古琴雅苑 灣仔

古琴雅苑 評價 相片

想試古琴雅苑好耐佢嘅片皮鴨出名又抵又好食之前試過幾次預早一個月前想book晚飯 但都食唔到今次lunch time黎到因為疫情關係啦 成間餐廳都冇乜人不過今次冇試到佢個片皮鴨話說因為佢有兩個二人餐 一個有片皮鴨但係除左片皮鴨就好似冇乜其他野食因為驚食唔飽所以就叫左另一個二人餐平啲之餘 仲要有多啲野食況且佢好多都係鴨嘅菜式食唔到片皮鴨 都叫做試下佢嘅鴨嘛雞絲粉皮我一向好鍾意 而呢度更加係出奇地咁大碟因為佢係前菜 好多餐廳份量都唔會太多 而且有花生醬 多都會漏 但我同朋友都清哂成碟南翔小籠包又係比我想像份量多我覺得二人餐俾4粒正常啦點知佢有成6粒喎 雖然皮唔係我食過最薄 但入面都算多肉多汁 而且打開真係出哂煙 熱辣辣架蘇式爆炒鴨絲或芹香鴨松生菜包呢啲時勢避免用手 所以唔揀生菜包揀左炒鴨絲 都炒得幾香高湯嫩雞煨麵或古琴鴨肉炒飯貫徹我地想食鴨嘅始終揀左鴨肉炒飯 又好香好正喎再講 份量都真係多好彩本人比較大食又咁啱同大食友黎食我地清哂所有野但我都好肯定好多人會食唔哂價錢方面 $338兩個人真係好抵食

之前呀媽呻哂話新年好多嘢搞，團年又要煮開年飯又要煮喎😫。

為咗等佢無咁辛苦，我就上網睇吓啲盆菜，好多地方都有得賣，例如酒樓、快餐店同工廈啲舖仔，本身以為工廈嗰啲會平啲，但原來唔係！同時，我買盆菜有一個要求，就係要細Size的，因為我哋得四個人食嘛。

