麵屋丸京 深水埗
地址: 深水埗荔枝角道319號地舖
最後更新:
麵屋丸京推介
喺深水埗返工嘅好處，就係可以不停試到好多唔同嘅餐廳，喺荔枝角道都有幾間受歡迎小店周不時有人排隊等候，不過我仍然係鍾意試吓新嘢，最近就發現喺呢條街靜悄悄地開咗一間新嘅拉麵店，門外仲貼住試業中，所以今日lunch就選擇嚟試吓正唔正宗。而家因為疫情，只有午市供應，所以新店都不忘推出午市優惠，吸引食客。餐牌就只有簡單的一頁紙，反轉就係日文版本。餐牌上見到呢度嘅叉燒有兩款，分別係「叉燒」同「真叉燒」，叉燒就成日見啦，但係究竟咩叫「真叉燒」？乜叉燒都有假嘅叉燒咩？咁我當然會舉手發問啦！一問之下，原來「真叉燒」即係用慢煮方法製成嘅叉燒，外表睇落肉質較鮮嫩呈粉紅色，食落比較嫩滑，而「叉燒」就係平時食開嘅口感，帶少許燶邊焦香。我就一向比較貪心啲，所以就揀咗要濃湯丸京拉麵，每碗拉麵都包含咗有蛋同埋筍，而丸京拉麵就有「叉燒」和「真叉燒」各三片，豬骨湯底味非常濃郁，仲加入咗豬背脂，所以成個湯底好有質感，香而不鹹，我都非常欣賞！蛋屬於溏心蛋，唔會過熟，非常可口。朋友就揀咗要清湯極上拉麵，同樣地配有蛋同筍，極上拉麵就有六片叉燒。清湯望落就比較清澈，但係味道亦不會清淡，而係香而不濃，加入大量蔥花就更加襯托得出清湯嘅鮮味。總括而言，呢度嘅拉麵無論係麵底定係叉燒都分量十足，我覺得$100以內又唔需要加一服務費，以呢個食物同服務質素而言，絕對值得推介！
深水埗麵屋丸京
| 餐廳分店 | 麵屋丸京 |
|---|---|
| 地區 | 深水埗 |
| 電話訂位 | 53942928 |
| 餐單 Menu | 日本菜, 拉麵 |
| 人氣指數 | 972 |
| 價錢幾錢 | $51-100 |
麵屋丸京訂位位於深水埗區，詳細地址是深水埗荔枝角道319號地舖，餐廳寬敞座位數目共有未知幾多個。麵屋丸京幾錢？價錢優惠後人均消費大約$51-100埋單，早餐午餐晚餐麵屋丸京餐單包括有日本菜, 拉麵等美食，付款方式有現金付款，Booking網上訂位可以電話致電 53942928 查詢訂座。
麵屋丸京優惠
麵屋丸京 評價 相片
喺深水埗返工嘅好處，就係可以不停試到好多唔同嘅餐廳，喺荔枝角道都有幾間受歡迎小店周不時有人排隊等候，不過我仍然係鍾意試吓新嘢，最近就發現喺呢條街靜悄悄地開咗一間新嘅拉麵店，門外仲貼住試業中，所以今日lunch就選擇嚟試吓正唔正宗。
而家因為疫情，只有午市供應，所以新店都不忘推出午市優惠，吸引食客。
餐牌就只有簡單的一頁紙，反轉就係日文版本。
餐牌上見到呢度嘅叉燒有兩款，分別係「叉燒」同「真叉燒」，叉燒就成日見啦，但係究竟咩叫「真叉燒」？乜叉燒都有假嘅叉燒咩？咁我當然會舉手發問啦！一問之下，原來「真叉燒」即係用慢煮方法製成嘅叉燒，外表睇落肉質較鮮嫩呈粉紅色，食落比較嫩滑，而「叉燒」就係平時食開嘅口感，帶少許燶邊焦香。
我就一向比較貪心啲，所以就揀咗要濃湯丸京拉麵，每碗拉麵都包含咗有蛋同埋筍，而丸京拉麵就有「叉燒」和「真叉燒」各三片，豬骨湯底味非常濃郁，仲加入咗豬背脂，所以成個湯底好有質感，香而不鹹，我都非常欣賞！蛋屬於溏心蛋，唔會過熟，非常可口。
