一期一會日本料理 灣仔

一期一會日本料理 評價 相片

就算侍應皆後生靚仔靚女無黑面,"POOR SERVICE"二字已是最佳評語~離公司近,所以來過三次~第一次,初見其櫻花便當,驚為天人~ 尤其是便當內的切餅,真與外面十數元的無異~服務是有初開店的凌亂感,但未至差勁~ 畢竟侍應皆似供讀生,或許要時間適應運作~第二次,相隔不久,水準已下降~ 本想重溫令人傾心的便當,但甜品已變成美X西餅~服務,就是等了又等~ 添茶時手震, 一台人想要叉吃甜品(便當只配快子一雙,用沾滿咸食的快子夾西餅,爽!)要分成幾次來送, 侍應不知奉給客人的到底是什麼東東, 無口特性....這些已經見慣不怪~最近一次去, 已經是到了每個餐皆有其命數的地步~即是: 餐廳要個SET在客人ORDER後45分鐘才上,任客人三催四請,都不會改變~滿目可見,客人光坐在等食~ 上菜時間約20至45分鐘....迫客人在3分鐘內干掉食物再跑回公司~而且,已經全無服務可言~ 你的要求沒人會回應~以下摘錄餐廳內所受所見~ 看各位有沒有興趣浪費寶貴金錢和時間去體驗~ 客人:我等了半個鐘啦,請跟一跟單~侍應: 哦,好(眼見侍應聽完後做其他事情,5分鐘後,再招同一個侍應)客人: 你有跟單嗎?~侍應: ...要 埋 單嗎?請等等.客人有碟定食突然放到面前) 我要的是雞肉定食,這個像牛肉哦~侍應: ....(呆30秒)....我也不知道這是什麼侍應: (放下麵豉湯)客人: ....(已經吃完主食)侍應: (放下麵豉湯)客人: 已經有了~侍應: 無所謂啦侍應: XX拉麵~客人: 我們沒有點這個. 但還差一個AB定食~侍應: (10分鐘後) CD定食 這樣的服務質素,並非因為人手不足. 亦不似煮得慢,而是管理問題!~餐廳分幾個位置~ 樓面(傳菜),SUSHI巴(出菜處),廚房樓面十分忙亂,但不是ORDER太多,而是侍應只管在餐廳內無目的跑來跑去:拿了食物出去,卻會跑回去說忘了要送去哪, 又或食物有了,卻沒人知道該送哪一枱,放涼食物~ 又或根本不知道自己接下去要做什....沒固定職員結帳,有人埋單,樓面要自己去打單,那便少了一個人~出菜處卻經常見到閒置的員工,見很多客人要求服務,也不會出去幫忙~ 樓面問菜該傳那枱,也不清楚~午市已是如此,不妨再參考下面諸位的晚市經歷吧~

今日放工同同事去慶祝生日，非常掃興。

我地叫左壽司拼盤，出已經係好慢好慢，我當係用心製作所以慢，當係傾下計慢慢等。

等左成半小時終於出現......仲乜會同 menu 上有咁大分別既？咁多三文魚既？ d 帶子一粒都冇。

叫人黎睇佢地解釋話因為冇晒鮮帶子，轉左做三文魚。

加上最近好多鮮帶子食物中毒個案令佢地缺貨呢d 係乜野道理？我落單果陣你唔出聲？何況三文魚同帶子既價值好唔同喎.......海膽、墨魚、吞拿魚極不新鮮，一陣腥味............

