荔源粥麵店 深水埗

荔源粥麵店 評價 相片

*荔源粥粉麵飯 3個字形容 平。

靚。

*最近心情鬱悶 腸胃濟濟咁 好想搵粥食而家好多粥店 都唔係真粥 用粉開糊仔眼見都有靚粥 平價嘅維唔到皮 執埋貴嘅成百蚊1碗 食倒個半自助餐揾食評 揾到荔源 好滿意嘅成枱食物 唔使100元 店鋪舊啲 都乾淨 有冷氣腸粉滑 厚身分量足 豬潤鮮味 爽口唔腥 油炸鬼 8pm沽清 呀姐話明天請早牛脷酥$7 甜甜地 都唔錯 配粥食就唔及油條咁夾啦白粥$7綿 清淡皮旦瘦肉粥$18艇仔粥$16略嫌粥底味重 粥感糊口 會再幫襯 試埋 盅頭飯 & 生滾湯飯

 有一天出深水步行街順便食飯遊遊下行到街尾轉角原本諗住睇下搵餐廳食飯係人都知深水步好多餐廳都坐滿客要搵間有冷氣又食得舒適又唔易路過見到有間粥品小店第一眼就覺得好乾淨,環境好好入到去冷氣仲好夠凍,未食已經加分了再睇睇價錢,一條油炸鬼$7,淨炒麵炒河$9呢D價錢真係平到笑仲有一碗紅豆沙都係$11,白粥$7一碗粥品都有20款配搭有2款蒸飯同埋即拉腸粉全部都係十幾廿蚊就搞掂 2個人一人一碗粥16蚊艇仔粥,18蚊皮蛋瘦肉粥一份炸兩$11,豆漿$6 埋單$51就食飽 先上豆漿,濃郁香甜豆味艇仔粥,有肉碎,蔥花,肉絲,魷魚絲,花生等配料  料多唔在講,味道都唔錯,啖啖都係料粥底綿滑,米香就淡左一點,但整體水準好高 皮蛋瘦肉粥半隻皮蛋加肉絲 對比艇仔粥味道會偏淡,拌勻餡料先會食得出味 炸兩脆身,腸粉皮就略為濕身但加埋芝麻醬同甜醬食又係一絕 多麻醬,正!

從高鐵回香港，欽州街必經之路。

呢間鋪頭中意佢排骨飯，夠味道。

雖然不太似排骨，對於多肉的我，甚岩心水。

多數人會選擇一大碗的生滾湯菜配飯，但我覺得太多。

服務員同廚房阿姐都好有招呼禮貌，街坊生意最緊要招呼同態度，得閒都會黎幫襯下。

在路邊，來來去去都多數熟客。

每次唔係好舒服都想食清談少少，然後呢間食第一時間會想起嘅地方，絕對是清淡又抗通脹的好餐廳！已經食過好對次了，覺得應該是要給呢間餐廳一個讚糧尾救星！食物方面也是高質的，今次叫左個生菜🥬腸粉，即拉腸粉皮的口感煙煙韌韌，每啖都食到脆口的生菜🥬份量算大，一個女仔應該會夠飽！除左生菜腸粉，還有香菜皮蛋腸粉，也是值得推薦的，口感很豐富，煙韌的腸粉皮抱著一粒粒creamy的皮蛋加上新鮮可口的香菜，滿足了！

叫嘢食我：豉油王炒河姐：炒河賣晒我：咁炸両丫姐：油炸鬼未有，要等喎我：等幾耐呀？姐：唔知呀，仲未炸呀我：咁叫杯凍檸茶黎飲下先姐：好等幾分鐘後.......姐：先生，唔好意試，茶都冇呀@＃＆$（（@$（ 走！！！！未準備好就咪鬼門開檔啦，下午兩點入去冇位，迫住坐舖後面，舖前舖後兩個世界，舖後又熱又焗又冇氧氣，呼吸困難，冷氣射唔到，再唔好彩隔黎左右都係汗衫狐味臭男人食緊嘢，得牆身幾把黐滿塵嘅風扇，吹黎吹去都係果舊臭氣，就算有嘢食我諗都只係食倒陣臭汗狐味，實在唔知點解要寫倒兩百字先用倒食評emoji，為咗出個衰食評emoji 都要努力打字。

荔源粥麵店餐單提供粵菜, 廣東, 粉麵, 米線, 粥品等推介美食位於深水埗區，餐廳座位數32人均消費約$50以下，結賬可以用現金，Booking訂位可以電話致電 26518668 查詢。

您對於深水埗餐廳「荔源粥麵店」有何 comment？

荔源粥麵店餐廳詳細資料：

• 荔源粥麵店地址:
  深水埗荔枝角道382號地舖
  Lai Yuen, G/ F.,382 Lai Chi Kok Road, Sham Shui Po
• 荔源粥麵店電話: 26518668
• 荔源粥麵店價錢: $50以下
• 分類: 粵菜, 廣東, 粉麵, 米線, 粥品
• 座位: 32
• 付款: 現金
• FB專頁: 荔源粥麵店 Facebook

更多荔源粥麵店相關資料:

• 荔源粥麵店分店
• Youtube
• Facebook
• Twitter
• Google