知味 深水埗

知味 評價 相片

依日得自己一條友食飯，所以開個外賣自取app睇下有乜好食🤔，唔係好餓，想搵啲平平地嘅飯食下。

有間喺大埔道嘅食店叫知味，好似係賣麵類的，就一於試下。

平日我就好少行到去嗰個位，啱啱會skip咗。

原來餐廳位置都離深水埗地鐵站唔遠，應該行67分鐘會到。

間舖真係舖仔嚟，簡單擺咗2張摺檯，都叫做有得堂食，不過我係叫外賣🥡。

我一去到就已經有得拎，唔使再等，加分。

我見到店仔其實都係得一位男士主理，應該接單煮嘢一腳踢。

小店主要賣麵食同飲品，麵類主要係烏冬、拉麵同出前一丁，湯底就有味增、豚骨、地獄同泡菜湯，另外有啲指定餐就有🍅蕃茄或者鰹魚湯。

餸方面，貴啲有豬扒、肥牛、雞扒嗰類揀；平啲嘅選擇就有魚腐、豆卜、🥚溏心蛋、獅子狗、等等。

我第一次食就試下最平嘅日式車仔麵，只需$26就有2餸，加一款餸就$5。

我要咗🐷豚骨湯烏冬配魚腐同雜菜魚餅，一開始我有諗過啲湯底會唔會係公仔麵嗰啲，例如出前一丁嘅豬骨湯粉🙈，好彩飲咗啖，雖然有啲熟悉，但應該唔係，同埋唔會好鹹好味精，無特別想飲汽水。

另外，啲餸亦都正常，係大路街市超市買到嗰啲，加上份量唔算少。

而且我無諗過會有昆布😋，但同時都有蔥。

總括嚟講，呢間小店真係好唔起眼，但其實有嘢食有嘢飲賣，定價都幾平，特別係可以試下兩餸麵。

味道就無乜話好驚艷㗎喇，但好有家庭feel自己煮咁，平平地好過淥杯麵啦👍。

今日去開深水埗買充電線，覺得肚餓，想搵間舖頭食日本野，見到有一間店面細細間，叫 知味 的日本料理，有三至四個座位（真的好細間），點了一個粟米豬頸肉飯，同埋一客金菇肥牛卷，老闆應該是一個顧店吧，落單是他，廚師也是他。

粟米豬頸肉飯，粟米跟豬頸肉佔滿飯的表面，非常足料。

粟米和豬頸肉是我最喜歡配搭的一。

豬頸肉對我來說有驚喜，咬落去會有脆身口感，不會乾身，成個口感十分之有層次。

而小食方面，金菇肥牛卷也是我首選，內汁包滿金菇，熱辣辣一口食下去，好正喎。

總括來說，我十分滿意這間小店。

因為真的很小的店面。

曾經用點餐 apps 訂購過「知味」的日式叉燒拉麵，有四片叉燒、有海帶、有粟米，同一般的日式拉麵沒有大分別，我為了吃餘下的粟米粒，還將所有湯喝下，總體而言，味道不過不失喇。

今次再經點餐 apps 訂購這兒的飲品 – 香芋珍珠奶茶。

不久「知味」打電話給我，說沒有香芋，於是我改了紅豆珍珠奶茶。

因此店不是出面的連鎖奶茶店，所以都對個情況沒有所謂。

到了取貨時間，店員岩岩整，令我知道不是放了很久，安心。

到品嚐的時間，這杯紅豆珍珠奶茶好像是台灣的口味，感覺是用奶粉調的，而不是出面連鎖奶茶店的鮮奶茶。

而珍珠再加上紅豆，真的有點兒分不清，加上可能這兒不是只賣珍珠奶茶，珍珠感覺是粉淋的，不似出面連鎖奶茶店那些有咬口。

整體而言，無論上次的日式叉燒拉麵及今次的紅豆珍珠奶茶，都是一般般吧。

希望「知味」繼續努力。

知味餐單提供港式等推介美食位於深水埗區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 96546181 查詢。

您對於深水埗餐廳「知味」有何 comment？

知味餐廳詳細資料：

• 知味地址:
  深水埗大埔道75號威信大廈地下2號舖
  知味, Shop2, G/ F, Wei Sun Building,75 Tai Po Road, Sham Shui Po
• 知味電話: 96546181
• 知味價錢: $50以下
• 分類: 港式
• 座位: 未知
• 付款: AlipayHK,支付寶,現金
• FB專頁: 知味 Facebook

更多知味相關資料:

• 知味分店
• Youtube
• Facebook
• Twitter
• Google