馬德里餐廳 深水埗

馬德里餐廳 評價 相片

叫咗一個下午茶焗芝士咖喱汁雞扒飯$50雞扒碎上得4小舊，仲有幾粒頭頭尾尾，2舊薯仔，咖喱汁少少，好明白通脹令食材貴咗，碎上唔緊要但全部全部頭頭尾尾，份量不足半塊雞扒，好敷衍的製作，侍應服務態度差⋯

看到他家出名的黑椒意粉以及各種焗飯，想試試，趁著週末有時間、去了一趟，服務ok噠，中午沒有小菜和小食，所以點了一個焗意粉同一個肉燥飯，都好好食，不過肉燥飯份量唔算好大，凍檸茶和奶茶也都唔錯的！

今日去試佢牛排，等咗成個鐘。

問佢Check下單先知道未落單。

佢仲話餐廳忙，叫我等一陣好快呀。

好啦，牛排上來，明明叫4成熟，最後俾全熟俾我。

超難食。

找錢食，我俾咗全數。

等咗我出門口先叫我返來，話先生，你找錯錢。

我在場時，你唔點清楚。

食lunch set ， 價錢65左右🤑叫咗個西冷配薯菜💋， 中午食扒好奢侈🤭🤭🤭羅宋湯超級好飲💋💋💋💋💋， 味道好出， 好飲濃味，完都唔會口渴👏， 好想叫黎多一碗🤡（ 好似食咩餐都會有☝️）個西冷扒偏薄， 晏晝食啱啱好😽味道好過出面嗰啲專業嘅食扒店好多 😎非常有驚喜ヾ(@^▽^@)ノ啲薯菜份量都好多 👍，同埋問佢拎嘅番茄醬 ，好好食 ！🥰🥰🥰🥰🥰🥰個炸蝦一般，啲粉太多🤢🤢🤢嘢飲叫熱華田 正常😆總括嚟講呢間茶記幾好 🥰🥰🥰🥰上菜上得好快👏，位置都好闊落 👏，價錢都算平 👏，同埋佢嘅！羅宋湯！好推介 ！！🤩🤩🤩🤩🤩我應該會因為個羅宋湯再去食😚😚

🎉恢復晚市嘅第一餐，就嚟到《馬得里冰室》試吓樹熊同熊妹講咗好耐都未試過嘅鋸扒晚餐。

📌放寬咗晚巿時段都好多人嚟食夜晚啦。

📌經典鐵板餐真係幾吸引鋸扒之餘仲包羅宋湯、餐包同啫喱，價錢$88至$108，另加$6配熱飲或者$9配凍飲，配菜包薯菜另加$8可配炒飯🍚或者意粉🍝，免加一，都幾抵食。

📌唔想食鐵板餐都有一般茶餐廳嘅晚餐選擇，包括小菜白飯、咖喱、喇沙、金邊粉等等，價錢$60至$80，唔包嘢飲。

招牌二人晚餐，$188📌樹熊同熊妹一心來就係食呢個二人據扒套餐，包美國西冷牛扒同招牌蜜椒芥末鹹豬手餐湯餐包同啫喱。

牛油餐包點完餐，店員隨即就奉上牛油餐包🥠。

餐包熱烘烘的，塗上牛油即時溶化，係樹熊嘅大愛，熊妹嗰份都俾埋樹熊食。

羅宋湯非常濃烈蕃茄味嘅羅宋湯，湯料都好足，有紅蘿蔔、椰菜、西芹同蕃茄等等，酸酸味味，好開胃，好味。

招牌蜜椒芥末鹹豬手先上場嘅係鹹豬手🍖，哇！係有成塊面咁大㗎！皮炸得好脆，內裏鹹豬手肉好嫩滑，鹹味十足，份量好大，連大食樹熊都食唔晒。

配菜有沙律同薯條，沙律菜🥗幾新鮮幾開胃，薯條🍟係粗身嘅，可能炸耐左比較林。

鐵板美國西冷牛扒當牛扒餐奉上嘅時候，店員會捧着兩款醬汁，燒汁或黑椒汁可選，然後熊妹準備好紙巾扮扮甄宓，當醬汁淋上鐵板牛扒時，「渣」一聲， 一堆帶着黑椒汁味嘅白煙就會霧起來。

鐵板牛扒🥩有驚喜喎！牛扒非常厚身，叫咗七成熟，但係一啲都唔韌或鞋，係非常鮮嫩，超級有牛味，絕對有水準！意粉樹熊要點主菜先會飽肚，加咗$8叫埋意粉，質感比較淋，撈左啲牛油，始終都係唔夠味，一定要撈埋黑椒汁食先入到口。

📌疫情關係都要搞搞優惠，晚市外賣一律八折。

不過食鐵板餐點可以冇咗塊鐵板呢，都係堂食最好啦。

馬德里餐廳餐單提供西式, 西餐廳等推介美食位於深水埗區，餐廳座位數140人均消費約$51-100，結賬可以用Visa,Master,現金，Booking訂位可以電話致電 27283378 查詢。

您對於深水埗餐廳「馬德里餐廳」有何 comment？

馬德里餐廳餐廳詳細資料：

• 馬德里餐廳地址:
  深水埗福榮街120-122號地下
  馬德里餐廳,  
• 馬德里餐廳電話: 27283378
• 馬德里餐廳價錢: $51-100
• 分類: 西式, 西餐廳
• 座位: 140
• 付款: Visa,Master,現金
• FB專頁: 馬德里餐廳 Facebook

更多馬德里餐廳相關資料:

• 馬德里餐廳分店
• Youtube
• Facebook
• Twitter
• Google