Osteria Marzia 灣仔

Osteria Marzia 評價 相片

一向甚少走入灣仔的一段謝斐道，除了告士打道商業大廈的後門停車場入口之外，僅有的地舖也只是茶餐廳或者雜貨小店。

某日偶然經過與菲林明道交界的路口，才發現原來有一間意大利餐廳。

從落地玻璃向內窺看，裝修吸引、又坐滿了客人，決定搵日試試。

坐言起行，上個星期就去訂枱，今個星期日六點準時到達。

「Osteria Marzia」位於一間外觀毫不起眼的酒店地舖，酒店雖然已有多年歷史，但似乎係由舊樓改建而成。

早幾年內部大翻新，蛻變成精品酒店，內部裝修非常有品味，與殘夠的外觀相映成趣。

以為「Osteria Marzia」係酒店附屬餐廳，原來冇任何關係。

Osteria 係意大利文，卻同 Ristorante 有所不同；後者通常指檔次較高的正規餐廳，前者則是帶有家庭風味、氣氛熱鬧的小酒館。

在意大利的每一個大小城市，Osteria 比比皆是，在香港則比較少有。

就以「Osteria Marzia」 為例，樓底高、裝修有品味，其實更似一間高級 Ristorante；這種風格卻迎合香港市場，正宗意大利菜不是應該在高級餐廳嗎？始終以小酒館定位，裝修風格依然有小酒館風情，但就換上講究建材及增添了典雅風味，例如皮疏化、昏黃舒適的燈光設計、兩層高的樓底；但同時保留了小酒館的熱鬧氣氛。

加上體貼但又充滿家庭feel嘅熱情服務態度，由介紹菜式、到斟酒、加水、上菜、以致換碟，整體糅合了高級餐廳及小酒館的特色，實在好難挑剔！一推開餐廳門口，映入眼簾就是一個小酒吧、及放在碎冰槽上的多款鮮魚，旁邊的小黑板就用粉筆寫上了價錢，起初以為係進口海鮮；趁著風趣幽默的經理介紹餐牌上的各款菜式，一問之下才知道各款鮮魚由本地魚市場採購。

事實上，海鮮以新鮮為大，外國進口經過長時間冰鮮處理，未必一定能夠保持鮮味；所以，一直認同除了個別本地沒有出產、或者味道非常出色的特定海鮮之外，本地出產的海鮮毫不遜色，最低限度一定係是日魚鮮。

講返菜式，小酒館冇 Parma Ham、冇 Florentina Steak，以海鮮為主打，亦會因應唔同季節推出時令菜式。

餐牌全部係意大利文。

頭盤有生有熟。

主菜就以意大利麵及海鮮為主，不過並非每款意大利麵皆是自家每日新鮮即製，部份選用採購自意大利出產的優質乾麵條。

重點推介係濃魚湯海鮮熱鍋及烤魚，就是一入餐廳門口所見到的冰槽上的鮮魚；共有五款不同的烤魚烹調方法，客人可按個人口味喜好選擇。

Bread and Anchovy並非普通白麵包，而是用坑紋爐烤烘至有一點點焦香；所以沒有跟從意大利傳統配橄欖油及黑醋，而是配上更合適的無鹽軟牛油，可帶出麵包香氣。

