百份百餐廳 深水埗

百份百餐廳 評價 相片

黎過百份百食過幾次下午茶餐，今日仲有時間食個早餐先返工，就黎百分百試下佢d早餐。

始終百份百係集團式，選擇都算多，我今日揀左個唔太 heavy 之選~野菌鮮奶炒滑配蒜香牛油多士，再併埋輕量火腿通心粉。

呢個餐$34，有一整塊多士（圖示我已食左一半塊🤭），蒜蓉味夠香，搽足整塊多士上；炒蛋目測至少有兩隻蛋，加埋野菌好香好食；仲有個通心粉，我本人真係唔鍾意食通心粉，因為d湯底唔係我杯茶，所以從來都唔會叫通心粉食。

但呢個通心粉的湯底竟然又岩我口味喎😍；最後係杯奶茶，茶味係香，下次試下少d奶睇下會唔會仲好飲。

整體黎講，我係滿意呢份早餐的。

今日有點事去銀行處理户口問題，處理完已經2點，有點肚餓，所以搵餐廳依肚記得石硤尾新開了一間百份百餐廳，所以去試下！雖然百份百餐廳係其他地方都試過，但感覺比我覺得唔差！去到店面裝修得都幾靚，入面都好有懷舊感，坐位闊落，人流因為肺炎關係唔算多，唔洗等位！坐底後，睇了一輪餐牌，結果選咗野菌白汁忌廉迷你雞扒飯加熱奶茶，等咗5分鐘就已經上菜，賣相唔錯，仲熱辣辣，聞到陣陣白汁忌廉香味，食落有好重香草同野菌忌廉味道，非常好食雞扒都好入味，肉質滑，香，雞皮仲有少少脆香口飯就比較少，但都夠飽加埋杯熱奶茶相當滿足！同其他分店一樣保持到水準

行完美荷樓但又想食港式嘢，就入咗呢間，估唔到仲有得打邊爐。

雖然係一人一鍋果種，但都唔求其，有45種湯底揀。

揀咗皮蛋芫茜湯底，個湯清清地但都幾有芫茜味，仲有幾粒皮蛋添。

個鍋幾足料，每樣材料有兩件或以上，貢丸係有香菇嘅😬😬肥牛份量都幾多，而且仲好大片。

驚唔飽加多個米線，份量好多呀，一個女仔食會食唔哂。

打邊爐再配埋檸檬可樂先夠爽。

附近街坊晚飯想打下一人邊爐，真係可以一試，除咗火鍋，仲見到有其他小菜同老火湯。

下午茶餐$45公司三文治麵包燶到咁，全部反向下，諗住可以掩人耳目，搽茄汁以圖遮掩燶位，而且配菜亦都係爛的，芝士又無埋，餐牌上還印著推介圖案，我同食一個普通餐腿蛋三文治比較，還要差，還多付廿多蚊，真心覺得你們黑心，咁都可以出門給人客吃，嬲到震。

新邨入伙，伴隨住唔少新店開幕呢間百份百開咗冇一個月，平日收工經過，次次都好多人今日放假，去試吓佢個下午茶先餐牌好多選擇豐儉由人有輕食有飽肚嘅見隔離檯食個烘底蛋治好吸引，我又想試我們點了：1. 火腿滑蛋三文治餐（烘底+2）+熱杏霜（跟餐）+輕量火腿絲米粉（追加+$6）2. 迷你蘚茄焗豬扒飯（$40）+凍奶茶（+$3）食物貫切茶餐廳速度，快上落單後30秒，食物陸續來，好有效率輕量火腿絲米粉有驚喜，唔係用味精湯囉係出乎意料用雞湯呀，估唔到$6大大碗不特止，仲係雞湯唔口渴米粉唔會淋，啱我最鐘意爽口火腿滑蛋三文治（烘底）用上厚方包，所以夾埋，厚過叉仔包面烘得好靚仔金黃而平均佢係切開2份比你，方便你食驚喜唔止咁佢連包底都烘埋，誠意加分包底查有少少牛油，溶咗嘅，咬落好香口，配埋面底烘過嘅包，一流由於佢用厚包，就算底面烘咗，都唔會令佢缺少軟綿方面嘅質感驚喜滑蛋，炒得剛剛好唔係水汪汪，因為我唔食生嘢呢個熟嘅程度好好，少少漏汁講埋個迷你焗蘚茄豬扒飯先即刻焗，大大兜，熱辣辣咁都叫迷你？吃完好飽上面有溶咗嘅cheese目測個碗直徑有15cm炒飯底粒粒分明，唔會一pat pat茄膏好香茄味酸酸地好開胃好少地方有嘅熱杏霜味道正常價錢物有所值

百份百餐廳餐單提供港式, 咖喱, 茶餐廳, 冰室等推介美食位於深水埗區，餐廳座位數未知人均消費約$50以下，結賬可以用現金，Booking訂位可以電話致電 29076335 查詢。

您對於深水埗餐廳「百份百餐廳」有何 comment？

百份百餐廳餐廳詳細資料：

• 百份百餐廳地址:
  深水埗白田街13號石硤尾邨美葵樓地下02號舖
  Cafe100%, Shop G02, G/ F, Mei Kwai House, Shek Kip Mei Estate Phase3,13 Park Tin Street, Sham Shui Po
• 百份百餐廳電話: 29076335
• 百份百餐廳價錢: $50以下
• 分類: 港式, 咖喱, 茶餐廳, 冰室
• 座位: 未知
• 付款: 現金
• FB專頁: 百份百餐廳 Facebook

更多百份百餐廳相關資料:

• 百份百餐廳分店
• Youtube
• Facebook
• Twitter
• Google