Planet Foody (香港藝術中心) 灣仔

Planet Foody (香港藝術中心) 評價 相片

哩間在灣仔香港藝術中心開的餐廳，其實係一間廚房，只做外賣。

但唔好睇少，佢一間鋪有台灣菜、日式丼飯、意大利粉、西餐等等，真係可以話係一個迷你food court。

但好惜，下筆之際收到佢已經結業的消息，可惜！滑蛋吉列豬扒丼今次我食滑蛋吉列豬扒丼，用food panda 叫重有折，講緊50幾蚊就有一個飯跟湯同野飲！滑蛋雖然稍咸，但配上調味淡的吉列豬扒反而好夾好惹味。

好多出面日本餐廳反而時咸時淡唔穩定。

唯一要挑剔就係餐廳為左加快出餐，會加熱外賣，令豬扒較腍身。

飲品可以揀雀巢奶茶，你話性價比係咪好高！希望佢可以再來灣仔開分店啦！餐廳：Planet Foody (香港藝術中心)地址：灣仔港灣道2號香港藝術中心4樓408號舖 Address：Shop 408, 4/F, Hong Kong Arts Centre, 2 Harbour Road, Wan Chai

見到佢有個牌寫著外賣試左個下午茶，雞翼加磨菇飯，有枝解茶Total $50價錢都算okay雞翼幾有驚喜，好脆又入味舖頭出面有檯有凳可以食嘢外賣盒係紙質地，餐具係木，望落都唔覺得太差坐窗邊仲可以望海景🫢

今日去灣仔藝術中心行吓，喺樓下見到有人派傳單知道4樓開咗間新餐廳，上到去見到雖然佢好似只係做外賣，但係佢可以喺3樓同4樓進食，大約有三十多個個位，最正係望住嘅海景同君悅一樣，簡直五星級嘅環境，食物亦都有返咁上下嘅質素，選擇亦都夠，仲有午餐同下午茶，超值，我今次嗌咗個台灣腸滷肉飯便當，隻流心蛋好夠流，滷肉夠味，台灣腸脆皮，連埋個配菜小黃瓜都好好味，值得推介下次嚟開灣仔，我都會再嚟呢個隱世餐廳食lunch。

去香港藝術中心睇展，走嗰陣好肚餓，決定就地解決，地下有間coffee shop，上面有JAJA，但最後揀左呢間只能外賣嘅Planet Foody。

雖然話就話外賣，但其實出面有位置可以食，個view仲好好有得望海🌊叫左兩個lunch set，每位承惠$78，有飯有湯有飲品，價錢唔算貴👍🏻粟米洋蔥湯真係好出色，好好味！以前最鍾意飲mos burger嘅粟米湯，鍾意佢夠味，但而家都越嚟越稀了。

呢間嘅粟米湯係mos burger升級版，mos burger都feel到佢係用粉沖，但呢個我會有啲懷疑係咪自己煲㗎嗰種，質地夠厚，好鍾意😍日式牛肉蓋飯相對就唔係我杯茶，全碗都係涼的，應該係專登，但我都係比較鍾意熱辣辣嘅飯。

牛肉飯個汁係柚子汁，唔錯，但唔鍾意酸就唔好試了。

另一個叫左泰式青咖喱炸雞球飯，呢個好食！個汁夠味同夠多，少辣同埋重味，重口味嘅可以試下。

炸雞加左汁就唔脆㗎啦，所以唔好要求個皮脆啦，但肉質係okay的🤪總括嚟講，食物唔錯，而且可以遠眺埋海景，cp值高左👍🏻 如果經開香港藝術中心睇展，又或者去完會展，都不妨嚟呢度一試☺️

Planet Foody (香港藝術中心)餐單提供多國菜等推介美食位於灣仔區，餐廳座位數未知人均消費約$51-100，結賬可以用現金。

您對於灣仔餐廳「Planet Foody (香港藝術中心)」有何 comment？

Planet Foody (香港藝術中心)餐廳詳細資料：

• Planet Foody (香港藝術中心)地址:
  灣仔港灣道2號香港藝術中心4樓408號舖
  Planet Foody (香港藝術中心), Shop408,4/ F, Hong Kong Arts Centre,2 Harbour Road, Wan Chai
• Planet Foody (香港藝術中心)電話:  
• Planet Foody (香港藝術中心)價錢: $51-100
• 分類: 多國菜
• 座位: 未知
• 付款: 現金
• FB專頁: Planet Foody (香港藝術中心) Facebook

更多Planet Foody (香港藝術中心)相關資料:

• Planet Foody (香港藝術中心)分店
• Youtube
• Facebook
• Twitter
• Google