朋友就揀咗要清湯極上拉麵，同樣地配有蛋同筍，極上拉麵就有六片叉燒。
清湯望落就比較清澈，但係味道亦不會清淡，而係香而不濃，加入大量蔥花就更加襯托得出清湯嘅鮮味。
總括而言，呢度嘅拉麵無論係麵底定係叉燒都分量十足，我覺得$100以內又唔需要加一服務費，以呢個食物同服務質素而言，絕對值得推介！
自從夜晚冇咗堂食之後都好煩惱今日或者之後要去邊度食野不過喺Instagram發現到好西之後今日就去試吓話說呢一間麵屋丸京之前已經久仰大名❤️見時間仲尚可 即係同男朋友快啲嚟試吓🙊☺呢間分店係佢哋新開 所以裝修都好日式乾淨整潔入到去好有和式風味 店員嘅服務態度非常好❤️我哋問咗幾個問題都一一解答我哋兩個都叫咗丸京拉麵💕男朋友就要左濃湯 我自己就要清湯而我哋為咗令到湯頭更加甜 所以都加咗粟米💕👍令到我哋眼前一亮嘅係佢哋嘅擺盤佢哋將慢煮嘅叉燒滿佈係成個碗面上面中間就有筍粟米蔥花同埋半熟玉子🤪我首先自己試咗佢哋嘅清湯頭非常之香 而且入口清甜!!超級正 如果有滿分會比滿分特別而家天氣凍 飲完好warm ❤️麵質爽彈 超級彈牙 有小小鹼水味 但拉麵都有蛋香👍叉燒佢哋用慢煮呢個方法真係非常好, 慢慢一層非常滑嫩 配合熱湯 勁好,而且鍾意佢既半熟玉子😎我試埋男朋友既濃湯!!! omg 加埋粟米真係不得了 ,濃厚既湯底好滿足🤤鍾意濃味既朋友一定唔可以miss 另外我哋叫咗佢嘅自家製餃子首先價錢真係唔貴😎咁正嘅係完全唔覺得油膩一咬落去有汁 外面脆我自己一向就好鍾意飲烏龍茶❤️用黎解膩男朋友就要左佢哋嘅三箭梳打 玻璃樽好重用黎夾拉麵都好match 呢間回頭指數好高💗
十一月頭食晏行經荔枝角道已經等緊「麵屋丸京」開張，到咗十二月佢終於唔係裝修緊。
我哋喺門口睇緊有乜食之際，店員就出嚟叫我哋試下☺️，今時今日咁嘅服務先得㗎嘛。
餐廳環境光光猛猛，雖然面積唔大，但細細張餐枱一應俱全，有齊調味料、餐具、紙巾同大大壺超冰涼凍水👍。
拉麵有幾款選擇，主要係叉燒拉麵，而期間限定嘅丸雞拉麵就用上炸雞扒🐔。
同時，湯底有得揀，包括濃湯、清湯、黑蒜油湯以及醬油蝦湯。
不過留意番依度無得揀麵嘅軟硬度。
價錢中規中矩啦，不過食得飽！由於我同同事都覺得拉麵配叉燒夾啲，所以大家都要咗招牌丸京拉麵🍜($108)。
拉麵造型吸引，而且超級澎湃，因為勁多片大大塊叉燒鋪面！配料有三塊叉燒、三塊真叉燒、蛋同筍。
我嗰碗湯底要咗醬油蝦湯🦐，除咗面頭放上大量櫻花蝦，湯底本身亦帶有蝦香，兼且味道濃郁，而且食完冇口乾，證明冇味精！我嗰碗加咗紫菜，$10有成五、六塊，即使兩碗同款拉麵，造型都因紫菜有啲唔同。
同事就要咗黑蒜油湯底，我飲咗啖，感覺都唔係好勁蒜味，算幾易入口😬。
另一邊箱，隻溏心蛋亦都好味道🥚。
拉麵份量多，軟硬度同粗幼度均屬正常水平✅。
講完拉麵同湯底之後，就不得不提丸京嘅叉燒！🐷叉燒食得多，但呢度有分兩種，真叉燒係指以慢煮方式所製成嘅叉燒，肉身呈粉紅色，肉質嫩得嚟又帶點彈性。
另一款係普通叉燒，外邊啡啡哋，好易分辨兩種。
呢款就無乜特別，係一般食到嗰啲，不過食落都唔易散🐽。
