伊賀日本料理 灣仔

伊賀日本料理 評價 相片

八月十九‧晴與朋友流落在灣仔，什麼店也多人，朋友說試試這裡，也未嘗不可。

剛好壽司吧檯有兩個位，就順利坐下。

看著幾位件青師傅在忙碌的準備食物，見有其一次過整幾碗魚生飯的，看來也是熱賣項目。

不過我還是打回穩陣波，要個北海道帶子拉麵。

湯底奶白色，喝起來卻不是那回事，不太鮮甜，可幸味精也不算多，也夠熱。

麵幾彈牙，但纏作一團的，淥麵的偷了點懶。

帶子三粒，吃起來韌韌的，沒有什麼佳處。

雖然我這個拉麵幾港式，但比起我朋友的壽司定食，我還是寧願吃湯麵多一點。

埋單58蚊，幾平，就真的。

一連數天會展人流也不少, 只因有美食博覽關係, 但今次有賴朋友帶路, 可一到想了很久的香港國際美酒展, 會場由親民至上等的酒都可任試, 完場後帶有些微酒意, 也是吃一些東西來中和酒意的時候, 朋友已鎖定日本菜, 就由會展出發看看有什麼食店. 雖然大家都未曾來過這裡, 但看門面也算企理, 就試一試也無妨. 看了看餐牌就決定點選如下晚市四人套餐芒果蟹子沙律 蟹子滿滿的蓋上面, 吃落很有口感刺身船 三文魚, 墨魚, 油甘魚, 北寄背, 各樣食材算新鮮, 其中北寄背很爽口鮮甜, 比較出色四國卷 卷物分別用三文魚, 吞那魚等包上, 味道唔算突出軟殼蟹天婦羅 偏油串燒盛合 雞軟骨燒得唔乾有咬口, 牛舌雖比不上上次吃的, 但肉質幾滑, 已可收貪, 而同行朋友說雞翼很不錯和風一口牛 用洋蔥同炒, 味道很中式餃子鍋 湯底奶白色, 喝一口很濃豆味蟹籽炒飯 用上珍珠米, 配菜有蟹籽, 蛋, 三文魚, 飯粒炒得粒粒分明兼香口, 雖然已半飽, 但也吃不少甜品 雪米糍凍豆腐 豆腐不算很滑, 普通壽司拼盤 套餐中沒有壽司類, 就點了個拼盤來試試, 賣相普普通通, 但可幸還算新鮮獺祭 甜甜的, 易入口當已飲飽食醉, 侍應奉上的不是帳單, 而是一杯熱茶, 那份感覺有點兒窩心

位於謝斐道的日式小店，從不起眼。

而且沒有一位OR的食家寫過此店，因此雖在我公司附近，也沒嚐一試。

難得有機會一班同事一齊食飯，我就揸主意近近地來食一次。

十二點零鐘，未到中午的繁忙時間，只得三兩檯客。

霸了一張長檯，坐低慢慢睇食咩。

大家要我發板點菜，就Order一大堆食物齊齊share食。

有細刺身盤、牛油果三文魚卷、炸蝦卷、炸南瓜、炸蕃薯、野菜薄餅、雞肉炒麵、牛肉飯、九洲拉麵等。

刺身盤含甜蝦、三文魚、吞拿魚、立魚、八瓜魚、帶子等，每款兩件。

刺身大致鮮甜好味道，大家都滿意；炸物方面，炸南瓜、炸蕃薯都不會太多粉，起碼吃得到南瓜和蕃薯的爽口。

野菜薄餅只得四件，薄餅夠鬆脆，感覺不錯。

雞肉炒麵尤其出色，乾身，不會太油，但也不會冇厘味道。

雞肉亦入味、嫩口，最有驚喜。

牛肉飯醬汁味濃，加隻蛋更滑，牛肉則偏甜，也有水準。

沒試過那碗拉麵，但反應是湯底濃郁麵質對辦，相信應會合我本人的口味。

今日同媽媽成3點先食lunch,經過見到伊賀,望入去冇人仲以為落緊場坐門口的老闆娘叫揮手話仲有得食~入到去得我地一台客,有高高卡位幾舒適睇落好似新裝修~~睇見menu有個$198 business lunch, 去到兩點半問佢仲有冇好彩仲有~~食左:麵豉湯 + 牛油粟米 : 湯味略淡, 粟米上的牛油可能因為雪過所以變左鞋鞋地一粒粒汁燒牛仔骨 : 本身應該係大蔥雞卷, 但冇晒所以轉左牛仔骨俾我地, 牛仔骨有成6,7件, 件件都好大塊, 火喉不錯, 配七味粉食仲正!三文魚蟹子炒飯 : 一大驚喜~~~三文魚粒同蟹子份量都好多, 炒飯食落唔會成日油, 整體感覺幾彈牙, 好味~~牛肉窩 : 一上到黎果時飲左啖湯底, 好似冇乜味, 但牛肉好大塊~~ 件件肥牛~~都幾多塊下, 雖然兩味牛,但同牛仔骨風味不同, 唔覺膩. 牛下面用蔬菜墊底, 為呢餐帶返d纖維~~ 食到咁上下果時飲返d牛湯底, 可能浸過肥牛, 所以好味左好多~~結果食剩少少炒飯, 咁好味唔想浪費但真食太飽埋單時仲有雪mochi, 不過個藍莓味有d怪~~d侍應收野果時冇托盤~~搞到怪怪的.老闆娘幾好傾~~仲送左個小小計算機仔俾我地~

伊賀日本料理餐單提供日本菜等推介美食位於灣仔區，餐廳座位數未知人均消費約$51-100，結賬可以用現金。

您對於灣仔餐廳「伊賀日本料理」有何 comment？

伊賀日本料理餐廳詳細資料：

• 伊賀日本料理地址:
  灣仔謝斐道307-311號地下
  伊賀日本料理,  
• 伊賀日本料理電話:  
• 伊賀日本料理價錢: $51-100
• 分類: 日本菜
• 座位: 未知
• 付款: 現金
• FB專頁: 伊賀日本料理 Facebook

更多伊賀日本料理相關資料:

• 伊賀日本料理分店
• Youtube
• Facebook
• Twitter
• Google