將碗,碟,筷子分門別類放好

食齋係件難事，一來係齋冇咩味難食，二來食完易餓，三來食完齋會有食肉既衝動但我都keep倒o係'多寶齋'食左幾個月Lunch，可見佢唔錯，我講唔出呢間齋鋪d o野好好食，但一定入倒口OK，材料經過細心揀選(d菜幾嫩口，至少好過我屋企o個d)，而且冇味精，係賣相/清潔/服務態度方面係差d，但27蚊4 食送 入得口又健康既齋的確好難搵，咁我食左幾個月冇肚痛，咁都證明佢都乾淨o既

已不記得幫襯了麗姐幾多次, 食佢煮既齋唔會覺得油膩膩, 四餸飯豆腐配冬菇/ 清湯菜心等係必然既選擇. 我最喜歡既係豆豉炆苦瓜, 係好好食既, 苦瓜林林地, 索晒醬汁既精華, 真係食極都唔厭. 飯方面多數係糙米飯, 有時會有黃姜飯, 份量足夠. 一個 人都唔使30蚊, 非常經濟.麗姐個人好隨和的, 同佢傾偈係一件開心既事.

麗姐的素食店在灣仔遠近馳名,是老字號? 那次食過它的四餸飯,有炆柚皮, 羅漢齋, 咖哩薯仔及烚菜配紅米飯,味道不錯, 很是飽肚。

最好的還是例湯,好像有羅白和羅漢果齊煲,很清甜, 喝了兩大碗,捧著肚子走。

地方幾擠迫, 加上是自助形式,身形正常的還可以, 肥肥的友人就幾吃力了,又要取湯取筷子又要收拾碗筷,小小論盡。

外賣吃會好一點。

見旁邊有人吃素餃子, 幾的骰,絕對會再來, 支持素食。

多寶齋 (麗姐主理)餐單提供港式, 素食, 湯品, 雲吞, 餃子, 中菜館等推介美食位於灣仔區，餐廳座位數50人均消費約$51-100，結賬可以用現金。

您對於灣仔餐廳「多寶齋 (麗姐主理)」有何 comment？

多寶齋 (麗姐主理)餐廳詳細資料：

• 多寶齋 (麗姐主理)地址:
  灣仔太源街
  多寶齋 (麗姐主理), G/ F, No.45 Tai Yuen Street, Wan Chai
• 多寶齋 (麗姐主理)電話:  
• 多寶齋 (麗姐主理)價錢: $51-100
• 分類: 港式, 素食, 湯品, 雲吞, 餃子, 中菜館
• 座位: 50
• 付款: 現金
• FB專頁: 多寶齋 (麗姐主理) Facebook

更多多寶齋 (麗姐主理)相關資料:

• 多寶齋 (麗姐主理)分店
• Youtube
• Facebook
• Twitter
• Google