一芳台灣水果茶 灣仔

一芳台灣水果茶 評價 相片

係哩段艱辛的時期難得出街，梗係要消費下刺激黃色經濟💰💰行過見到哩間一芳舖面咁靚就知一定要幫襯🐷.松柏嶺青茶 (L) $20台式飲料本身就偏甜，所以去邊間台式飲品店都一定會少甜少冰一芳名物水果茶係台灣飲過，今次就叫杯大的松柏嶺青茶，因為好驚台式茶飲好甜，所以叫左半糖少冰，點知都係覺得偏甜，有時都唔係好明點解台灣人飲咁甜🙈雖然甜左些少又凍左些少，但茶底濃郁唔澀，止渴甘甜，如果係三分糖走冰會更好🤪

平日我嚟到台灣最鍾意嘅飲品就係檸檬愛玉，奈何一直都搵唔到有台灣味道嘅檸檬愛玉，今日經開一芳見口淡淡，就決定叫杯試下，點知有驚喜❗️❗️❗️中華愛玉檸檬🍋 $29同平時香港嘅台式飲品店一樣，有得選擇甜度同冰度，健康嘅我就梗係揀少甜少冰啦講番杯野飲愛玉：份量一啲都唔失禮，大約佔咗三份一杯，口感好厚好夠，好QQ，出色檸檬🍋：檸檬味好夠，酸度啱啱好整體黎講好出色，第一次係香港飲到咁有台灣味道嘅愛玉檸檬🍋

行到灣仔口乾乾，終找一間位於灣仔軒尼斯道的良心台式茶飲店，就是一芳水果茶店。

這間店的特色是舖內貼滿了每位顧客心願的便利貼及不同的文宣，門前貼上良心驗証，懲罰得非常放心，多顧客光顧也是非常正常。

在茶飲品種琳瑯滿目的餐牌上最終找到一杯最適合我, 哈！就係依杯金峰洛神檸檬🍋，紅紅的洛神花有助降血脂抗衰老的養生食材，但洛神花的味道單調，通常配上酸梅汁或蘋果醋，一芳就配上台灣出產的綠皮檸檬帶回酸酸甜甜的台灣風味，味道清新，值得一試。

大甲芋頭鮮奶 $35 🥛🍠連主打水果茶既一芳前排都推出左芋頭鮮奶啦 仲要標榜用大甲芋頭整！作為芋頭控既小編梗係要即刻去試啦😝_其實本身對呢杯芋頭鮮奶冇乜expectation 因為一芳始終唔係做開呢範 但估唔到呢個有的驚喜呢！一攞到手 嘩！芋泥份量慷慨到‼️‼️差唔多成半杯都係芋泥呢😻 將佢同d奶撈埋 然後一飲...🤩🤩🤩 芋頭味意想不到地濃郁呢‼️‼️‼️ 而且同奶味平衡得唔錯～店員話芋泥本身帶甜 所以建議無糖～ 不過即使係無糖 小編都係覺得有啲偏甜🙈🙈 但還可接受 同埋幸好芋泥味道唔人工同埋幾濃郁 所以小編收貨😚 至於口感呢 芋泥入面藏有超多顆粒 多到有時會塞住條飲管😂 所以口感特別豐富！不過稍嫌啲顆粒硬左啲 如果可以熬得再綿身些少一定仲正！_雖然個人覺得都係milksha既芋頭奶勝出😛 但一芳勝在分店夠多 得閒經過買杯過下口癮都好開心好滿足🥰🥰🥰

粉圓鮮奶茶(微糖少冰)💰HK$8🍹純粹解癮本身叫微微糖，又怕太苦，最後叫微糖，甜度可以接受，整體無咩特別，鮮奶唔夠奶味，茶味唔夠出，成杯都覺得好淡咁。

粉圓夠煙韌，不過我鍾意大粒d, 太細粒好驚會哽親😹不過$8就唔咁多要求啦，過下珍奶癮就算一芳水果茶(微糖少冰)💰HK$33🍹消暑解渴之選透過杯身已經見到有好多真材實料既水果！第一啖飲落好甜，可能未攪勻，之後就覺得好refreshing! 材料主要係熱情果、橙、蘋果等等新鮮水果。

雖然水果料多，但唔會蓋過紅茶，茶味十足，而且同啲水果好夾！不過有個重要問題😹就係啲水果好大舊頂住哂，飲到一半就已經好難啜，要打開個蓋先食到

一芳台灣水果茶餐單提供台灣菜, 台式飲品, 果汁等推介美食位於灣仔區，餐廳座位數未知人均消費約$50以下，結賬可以用AlipayHK,支付寶,現金,八達通，Booking訂位可以電話致電 29557790 查詢。

您對於灣仔餐廳「一芳台灣水果茶」有何 comment？

一芳台灣水果茶餐廳詳細資料：

• 一芳台灣水果茶地址:
  灣仔軒尼詩道292號地舖
  Yifang Taiwan Fruit Tea, G/ F,292 Hennessy Road, Wan Chai
• 一芳台灣水果茶電話: 29557790
• 一芳台灣水果茶價錢: $50以下
• 分類: 台灣菜, 台式飲品, 果汁
• 座位: 未知
• 付款: AlipayHK,支付寶,現金,八達通
• FB專頁: 一芳台灣水果茶 Facebook

更多一芳台灣水果茶相關資料:

• 一芳台灣水果茶分店
• Youtube
• Facebook
• Twitter
• Google