大阪燒風味餃子($42)，🥟餃子一客有五隻，店員話啲餃子唔係買現貨，而係師傅自己包，感覺好有誠意。
所謂嘅大阪風，即係喺餃子上面淋上大量燒汁同沙律醬，調味方法同章魚燒一樣。
估唔到應用喺餃子一樣咁正，食落唔會膩，整體係幾正。
總括嚟講，深水埗終於有一間正宗地道嘅日式拉麵店啦！店員有禮，亦會同客人傾吓偈。
我下次會帶埋其他同事嚟幫襯，呢度仲有儲分卡，多食多送😝。
朋友推介麵屋丸京, 話雖然唔係好出名但比好多大牌子有質素, 今日趁lunch就過黎食下!自家製餃子餃子煎得香口, 肉餡飽滿。
蝦湯丸京拉麵賣相好靚, 真叉燒同叉燒各半, 唔止大大塊而且仲好粉嫩, 鋪滿係拉麵之上, 真叉燒入口細嫩有肉香, 真係慢煮先做到依個口感, 非常好食! 蝦湯加入左大量櫻花蝦, 湯頭濃郁到不得了, 啖啖鮮味濃而不咸, 出色!濃湯丸雞拉麵朋友話一定要試下丸雞, 心諗都雞拉麵應該無乜特別, 但實物黎到時真係幾驚喜, 雞扒長過隻碗, 超厚身而且係生炸雞扒, 所以特別皮脆肉嫩, 食既時候建議拎多隻碟夾起雞扒先, 如果浸淋左就無咁好食啦~ 濃湯口感固然濃厚, 但又唔會太過油膩, 啖啖咸香, 而且熱度非常足, 每方面都做得好好! 另外伴有半熟蛋同埋筍, 我另外再加紫菜, 有齊伴菜3寶食落更加滿足!果然無介紹錯, 食物真係有質素, 特別喜歡依度既湯頭, 兩款都濃郁可口, 真叉燒亦由其出色, 值得一試!
女友心癢癢想吃拉麵， L 帶她到附近新開的拉麵店吃。
食材全部以日本進口為主，師傅更到日本深造，就算無法去日本旅行都吃到日本拉麵太開心。
丸京拉麵包括叉燒三塊（右面較深色）、真叉燒三塊（左邊較粉色, 以慢煮制作）、蛋及筍。
兩款叉燒各有特色，叉燒切得很薄而且近乎無脂肪，愛吃健康拉麵的就合適了。
真叉燒口感較嫩滑及貼近原始風味。
而叉燒的邊位煙燻帶點香脆，L較愛吃這款。
湯底入口舒服，不會太鹹或者太油膩。
結果 L 將整碗湯都喝光 。
麵條不算彈牙，中規中矩。
豚骨拉麵有叉燒三塊、蛋、筍 ，額外轉了櫻花湯底打泡有點像忌廉的口感。
很香，入口味道有點像中式蝦膏，較濃湯味道更濃。
香蔥沙律炸雞配自家製沙律醬，內裡雞肉入味及嫰滑。
外層炸粉不算太厚，加香蔥沙律炸雞配自家製沙律醬是完美配搭，拉麵不夠的話選這個小食就最理想不過。
大阪燒風味餃子， 加上醬油及紫菜很惹味，那個似曾相識的醬油，入口有點像在吃章魚燒。
自家製炒辣椒及蒜蓉，味道更有層次。
麵屋丸京餐單提供日本菜, 拉麵等推介美食位於深水埗區，餐廳座位數未知人均消費約$51-100，結賬可以用現金，Booking訂位可以電話致電 53942928 查詢。
您對於深水埗餐廳「麵屋丸京」有何 comment？
麵屋丸京餐廳詳細資料：
- 麵屋丸京地址: 深水埗荔枝角道319號地舖 Maru Kyou, G/ F,319 Lai Chi Kok Road, Sham Shui Po
- 麵屋丸京電話: 53942928
- 麵屋丸京價錢: $51-100
- 分類: 日本菜, 拉麵
- 座位: 未知
- 付款: 現金
- FB專頁: 麵屋丸京 Facebook
更多麵屋丸京相關資料:
香港餐廳2026推介9月