其實我都係第一次寫食評~本來事發第二日已經上黎打食評~但見成個星期都仲末post到所以謂有再打多次啦因為呢間鋪實在太離譜啦~所以唔寫唔得上星期六(5月8日)係一年一次既母親節我同我既屋企人一行六人(5大1細)一齊上左呢間"一期一會"做節星期五晚我就已經打去book台~因為其他日本放題好多都已經full左記得在雜誌中見過呢間"一期一會"所以就上左去做白老鼠啦當日8:30我既細佬同佢老婆同BB到先~除後就到我同da & ma一齊到人齊~叫野~拎起D點野食紙我:下......無野下話~得四張紙咁少細佬:唔緊要啦~每樣點多D咪得囉ok~第一轉喎嘜都點D啦,刺身,壽司,串燒,天婦羅,小食9:00俾單~機本上果日可能母親節前~人比較多我星期五book台~都可以比張一睇就知加出黎既台比我~good ar唔知其它人幾時book台既呢????等左好耐~大約9:30豚肉炒雜菜~一人一注~食曬9:40串燒~A~我明明叫左好多串嫁~點解得６串咁少既~轉眼食曬細佬老婆野食咁少既.....不如再叫啦好再叫~因為之前D野都未到齊所以唔敢叫咁多啦9:50一名女員工行過黎話串燒會係10:00後會停所以又點多次野啦~再順手點下其它野先D野食都開始慢慢黎啦~但壽司,手卷從來末到過小丸子~~~中間凍既~凍既程度係中間完全係冰箱拎出黎末解凍果隻囉炸生豪~~~情況同小丸子一樣~但生豪始終係海產所以食落去係臭既刺身~~D甜蝦都末溶雪~又唔鮮甜天婦羅,薯條~~好食呀~夠熱牛油帶子~~過濃~所以苦既清酒煮蜆~~十幾個殼得４~５舊肉之前果３次都叫過既串燒雞翼到最後一隻都無黎過是關已經過左10:00亦都問左D員工佢地都話無所以非常失望亦都開始嬲嬲地啦當時我就問果位男員工我地叫D壽司同刺身呢我地9:00以經叫既壽司同刺身因為漏單既關係最終只係黎左一碟唔齊野既刺身而果名男員工都好識做~同我地講本身我地係$198一位既~依加收我地$168啦ok~再食啦~其實呢個時候屋企人都巳經好嬲啦最後黎左碟壽司屋企人食左個鰻魚壽司一口~發現D鰻魚既口感完全似橡跟始時我的爸爸開始嬲到不可接受向一名男員工大鬧~講真我都真係從來未見過我爸爸在街上食飯食到鬧人既可想而知有幾"好食"啦呢度D食物亦都唔知點解到最後我地一家六口係唔洗錢食到呢餐飯中間發生嘜野事我唔再多講啦我只知道食完呢餐之後仲要再去第二度食野囉但我地走既時後~果名男員工既服務態度都好好~直得讚既總括呢講呢間食店只係漏單(情況非常嚴重)~食物黎得慢(放題黎嫁)~D野食麻麻地之外都無嘜特別

原本諗住可以開開心心咁慶祝母親節...但係走既時候竟然係成肚氣而唔係食物...我地既情況同上一篇食評一樣...日期又係一樣...但係時間唔同 !!我地係book左8點半...其實都覺得好奇怪,,竟然有位!!我地選呢間放題既原因係為左方便老人家...佢地住係附近,費事去咁遠,,同埋我睇過下面有d食評都唔算太差,咁就膽粗粗試下...點知就出左事喇!!8點半上到去都幾full,個心即刻定哂..諗住冇死啦.點知我地原來係最後入座既一台.坐低左就開始叫野食,佢有兩個價錢選擇一個係168一個係198 , 198就多左d其他野可以叫,但其實都唔係d好特別既野食,不過都冇乜所謂!大家都肚餓喇,又有小朋友,咁就拿拿臨落單...等左3個字,黎左d野飲先...再等多3個字黎左碟應該係野菜豚肉既野...跟住又再等等等...黎左碟刺身...等左一個中先食左以上三樣野...大人等得,小朋友都等唔到啦,唯有催下佢,,佢話會幫我地跟...跟住陸陸續續都係黎d串燒..同埋炸野...壽司竟然一舊都冇黎過...我地再催...佢話會再幫我地跟...我地想食既燒雞亦一隻都冇黎過...我地問佢既時候,佢同我地講串燒10點中就暫停...成台人即刻呆左...有冇搞錯,有冇都講聲吖...我地使唔使比200蚊黎食你d炸餃子,炸八爪魚丸呀??熱食既選擇又唔多...刺身既選擇就更加嚇你一跳...d吉列炸毫個心係凍既...八爪魚丸都係一樣...最於都冇再等...係個半中就係食左d咁既野...一定唔會再有下次...唯一值得讚既就係, 有個類似店長既男仔,服務態度好好...

為左唔想星期一要返早工的媽媽辛苦,我地一家四口選擇星期六夜晚慶祝母親節。

原來book左尖咀燒魂一,但係唔包野飲；book左中環熊本,但又因為好唔就腳所以都係唔去。

最後我星期6睇飲食男女,見到一期一會個白色招牌好靚,好似好pro咁,試下打去訂位,點知竟然仲有位。

因為其他日本放題,好似五月花,青葉,郎田等等都已經full左,呢間竟然未full!其實次次我去食放題/自助餐之前一定會上OPENRICE及下,今次因為即日訂位無得上網就「那」野啦>__<"仲要「那」得好甘添!首先我訂位訂左6:00,但係果日我地全家人早到左,大約5:40就到,所以問下可唔可以上去先,佢話OK,咁我地就上去坐,個位好好,係窗邊,但最弊係竟然未開冷氣,d窗又開左,本身星期6已經好熱,諗住早d上去係嘆冷氣....不過人地存開始,唔開冷氣都有原因!所以我地都無出聲~淨係睇定有d咩野食揀先。

