雪山冰廳 深水埗
地址: 深水埗青山道62D號地舖
最後更新:
雪山冰廳推介
位於深水埗有60年多年歷史的茶餐廳，提供各式懷舊茶餐廳菜式，包括芝蛋牛肉漢堡、避風塘生炸髀等，除了港式口味之外，餐廳亦提供海南雞飯、南洋咖喱等菜式。
深水埗雪山冰廳
| 餐廳分店 | 雪山冰廳 |
|---|---|
| 地區 | 深水埗 |
| 電話訂位 | 23865025 |
| 餐單 Menu | 港式, 茶餐廳, 冰室 |
| 人氣指數 | 1737 |
| 價錢幾錢 | $51-100 |
雪山冰廳訂位位於深水埗區，詳細地址是深水埗青山道62D號地舖，餐廳寬敞座位數目共有未知幾多個。雪山冰廳幾錢？價錢優惠後人均消費大約$51-100埋單，早餐午餐晚餐雪山冰廳餐單包括有港式, 茶餐廳, 冰室等美食，付款方式有AlipayHK,支付寶,現金付款，Booking網上訂位可以電話致電 23865025 查詢訂座。
雪山冰廳優惠
雪山冰廳 評價 相片
一直聽朋友說深水埗這老牌冰室很有人氣，終於有機會試試。
餐廳裝修比我想像中新淨，原來是翻新過，不錯。
先來個小食芝士煎蛋牛肉漢堡，芝麻麵包烤得香，一切開有半熟蛋、厚厚的牛肉漢堡扒和半溶芝士，相當吸引。
漢堡扒內有惹味爽脆洋蔥粒，加上濕潤牛肉，很港式的滋味。
另外，選了個二人晚餐，有半隻海南雞、一個小菜和兩個燉湯。
本來還有兩碗白飯，但我們想試其他主食，所以就沒有要。
先講燉湯，椰子雪耳桂圓燉雞腳湯，很足料，一打開椰子的清香飄出，加上雞味，味道清甜，很滋陰的感覺。
海南雞皮香肉滑，雖然不是雞髀的部份，但亦不會又乾又鞋。
配上兩種醬汁，一款是酸辣醬，另外的是海南雞醬油，我比較喜歡前者，比較惹味刺激。
小菜選了XO醬炒海斑片西蘭花，海斑片不是薄的，非常厚身，肉質爽有口感，不腥。
西蘭花爽脆，份量多，令晚餐有足夠的蔬菜量。
我們選了波士頓龍蝦叻沙摻摻做主食，茶餐廳居然有龍蝦，還是第一次見。
叻沙味道討好，摻摻是油麵加米粉，加入爽口芽菜，整個面很順口。
除了波士頓龍蝦，配料還有魚片、豆腐扑和雞蛋，非常豐富，二人分享一個絕對足夠。
天氣熱的關係，我們還忍不住點了一個樽仔奶茶，冰凍的奶茶香濃順口，不會太甜，很消暑。
係深水埗區舊式餐廳多數較多,但隨住歲月好多都開始活化,今次黎到呢間舊式冰廳係最近都翻新過,環境雖然變得唔同左但內裏人情味不變.椒鹽豬扒飯以炒飯底上,蛋炒飯底炒得粒粒分明,入口乾身唔會感覺好油膩,加上少少椒鹽入口鹹香帶微辣幾惹味,如果蛋味再出少少會更香.椒鹽豬扒輕輕炸過,豬扒都幾厚身,入口鬆化又易咬開.豬扒唔會炸得過火,入口仲帶有肉汁夠晒香口.經典芝士煎蛋牛肉漢堡包內既牛肉漢堡入口嫩香多汁,肉質唔會死實實,牛味入口香濃.加上微微脆邊煎蛋同半溶既芝士,3款簡單既食材相信已經帶出港人獨特既滋味同回憶.漢堡包亦都唔會馬虎,包底塗滿牛油之再烘得十分均匀,入口帶牛油香又夠鬆脆.避風塘生炸雞脾宜家已經買少見少啦,得返老店會較有心機去整.原隻生炸雞脾大隻過我個拳頭,一d都唔簡單.外皮炸得夠脆又薄,入口咔嚓咔嚓聲,內裏雞脾肉嫩滑又唔會乾,再配上炸雞脾皮上既避風塘辣椒粉既香辣味,超邪惡但滿足.樽仔咖啡看似奶香比咖啡多,但一打開已經飄出超香既咖啡味.入口咖啡香滑,深焙味又夠香絕對唔比咖啡店差.
