潮泰 深水埗

潮泰 評價 相片

第一次去食，外觀係有少少舊，唔起眼。

泊低車係對面錶位，等左5分鐘左右入坐！因為店內只有幾張細枱，所以7點打後應該要等耐d老細話有時候可以開幾張枱坐出面，但係呢排捉得嚴左，所以當晚冇開出面，我相信如果坐出面會更有風味 主要食燒物，佢既沙爹汁係特別自制，所以食到一粒粒既花生，幾特別！最失望係試唔到出名既糯米雞翼，下次要再去試到為止! 嘻！其實仲有好多燒魚既選擇，一次試唔哂！

事先聲明，小弟認識此店老闆娘，這次是特地來捧場。

吃畢，促使小弟動用這個荒廢近六年的賬戶寫食評。

人物我、A、J、V、JV女兒 x 2食物串燒雞、豬、牛 (無圖)很多店的串燒肉都是燒至乾身又淡而無味，必須配上沙爹醬方有味道。

但小弟可以告訴大家，這裡的串燒肉，蘸沙爹醬是浪費！鹽燒烏頭水準之作，魚身釀入大量香茅等香料，肉質毫不乾身。

要特別一提圖中兩款酸辣醬汁，蘸魚吃一流。

雞肉炒飯鑊氣一般，但炒得夠乾身，味道很好。

燒安格斯牛肉安格斯牛本身肉質不在話下，但燒得外皮焦脆內裡嫩紅而無血水並不容易，這塊牛肉控制得很好。

配上剛才蘸魚的辣汁也不錯。

海鮮炒河也是鑊氣一般，河粉有點硬，但味道OK。

 炒椰菜苗椰菜苗本身相當嫩口，加上惹味的蒜茸和醬汁炒香，只恨當時沒有白飯相佐。

炸蝦餅失覺晒，我以為炸蝦餅一定是一團扁平的炸麵粉，不知炸蝦餅可以有賣相，並且有鮮蝦味。

龍眼冰喝慣的朋友，應該會對這裡自家制用龍眼煲成的龍眼飲品另眼相看吧。

服務哈哈，自己friend，邊有得計。

環境在深水埗區，豪華裝修是毫無意義的。

這種典型的平民舖頭方可生存。

但地茂不等於衛生差，此舖面相當企理乾淨。

總評此店食物味道確有水準，宜宵夜或朋友聚腳。

不過始終小弟認識老闆娘，各位即管來試試小弟有否吹噓吧。

今日同男友2個人原本諗住去深水埗食米線，行行下見到有間新開泰國野，見門口串燒，燒得好香，所以就試下~除左叫左d 串燒外，想食佢個泰式炒金邊粉~幾好味~甜甜地咁我地2個人點左1個司奄~D司奄好新鮮~1個泰式金邊粉~2串雞翼~1串雞肉~幾香口(沙嗲汁超香)~1個炒椰菜花~有少少SPICY!好野味!!!!飲品就飲青檸梳打~唔會太甜~~因為本身就唔鐘意飲椰汁野同埋太甜都唔太接受~~所以果D咩龍眼冰真係無乜興趣青檸梳打算係最岩口味了~~埋單$180蚊~幾抵食~~~理單時，見到第二枱，叫左個生蝦~超生鮮。

可惜，理左單，不過下一次一定再來試下佢既生蝦~~

今日係我第2次幫襯呢間舖, 之前第1次幫襯唸住試下佢D串燒, 食完之後覺得好好味, 所以今日同朋友黎試下佢D泰式小菜, 今日我地食左生蝦, 司奄, 炒椰苗, 串燒牛肉, 雞腎同埋雞翼, 牛肉食落好重牛肉味, 食得出絕非平價貨, 生蝦同司奄食落鮮甜(最緊要係司奄食落冇泥), 我同朋友都覺得值得推介(最雖唔記得影相), 另外, 呢間舖係開放式厨房, 客人可以清楚睇到厨房乾唔乾淨, 食都食得放心D.

潮泰餐單提供泰國菜, 海鮮, 燒烤, 串燒, 外賣店, 串燒店等推介美食位於深水埗區，餐廳座位數未知人均消費約$50以下，結賬可以用現金。

您對於深水埗餐廳「潮泰」有何 comment？

潮泰餐廳詳細資料：

• 潮泰地址:
  深水埗福榮街6-12號嘉榮大廈地下5號舖
  潮泰, Shop5, G/ F, Ka Wing Building,6-12 Fuk Wing Street, Sham Shui Po
• 潮泰電話:  
• 潮泰價錢: $50以下
• 分類: 泰國菜, 海鮮, 燒烤, 串燒, 外賣店, 串燒店
• 座位: 未知
• 付款: 現金
• FB專頁: 潮泰 Facebook

更多潮泰相關資料:

• 潮泰分店
• Youtube
• Facebook
• Twitter
• Google