跟住6:00,佢地開冷氣啦,點知個冷氣勁凍! 凍到我同我家姐結冰咁濟。

仲要間餐廳直到6點幾7點鐘先有另一d客人黎,所以凍上加凍凍凍凍凍凍凍凍凍,我亦到愈坐愈心寒,因為間野我揀架嘛,仲要無客人黎! 真係好擔心~~~上次我介紹屋企人去佐敦另一間日式放題,果間真係好好食,屋企人仲讚我揀得好,但今次呢間真係令我名譽掃地!我地6:00已經俾單,叫左刺身,每款叫左8件左右啦,點知呢,去到成6點半定唔知6點40分先至有刺身上桌! 據我所見, 個刺身/壽司部師傅,同埋一個好似負責洗碗既金毛仔,係不斷係度傾計既,而且仲洗得好求其添。

我見唔到個師傅,但見到個洗碗仔成日同左邊方向傾計,應該就係個師傅...d侍應都有解釋係因為今日得1位師傅,所以會慢d...其實係好慢好慢至真!我食過好多間放題,真係第一次中招中得咁應! 放題既速度真係好重要! 你入到去係預左已經每人要俾百幾二百蚊,你愈等再代表你愈蝕啦,所以一度等一度心情超差!!! 母親節黎架大佬! 傾少陣計切快d啦! 仲要我地叫吞拿魚...佢「梅」到勁難食..入口林BAT BAT，仲要切到成pat野咁,好似食完再吐返出黎..真係好誇張!!><但係其他刺身都好好食, 三文魚好肥(我覺得有點太油),烏貝(?)好爽口,我地叫左好多^^,墨魚都係好爽口,幾好味~有一隻好特別既,好似叫白玉豚?(唔記得@@)~呢隻都好好味~類似三文魚的口感~之後再叫壽司..叫左帆立貝同鰻魚....我第1次食白色帆立貝係完全無鮮味架Q__Q真係好想喊~因為我地叫左4件,我食先,之後食到無晒表情,都唔敢話好唔好食!平時我一食完一定會話..嗯!好味~或者嗯!唔錯~但今次我完全連個「ok」都講唔出口..因為真係好乾身! 無味! 壽司飯一夾就散! 唔店呀!! 暖架件壽司!!!! >___<彈完之後又再讚返先~成間店有一個好值得讚賞既哥哥仔~佢係玻璃後面既廚房負責整串燒~我由6:00開始就見佢一直默默咁燒,無傾過計,真係好勤力!而且d串燒真係好好食! 因為好多日式放題都係衰在串燒上~~但係呢間串燒真係好味!我食左好多串鴨腎 ^^""" ~~鹽燒雞翼好好味~皮脆肉嫩~~我爸爸好欣賞秋刀魚~~另外雞軟骨都好食!熟食方面~有個黃金青口唔錯!^^~網燒牛扒都唔錯~至於牛肉鍋...湯底太普通~算係咁,但d牛肉幾唔好食。

。

全日最好味既係「清酒煮蜆」！如果有人唔好彩入左去,又食到一肚火,食呢個真係會下晒火^^~~因為真係堅好味~~個湯超好飲!! 一定要點呀^^~~~最後...奉勸大家唔好點汽水..要點檸茶/檸水/奶茶...因為d汽水好稀,明顯溝左水,仲要無咩汽~真係正到無人有 ~無汽可樂雖然間野既食物令到我唔會再去,但真係要讚餐廳的侍應生的態度都好好,雖然全部都係好後生的女孩/男孩~~但係女孩子的態度好好~^^ 我媽媽中途食到好生氣, 因為花之戀壽司由6:00點到我地就走得都未到~~忍唔住好惡咁講左幾句~~但佢都好好笑容,次次走埋黎都同我媽咪講野,想佢下火咁~~我覺得佢服務態度好好 =] 抵讚丫~

您對於灣仔餐廳「一期一會日本料理」有何comment？

一期一會日本料理餐廳詳細資料：

• 一期一會日本料理地址:
  灣仔軒尼詩道99號1樓
  The Moment Japanese Restaurant, 1/ F,99 Hennessy Road, Wan Chai
• 一期一會日本料理電話:  
• 一期一會日本料理價錢: $101-200
• 分類: 日本菜,拉麵,壽司,刺身,烏冬,
• 座位: 90
• 付款: Visa,Master,現金,銀聯
• FB專頁: 一期一會日本料理 Facebook

更多一期一會日本料理相關資料:

• 一期一會日本料理分店
• Youtube
• Facebook
• Twitter
• Google