呢日朋友嚟搵我食晏，我就帶咗佢去試深水埗嘅名物：雪山冰廳，就好似我初嚟報到，同事帶我嚟食晏咁😂。
餐廳應該係老字號嚟，不過翻新咗，所以裝修都好摩登下。
茶餐廳環境好光猛，望落幾乾淨，地磚同牆畫都幾藝術🎨。
不過座位之間唔算闊落，加上中午食飯時間好多人，未必適合慢慢坐。
餐廳有做Lunch Set，點半鐘過後已經有兩款賣哂，平均都係$5x，價錢算係咁。
不過我哋食咗其他嘢，包括雪山常餐🗻同招牌叻沙🍜。
雪山常餐包括經典芝蛋牛肉漢堡包拼迷你肉醬意粉($48)，我會話呢個係成人份量嘅兒童餐👶🏻，因為兩樣食物都係小朋友至愛。
抵讚係呢到嘅份量幾大，男仔食應該都夠飽，何況係小朋友？兩個小朋友食就差唔多。
經典芝蛋牛肉漢堡包🍔(單點$32)，呢個港式Burger都算唔錯，特別係隻煎蛋，咬開後爆哂漿，成個包變得Juicy🤤。
整體唔算話好驚艷，但每一樣嘢都整得幾好食，麵包本身好多芝麻、好香，口感夠鬆軟；漢堡亦好濃肉味。
迷你肉醬意粉🍝，份量比我想像中多好多！因為佢話係迷你，我真係預計得兩啖，點知實際只係比正常量少啲。
除咗份量多以外，更重要嘅係個肉醬意粉好高質，啲肉醬好好味😋，食下食下我成個食哂，好彩一早夾起咗一啖畀個朋友試下。
波士頓龍蝦叻沙摻摻🦞($98)，朋友見到有龍蝦食雙眼發光，話齋望個名已經覺得好正。
其實我幾次嚟都想試，而家有佢喺到就啱哂。
雖然係茶記，但龍蝦一啲都無欺場👍，原隻半邊咁上，仲畀埋鉗我哋食。
龍蝦唔算特別細，不過佢不嬲都係一樣過份包裝嘅海鮮🤣，拆完殼後，龍蝦肉兩啖食哂，好彩仲有個龍蝦鉗都幾好肉。
龍蝦幾新鮮，肉質彈牙、鮮甜。
至於碗叻沙本身都OK，湯底唔算辣，無乜椰香，但反而蝦味幾出！除咗龍蝦外，都有幾多料，包括蛋、魚片同豆卜等。
麵係摻摻，即係米粉加油麵，其實我自己鍾意淨米粉多啲😄。
飲品方面，我哋都加咗錢要樽仔奶茶，味道就正正常常啦，都係食物比較吸引😜。
總括嚟講，呢間老牌新派冰室都算係咁，食物比一般茶記有特色，味道唔錯，份量多，而且價錢都幾相宜！就連店員姐姐們態度都幾好，不過最後我記得餐廳風扇都幾勁，如果係夏天就應該幾好🙈。
係長沙灣番左工都有年幾，時不時都會行去深水埗覓食，但居然一直都漏左一間聲稱1956年既港式冰廳，其歷史唔係重點，重點係價錢經濟，食物質素好，選擇又多，我未食完已經諗梗下星期再黎!! 可想而知我有幾中意佢~冰廳晚市除左有全日餐牌上既小食、碟頭飯、三文治包類等外，仲有蒸魚、有鑊氣既鍋仔菜(我無試到，但味到隔離枱傳黎既香味)、雞煲等，選擇好多，不知不覺我地兩個人就點左5樣野，食到非常滿足。
熱咖啡&凍檸茶咖啡聞落香飲落滑，估計應該奶既比較高少少，不過岩我口味。
平係茶記既特餐都不外乎公仔麵配多士炒蛋，雖然呢間茶記都係呢三個配搭，但特別既湯底、多士、炒蛋，令人對佢印象非常深刻。
特餐叻沙摻摻配櫻花蝦炒蛋、香酥丹麥多士 $52摻摻其實即係油麵加米粉，兩種口感。