除咗大集團嘅廣告外，我又上Instagram搵吓，搵搵吓期間見到古琴雅苑嘅盆菜幾符合我條件喎，因為係六人份量。

我就打電話去餐廳問吓詳情，個姐姐幾有禮貌，解釋我聽一定要最少五日前親身去門市俾錢落訂，而預早訂就有酒、炒飯／炒年糕同優惠卷送。

即係成個Set夾埋都只係承惠$788，其實都幾抵喎，一嚟係六人份量有飯有酒，二嚟就係大XX嗰類連鎖集團嘅盆菜雖然平百幾二百蚊，但感覺無咁好食😛。

年三十晚我放工三點半去到灣仔分店自取，雖然餐廳已經落咗場，但佢都可以安排我呢個時段拎。

之前店員仲溫馨提示我盆菜都大袋㗎，又重，叫我最好兩個人嚟拎，幾細心😊。

餐廳將盆菜放一袋，第二袋就係兩盒盆菜嘅湯汁同盒炒飯，另外再加一支酒，確係幾重。

店員提示我要先整熱兩盒湯，其後將熱咗嘅湯倒入個盆菜到，再以慢火滾熱全部食材，最後加熱1520分鐘就食得🍲。

不過呀媽滾下滾下都搞咗一個鐘！題外話，個鍋係唔可以用電子爐加熱的。

古琴風味燒鴨海鮮盆菜，賣相非常吸引，連呀媽都有讚👍。

食材包括鮑魚、海參、帶子、鮮蝦、烤鴨件、花雕醉雞、豬手、冬菇、蠔豉、豬肉丸、芋頭、蘿蔔、津白同西蘭花。

上述嘅食材真係無多無少，而且每一樣餸都足起碼六件，唔使爭食。

同時，餐廳亦無將大量蔬菜🥬塞喺盆菜底，墊高去，全部真材實料👏。

鮑魚有逐隻界花紋，口感唔韌，亦都尚算大隻。

好多盆菜平啲啲就係因為無鮑魚，如果你要就逐隻加，所以而家真係抵！另外，海參、帶子同🦐蝦都富有鮮味同彈牙。

至於鴨同雞就無乜特別，雞嘅花雕味唔算突出，啱唔好酒味嘅人。

我哋唔食🐷豬手，呀爸一條友食哂六嚿，佢話好好食同忟得夠淋。

最後就係啲蔬菜，芋頭幾香、津白蘿蔔索味、唯獨係啲西蘭花🥦太淋！盆菜個汁亦都好正，夠味，如果送🍚白飯就一流！預早訂盆菜可加送一份上海炒年糕或者古琴鴨肉炒飯，我哋要咗炒飯，但見到個實物就幾失望😦！因為個份量超少，一人量都嫌少，個盒細之餘，仲要裝唔滿😡，餐廳仲聲稱盒飯價值$134...。