小酒館當然會奉上鹽醃醋漬鯷魚。

小編也是第一次品嚐意大利鹹魚，極鹹的鹽醋浸漬完全蓋過鯷魚的重腥味。

第一啖一口食了半條，太鹹，受不了！第二啖就用少少放在麵包上當作調味，都幾特別。

由前菜開始，餐碟已經非常特別，海藍色底色加上魚圖案，充滿地中海特色；既貫徹餐廳的海鮮主題，亦配合意大利的地理位置。

原來所有餐碟皆從意大利訂製，而且隻隻手繪，即使圖案相同，每隻皆有差異。

估唔到意大利菜都有Amuse bouche。

今日嘅開胃前菜就係 mozzarella 配蕃茄。

雖然唔係迷你車厘茄，但係夠多水份、又唔會太酸。

mozzarella有一絲絲纖維，將半固態的芝士包裹成一個球狀。

味道清淡、口感柔軟而沒有過濃鹹香，同蕃茄很匹配，不會相互搶奪味道。

食海鮮，西餐一定會配白酒。

是日 house wine Bianco Regaleali ($98) 酸度低、味都算清淡，很易入口，唔識飲酒的人都可以淺嘗。

七款頭款雖然有生有熟，但全部都係海鮮。

餐廳經理推薦Hamachi with cherry tomato, olive and basil ($248)。

油甘（鰤）肉質幼滑、入口帶少少結實爽口，油脂豐富。

日式刺身配醬油，意式就配橄欖油及羅勒提升香味，兩種食法各有特色。

外國人口味總喜歡加入蕃茄及沙律菜配生吃海鮮，小編覺得一般；但油甘（鰤）確實新鮮美味。

下一道是夏季時令菜式 Zucchine Trombetta with grilled baby squid ($268)。

主角是意大利產青瓜，炎夏正好當造；烤魷魚仔只好淪為配角。

意大利產青瓜並不同中國青瓜，反而更似翠玉瓜，同樣係味道清甜、爽口中帶軟身。

餐廳以海鮮為主打，烤魷魚仔貫徹以鹽漬鯷魚碎調味，清甜爽脆的意大利青瓜正好中和偏重口味的鹹鮮，加上煮成蓉的青瓜醬汁，味道複雜。

唔經唔覺已經晚上七點，全間餐廳已經接近滿座。

接著就是主食Spaghetti Pistacchio di Bronte and Silician Anchovy ($248)，侍應換上已經預熱的餐碟，果然有高級餐廳應有的細心！綠色醬汁並非來自香草，而是產自意大利西西里島小鎮Bronte 的開心果。

果仁香氣加上的鹽漬鯷魚的鹹香，打破了小編對於意大利麵只有蕃茄醬汁及芝士忌廉醬汁的框框，味道濃郁。

最後是全晚高潮 Saltbaked Seabass ($638)。

餐廳提供了五種不同烹調方法，但小編始終認為西式烹調原條鮮魚首選鹽焗，既保持魚的鮮味，又可同時調味。

由上菜一刻開始已經係享受，先來一個視覺震撼。

鹽焗烤魚需要用厚厚一層海鹽密密封堵整條鮮魚，所以，餐廳經理推出餐車時，只看到一塊結實的鹽磚。

然後，表演開始。

用上 69% 酒精含量的朗姆酒(rum)、點火、淋在鹽磚上；趁著熊熊火光尚未熄滅，用大匙羹敲碎鹽磚，露出海鱸魚真面目。

原來魚皮表面還舖上了幾片檸檬，藉烤魚時的熱力逼出檸檬汁，僻走魚腥。

之後，餐廳經理將整條海鱸搬到碟上，然後揭起魚皮、起肉拆骨。

入口就是魚肉鮮味及最簡單原始的海鹽調味，魚汁魚油由於被鹽磚完全封堵，得以徹底保留；同時又滲著淡淡檸檬清香，好吃！餐廳自家製作的 Gelato ($98) ，每星期轉口味，今日係雲呢拿。

Gelato 出名低脂肪、少空氣，所以口感特別軟綿，也不一定用傳統球狀形態奉客，但好似這樣直接呈一糰糊狀就比較少見。

淡黃色的雲呢拿沒有加入任何調色劑，純天然風味；甜度適中、雲呢拿香味濃郁，加上少少開心果碎，風味絕佳。

最後以意大利傳統曲奇小食Bruttiboni 結束這頓晚餐。

Bruttiboni 別名 Brutti ma Buoni，中文可以解作「很醜但很溫柔」，顧名思義；賣相唔好，但好好食。

咬下去充滿杏仁香氣，口感有一點似軟曲奇，有少少煙韌；蛋白曲奇中心軟餡係同樣採用杏仁製作的果醬，每一啖都係杏仁香甜。

果然真係「很醜，但好好食」！今晚的每一道菜式皆用上意大利出產的時令食材，配合本地出產的海鮮聯合炮製，充分體現廚師的烹調技巧。

另外，又與以往品嚐過嘅意大利菜式完全不同，充滿家庭小館風味。

難怪餐廳即使僻於內街，依然座無虛席，確實值得一試。

灣仔菲林明道一間酒店樓下有間好有歐陸色彩嘅西餐廳，成日經過都見到唔少外國人係呢度食下嘢聚下，幾啱見客或者聚會，今日就趁lunch time嚟試下，呢度lunch set有前菜同主菜，咖啡茶雪糕就要額外加錢。