叻沙湯底幾香，以茶記黎講已經唔錯，配料亦豐富，有兩隻蝦、普通既魚片、吸哂湯汁既豆卜。
丹麥多士烘到焦黃，香脆溫熱，搽上少許牛油，瞬間滲入麵包中，入口啖啖牛油香。
炒蛋中既櫻花蝦分量好多，啖啖都有櫻花蝦，而且好有蝦味，蛋又唔會太老，友人話好有驚喜。
始祖椒鹽豬扒飯(炒底) $58炒飯上枱好有鑊氣香~~炒飯炒到粒粒分明，再配上6塊啖啖肉既椒鹽豬扒，分量真係超值!經典芝蛋牛肉漢堡包 $32呢個可謂餐廳既招牌小食，幾乎每位食客都推薦。
熱辣辣既烘麵包外層微脆，內心軟熟，帶點牛油香；漢堡扒唔會薄”切切”，亦唔會好鬆散，juicy唔乾身；不過流心蛋變成熟心蛋，令蛋味唔太出，但即使如此，呢個漢堡仍然好得我同朋友心!!避風塘生炸肶 $28新鮮炸出黎，熱氣十足! 雞肶唔會好乾，但亦稱唔上滑，而避風塘既炸蒜等只係灑係雞肶上，無任何炒既動作；所以味道較為普通。
炸魚薯條 $30以呢個價錢黎講分量充足，不過味道認真麻麻，薯條只炸過一次，一d都唔脆；魚柳則有腥味，而且腥味頗重，唔太推薦呢個小食。
今次用餐體驗唔錯，職員勤快，食物熱度十足；睇得出餐廳有用心設計食物及其配搭，營造一間有特色既fusion港式冰廳。
茶餐廳我就最鍾意食㗎啦，夠晒地道夠晒多選擇❤️❤️❤️永遠諗唔到食咩嘅時候就會入嚟哩度食😋😋🎈超誇張嘅茶記All Day Breakfast😋吉列魚柳勁大塊、法蘭克福腸、 牛乳炒蛋、茄汁焗豆及牛乳厚多士😍 超級豐富嘅早餐，炸魚唔係好厚粉🤗個黑松露炒蛋配丹麥多士好好味 😋🎈爆餡牛蛋治超厚超多料，蛋牛治大大份，蛋漿包住啲碎牛肉煎香，牛肉味道好濃，蛋既份量又超多，碎牛加厚蛋加埋塊多士烘得岩岩好😍完全滿足我哩嗰蛋控😜🎈大澳咸魚茸煎肉餅飯，成吋厚既肉餅，大塊過我塊面呀，煎完之後肉餅外層帶著焦香，但內裡既肉汁都仲銷緊，加埋豉油，撈飯一流😋 🎈 焗豬扒飯係用巴西豬扒，又厚身，即叫即焗濃濃既茄汁味，加上芝士，味道好夾，飯底係炒飯黎架，好爽身。
🎈樽仔奶茶既茶底濃濃的，配埋啲奶真係好滑身，甜度岩岩好。
🎈樽仔咖啡既茶底一樣好夠啡味，兩者夾埋就係最好飲嘅樽仔鴛鴦😃😃
雪山冰廳餐單提供港式, 茶餐廳, 冰室等推介美食位於深水埗區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 23865025 查詢。
您對於深水埗餐廳「雪山冰廳」有何 comment？
雪山冰廳餐廳詳細資料：
- 雪山冰廳地址: 深水埗青山道62D號地舖 雪山冰廳, G/ F,62 D Castle Peak Road, Sham Shui Po
- 雪山冰廳電話: 23865025
- 雪山冰廳價錢: $51-100
- 分類: 港式, 茶餐廳, 冰室
- 座位: 未知
- 付款: AlipayHK,支付寶,現金
- FB專頁: 雪山冰廳 Facebook
更多雪山冰廳相關資料:
香港餐廳2026推介10月