味道方面就正正常常啦，炒得夠乾身，不過無乜鴨肉。

另外，預早訂仲有一枝餐酒送🍾，又幾好喎😍。

最後，就係兩張$50現金券，可以堂食時使用。

不過條款係食滿$250先用得，同埋二月尾到期，即係作用不大。

總括嚟講，$800有找可以食到美味嘅盆菜，更加唔使呀媽辛苦煮，真係好抵畀😜。

我哋四個人都清得哂成個盆菜，如果六個人食就可能要煮多少少飯嚕。

有機會啱場合嘅話我一定會再嗌呢個盆菜👍。

新年快到，今晚好開心約到一班朋友仔食團年飯。

朋友仔想食片皮鴨，所以今晚選擇了灣仔QRE plaza的一間淮揚菜館，古琴雅苑，食晚飯。

餐廳是可以訂位的。

臨近新年最好先訂定位。

新春期間餐廳有一個訂位優惠， 五位以上訂座及至少一天前要交500元訂金可免費享用藥膳花雕醉雞鍋一份。

我們一行六人，剛好享用了這優惠。

餐廳的裝修不是想像的傳統中式，反正是帶點簡約。

餐廳中間的玻璃開放式廚房和模仿古式石烤爐的裝飾就比較搶眼。

為免大家要動腦筋單點菜式，我們簡單來了一個金玉滿堂六人套餐 ($1798 包茶錢)。

這個套餐很豐富，六至七人食也足夠有餘。

六人餐首先有冷盤三款。

雞絲粉皮 這個味道一般沒有特別松花皮蛋豆腐豆腐很滑溜，皮蛋比一般的香口。

不錯。

花雕醉雞醉雞酒味不算濃， 但雞肉很嫩滑也很入味。

宋嫂鮮魚羹羹內有筍絲，冬菇絲，蛋絲和少量魚肉。

羹帶酸味，酸味蓋過其他材料的味道。

這個不推介。

烤北京填鴨全隻份量不少，鴨味不算很重，但勝在皮脆肉嫩，脂肪不多，不會太膩。

北京填鴨還配兩籠薄餅皮，蒜，青瓜和蜜瓜條 (蜜瓜條平時真的較少見）。

薄餅皮上枱仍是熱辣辣的，每塊餅皮中間都夾著一片牛油紙，容易一塊塊取出。

朋友提議了一個不錯食法，就是薄餅皮內放入至少四件片皮鴨，雖然有點誇張，但食落鴨肉味重一點確是更好味， 不妨一試。

蜜汁燒火方 配荷葉包六件蜜汁火方味道很好，火方很香，蜜汁不算太甜，配荷葉包很夾。

荷葉包即饅頭，中間開邊用來夾火方。

這道菜最好食，推介！風味松子魚魚肉先開花再炸，賣相很好而且很鬆脆。

加上淋在魚上面的甜酸醬，香口之餘味道也很好。

推介！十三香農家雞賣相有點像蜜餞，但原來這個雞非常辣，縱使沒有吃到辣椒，醬汁也很辣。

愛辣的朋友應該會喜歡，其實味道是不錯的，很惹味，雞也不太硬。

開水白菜以為真的白灼菜？錯了！是用清湯煮的。

還有這個應該叫大白菜，不是白菜吧。

干扁四季豆四季豆煮得不想，好腍好入味。

味道帶得咸香，配白飯應該一流。

古琴鴨肉炒飯炒飯普通，飯其實炒得夠乾身，但冇乜鴨肉味，飯內只見少量鴨肉絲，鴨肉味重Ｄ會更好。

藥膳花雕醉雞鍋很重的中藥味，甘甘地，加上雞湯，感覺很補身。

因為平時少食中藥，試不到加了什麼中藥材料，肉眼只見紅棗和杞子。

杞子桂花糕顏色比平常的深色，桂花味不夠，而且太甜了。

六人套餐非常豐富，每位大概三百多元，價錢合理。

整體來說，餐廳環境舒適，服務很好，食物味道不錯，價值也不算太貴，一班朋友或家人聚餐也是個好選擇。

本打算一心想食片皮鴨，因為平時係古琴雅苑食開，所以今次都黎一到達，位都未坐好，就不停催人地要咩茶食片皮鴨會有醬料同埋配料，餐牌明明寫住可以隨意添加，叫個侍應添加配料，同我哋講：「你估而家任食咩，第三碟要俾錢㗎。

」d態度好差，好似睇唔起人咁。

已經變左了：1，以前會有鍋貼而家都冇鍋貼2，以前有幾款小籠包揀宜家得一款3，啲服務態度越嚟越差4，以前會有一個肥肥地專業師傅片啲片皮鴨，而家無左總括而言，都唔會再幫襯啦，令人大失所望。

Lunch都要食好啲，一於去左古琴雅苑食烤鴨，附近多office, lunch都幾多人，幾乎滿座，可能餐廳都唔係好多枱，夜晚就一定要book. walk in分分鐘冇位！主角嚟啦！北京烤鴨！呢到可以叫半隻鴨烤，我地人少少叫左半隻。

首先嚟咗一小碟一口酥，點沙糖食入口即融🤤烤鴨配料有青瓜、京蔥、同比較少見嘅哈密瓜，醬料就京醬同蜂蜜黃梅醬。

好啦，正題！🦆🦆🦆🦆🦆半份烤鴨都算幾多，24個人都夠食，呢度片法係肉連皮，唔會太油膩，鴨肉都幾滑。

🌮烤鴨餅皮好好，薄身又煙韌，每一塊都有一張紙隔住，啲皮唔會痴埋一齊之餘，仲可以用隔住張紙托住塊皮送配料（你都可以用膠手套，個人唔鍾意）。

蜂蜜黃梅醬好清新，京醬較重口味，兩樣輪流食就最好！小菜方面，主要係淮揚菜，接近上海菜。

叫咗個黃魚雲吞湯，超鍾意飲魚湯，奶白色魚湯湯味濃郁，兩條魚仲會畀埋你食。

另外叫左個農家醬爆牛肉，有鑊氣，炒得好香，即刻叫咗碗飯。

螞蟻上樹都炒得好干身，味道唔錯。

最後仲食咗待應推薦嘅腰果露（唔記得影相）食得出係即磨腰果露，唔係溝粉，好好味，同埋好少地方有得食😋

古琴雅苑餐單提供京菜, 官府菜, 淮揚菜, 中菜館等推介美食位於灣仔區，餐廳座位數86人均消費約$101-200，結賬可以用Visa,Master,現金,AE,銀聯，Booking訂位可以電話致電 23510528 查詢。

您對於灣仔餐廳「古琴雅苑」有何 comment？

古琴雅苑餐廳詳細資料：

• 古琴雅苑地址:
  灣仔皇后大道東202號QREPlaza19樓
  Zither Garden, 19/ F, Q R E Plaza,202 Queens Road East, Wan Chai
• 古琴雅苑電話: 23510528
• 古琴雅苑價錢: $101-200
• 分類: 京菜, 官府菜, 淮揚菜, 中菜館
• 座位: 86
• 付款: Visa,Master,現金,AE,銀聯
• FB專頁: 古琴雅苑 Facebook

更多古琴雅苑相關資料:

• 古琴雅苑分店
• Youtube
• Facebook
• Twitter
• Google