辣滋味 深水埗

辣滋味 評價 相片

都已唔系第一次過尼，我系好中意個3人餐，因其中一味餸系我最最最喜愛嘅就系酸菜龍利魚，又冇骨易食好味同夠晒份量，今次都煮多次食評啦，點過之前未叫過嘅一d餸，都想點評下3人套餐：👉🏻招牌口水雞❤️呢到嘅口水雞夠凍肉質夠滑，個紅油唔會好麻，同一般出面買到嘅口水雞辣油一樣👉🏻川香豬軟骨呢個我覺得一般，佢對我吸引力唔大，佢豬軟骨都做到肉身系軟，味道就還可試到辣味👉🏻熗炒土豆絲❤️呢個真系一上枱就香噴噴，入口味香濃，好似薯仔絲咁嘅口感，味道就似薯仔雞翼個醬味，簡單講應該有加豪油去煮，呢個好好味👉🏻酸菜龍利魚❤️❤️到左主角出場，不得不再讚揚佢，呢味餸系唔辣嘅，而入面除左有酸菜、龍利魚，仲有扁身透明薯粉、金菇，配飯永遠都系一流一🤤✍🏻呢間我已經唔系第一次寫，不過我覺得有質素嘅食店系應該要翻轉頭幫襯，唔好俾新鮮感完全取代有質素嘅食店，而且我亦揀選左一d上之冇點過嘅食物，算系同店唔同餸嘅平分啦，但酸菜龍利魚絕對系超大愛✊🏻😍🙋🏻‍♀️俾多啲機會唔同食店，只要樂意比機會，通常進步空間可以好大，時日有加會愈做愈好，香港人太健忘急速，對一般評價或要等既食店都唔會返轉頭，相信大家可抱著支持本地食店想法，成長對每間餐廳都十分重要，請一齊多一分抱容之心❤️。

👍🏻

今次有點特別屋人有小朋友生日；所以就提早訂餐； 係額外order左一點海鮮菜色.再係度揀左幾樣菜.有「酸辣龍利魚魚」、「酸菜龍利魚」因為小朋友唔係食辣嘅；➕「麻辣雞煲」係微辣同「橄欖四季豆」、小朋友好鍾意食；味道好. 新推出嘅「孜然牛肉」、其實我唔記得個名有冇打錯；不過呢個係香口嘅～如果送酒、個人覺得一流另外、有個睇得呢間餐廳嘅餐牌有所轉變，多左小炒；而我睇額外order嘅海鮮🦞、蟹、🐟；都係由大廚發版～所以呢餐食得好開心、滿意；.. 會值得推介身邊朋友黎嘗試

今日屋企無飯食，約左幾個fd去深水埗搵野食。

行左幾個圈都唔知食乜好，經過就睇到依間川菜鋪。

其實上次黎過一次，好耐無黎就入去再試下。

今次叫左3個餸 麻辣雞煲唔算太辣，但雞都幾入味又斬得幾好，無乜碎骨。

食完雞之後就可以加湯打邊爐。

孜然牛肉夠味唔韌，但味道都徧重，用黎送酒一流酸菜龍脷魚夠鮮，師父好手勢，魚肉無骨，厚肉又入味，用黎送飯就最好。

食完魚入面仲有寬麵，足料誠意推介。

如果想食辣，試下叫水煮應該會仲好食！下次會再黎試。

整體黎講都坐得舒服既，因為夜晚10點先到所以有折，價錢都ok。

宵夜一個唔錯既選擇！

本人大愛食酸辣粉有朋友介紹深水埗嘅”辣滋味”～見今日有時間lunch就黎食啦！比我預期中少人始終係午飯時間 唔使等位即刻入佢午市套餐其實都有好多款 有即叫小炒 又有每日飯餐小炒都有成16款基本嘅水煮、酸菜、麻辣都有得揀今日特別想食酸菜湯叫咗個酸菜肥牛配白飯另加一碗酸辣粉～酸菜肥牛賣相可能麻麻 但係佢個豬骨湯真係好香濃！肥牛再配上大量酸菜 送飯一流越食越開胃嗰種～最鍾意係佢湯入面有粉絲底 粉絲吸晒啲豬骨湯！如果佢粉絲再多啲 我個白飯可以唔食酸辣粉可以自行加送味道算係正正常常 叫咗個小辣都幾刺激！好難得嘅係 佢啲花生真係有炒過 夠晒香、口感100分！

香港惹味的酸菜魚如果無辣不歡的人更有褔了辣滋味小編要泡椒酸菜烤魚套餐 $288，套餐包兩款餸和一碟前菜。

大量的酸菜金菇豆卜配魚,再自己配搭不同餸涮下小編點咗午餐肉,響鈴,水魷魚,晶絲薯粉,最愛煎香咗既午餐肉&水魷魚前菜另點涼拌黑木耳,麻辣又爽口~食食下唔夠「候」，另外點左最新必食，風味辣子蟹 (可自備蟹,收加工費)小編唔係一個食得好辣的人,但呢碟辣子蟹真係食到回味無窮,香辣得黎,連蟹殼都炸到脆卜卜,如果配啤酒一流想食的話,需要前一日打電話預訂啊~邊辣邊飲咗柑桔青檸，飲咗兩杯好鬼正大家唔想北上咁遠,又食到高質酸菜魚可以考慮黎深水埗啦! 

辣滋味餐單提供粵菜, 廣東, 川菜, 四川, 火鍋, 粉麵, 米線, 雞煲, 中菜館等推介美食位於深水埗區，餐廳座位數未知人均消費約$51-100，結賬可以用現金，Booking訂位可以電話致電 23108318 查詢。

您對於深水埗餐廳「辣滋味」有何 comment？

辣滋味餐廳詳細資料：

• 辣滋味地址:
  深水埗福榮街124號地下
  Spicy Tasty, G/ F,124 Fuk Wing Street, Sham Shui Po
• 辣滋味電話: 23108318
• 辣滋味價錢: $51-100
• 分類: 粵菜, 廣東, 川菜, 四川, 火鍋, 粉麵, 米線, 雞煲, 中菜館
• 座位: 未知
• 付款: 現金
• FB專頁: 辣滋味 Facebook

更多辣滋味相關資料:

• 辣滋味分店
• Youtube
• Facebook
• Twitter
• Google