印度餐廳 灣仔

印度餐廳 評價 相片

全條廈門街有唔少食肆，泰式、日式便當/餃子/定食/拉麵、川菜、印度菜、台式等等，就連比利時菜都有，真係一個星期都試唔哂!! 今次同事應我要求，去食印度咖哩。

其實自己一直都好中意食咖哩加薄餅，但又唔想去重慶大廈 (果度真係好雜)，咁岩又比我見到廈門街有印度店喎，梗係叫人陪我去架啦~~去到果陣岩岩好一點，店內只有幾枱客人，到底係唔好食定係無乜人知道呢度有野食呢?!我同同事兩個人各點左一個咖哩餐，另外加多一個蒜蓉薄餅。

午市套餐包湯同汽水，最平由$55起，係灣仔區黎講都算抵，而且仲要係印度人開既店，包正宗!職員好快送上餐湯個湯有D杰，個味有少少似蕃茄湯，但落左唔少調味料，好酸又好鹹，但我地兩個都麻麻地個湯；咖哩雞配飯 ($55)本身以為兩款咖哩汁會一樣，點知原來唔同，呢個稀D，用黎撈飯食比較合適。

咖哩味濃，香料多，但唔辣。

同事話似大家樂既唔辣版咖哩；雞件大概有四件，但每件都好鞋、又無味....咖哩魚配原味薄餅 ($55)咖哩魚原來加左椰漿去煮，所以比較杰身，適合配薄餅，掛汁多之餘又唔會令脆卜卜既薄餅即刻變淋；魚件係先炸後煮，所以炸魚已經淋哂；為左令魚唔好煮煮下爛開，炸粉就要更厚身，結果當然啖啖炸粉啦值得一讚既係，呢度既薄餅量比得幾慷慨，三大塊、脆卜卜、熱辣辣。

有D食店都有提供咖哩加薄餅，但佢地多數都用千層薄餅，即係類似台式手抓餅質地，食落非常油...但正宗既印度薄餅係烘出黎而唔係煎，所以較乾身、脆身、油分少好多，配咖哩都無咁溜蒜蓉薄餅 (+$12)呢個係全餐最好味，比原味更脆更香!!! 雖然加多左D蒜油，但食落一D都唔油膩，而且仲有陣淡蒜香，唔會太濃，岩岩好~~無論就咁食定配咖哩都好味結論，中意食正宗印度菜既人應該會中意，但我始終比較中意港式辣咖哩多，再配上印度薄餅就正啦~

印度餐廳餐單提供印度菜等推介美食位於灣仔區，餐廳座位數未知人均消費約$51-100，結賬可以用現金，Booking訂位可以電話致電 23826588 查詢。

您對於灣仔餐廳「印度餐廳」有何 comment？

印度餐廳餐廳詳細資料：

• 印度餐廳地址:
  灣仔廈門街7-17號百旺都中心1樓A室
  Rubab Utsav Restaurant & Bar, Unit A,1/ F, Hundred City Centre,7-17 Amoy Street, Wan Chai
• 印度餐廳電話: 23826588
• 印度餐廳價錢: $51-100
• 分類: 印度菜
• 座位: 未知
• 付款: 現金
• FB專頁: 印度餐廳 Facebook

更多印度餐廳相關資料:

• 印度餐廳分店
• Youtube
• Facebook
• Twitter
• Google