比較特別嘅係呢度嘅餐牌可以揀daily pasta甚至catch of the day，感覺菜式比較時令啲，可以試到限定嘅pasta或者當日最新鮮嘅魚類。

我自己就幾鍾意呢度嘅環境，比較放鬆，而且啲碟好colourful，有種地中海嘅渡假感覺餐前麵包附送嘅麵包有驚喜😋係個燒爐度grill到麵包脆卜卜有坑紋，食落有陣好香嘅煙燻味，搽少少salted butter就啱晒，不過另外嘅醃鯷魚超級鹹，不太建議🤣Daily Soup餐湯係蘑菇湯，大大碗，面頭有啲脆麵包粒同橄欖油，蘑菇味香濃，只係質地比較滑身，我自己偏好打到杰身仲食到磨菇粒個種。

Daily PastaDaily pasta用咗呢度手造嘅意粉，比較粗身，食落有麵粉香而且好煙靭，配料有唔少海鮮，仲用咗少少蕃茄一齊煮吊味，海鮮幾新鮮，不過醬汁偏鹹😅Catch of the Day呢個最好食，雖然已經唔記得係咩魚，不過質素非常好，好新鮮，魚肉極度嫩滑又唔腥，配上嘅蕃茄醬汁都係偏鹹😅建議撇走啲醬汁先食。

Linguine Alle Vongole (clam, parsley, chilli)扁意粉可以揀硬啲或者軟啲，我哋揀咗硬啲，質感比起al dente更硬，不過都可以接受。

蜆有約6隻幾新鮮，醬汁帶香草香味不過都係一貫地鹹😅人均消費：$260推介指數（10分為滿分）：7分

Black Sheep Restaurant 𣄃下的意大利餐廳，靈感來自意大利沿海地區，啲碟色彩好靚，好有活潑的感覺，菜式亦加入好多海鮮的元素。

今次就趁Black Series 試試佢哋的特色食物😝🔸Minestrone Soup 意大利雜菜湯🥦🌽想像中嘅雜菜湯係橙紅色🤣今次係一片綠色，雜菜份量好多，不過好重Basil味，食唔慣嘅人應該會唔鍾意🤔🔸Hokkaido Scallops 北海道鮮帶子😋值得加錢的前菜😋帶子切成薄片，十分鮮甜，加上葡萄柚粒、青檸汁、西柚汁，特別開胃😋🔸意式盲曹🐟🍅魚質好滑，不過有少少腥味，配上蕃茄汁，都好醒胃。

配料仲有北海道大蜆，不過都比較細隻，而且有沙🙈🔸Tagliatelle 虎蝦扁意粉🍝🦐個人覺得呢個意粉唔錯，醬汁又係用車厘茄煮成，酸酸甜甜帶有蝦香味。

意粉口感比較硬身，唔知係咪餐廳嘅特色呢，不過個人覺得都OK！🔸Gelato 意式雪糕🍦濃郁的朱古力味，好大杯😛

在網上搜到這個餐廳，看到食評還不錯。

訂了位置前往。

餐廳在一個不易找到的小道拐角，周邊環境一般。

午餐兩人點了四道菜，味道不過不失，沒有特別驚喜。

服務員當你還在食最後的面包時就將所有餐具收走餐叉勺直接放在桌面上，有讓人稍稍擔心衛生問題，全程無濕巾或餐巾供應。

菜色偏家庭式料理，份量小总体價錢偏貴。

這個世界信息大爆炸，需要不斷一次次嘗試，先可以甄别出來什麼是真正的真，什麼是看上去真。

總體而言，試過今次已經足夠。

Friday date night dinner. Resturant had nice decoration and ambiance.Food all tasted really good but portion was on the small side and would need to order a pasta if you are looking to have a hearty meal.The highlight was definitely the Crispy Amadai which is not on the menu and need to ask the server if it was available.We left feeling not completely full but our tastebuds were satisfied 😋

Osteria Marzia餐單提供意大利菜, 西式, 海鮮等推介美食位於灣仔區，餐廳座位數未知人均消費約$801以上，結賬可以用Visa,Master,現金,AE,銀聯，Booking訂位可以電話致電 36072253 查詢。

您對於灣仔餐廳「Osteria Marzia」有何 comment？

Osteria Marzia餐廳詳細資料：

• Osteria Marzia地址:
  灣仔菲林明道41號芬名酒店地舖
  Osteria Marzia, G/ F, The Fleming,41 Fleming Road, Wan Chai
• Osteria Marzia電話: 36072253
• Osteria Marzia價錢: $801以上
• 分類: 意大利菜, 西式, 海鮮
• 座位: 未知
• 付款: Visa,Master,現金,AE,銀聯
• FB專頁: Osteria Marzia Facebook

更多Osteria Marzia相關資料:

• Osteria Marzia分店
• Youtube
• Facebook
• Twitter
• Google