江南瀨粉 深水埗

江南瀨粉 評價 相片

約左朋友係深水埗見面，佢介紹話呢間小店既水餃好食，所以就過左黎試下。

話時話都好耐無食鳳城水餃，多數係街食粉麵都係食雲吞多，唔係好多地方有賣鳳城水餃，所以我都幾期待。

平日未到夜晚食飯時間，人唔算好多，但keep住都半滿狀態。

我地睇menu揀左好耐，叫兩碗又驚太飽，所以最後叫左四餸瀨粉加份韮菜豬紅share。

先黎韮菜豬紅，豬紅份量好多～～～韮菜當然都好多啦哈哈。

勁鐘意食豬紅既我覺得好好食～個湯底稍為咸左少許，不過豬紅幾新鮮，唔會一patpat，食落口都幾香。

然後到四餸瀨粉，佢既鮮製瀨粉同平時快餐店食到既唔同，佢係比較粗，無咁透明，似係彈牙版既烏冬咁。

每條都粗幼不一，睇得出真係小店自家製，呢種感覺幾好，唔係出面咁易食到既野。

鵝腸一啲都唔腥，清潔得好乾淨，亦都夠彈牙。

竹笙正常發揮～唔係用漂白哂既貨，唔錯。

紫菜都比得唔算少，而且處理過，完全唔會有腥味。

水餃真係無介紹錯，大大粒，多餡，係木耳同蝦都多呀！！而且水餃皮唔會易爛，夠新鮮聽聞都係自家製，不過一份得兩粒，早知叫兩份啦！跟餐加左杯檸樂～為便宜抵食既一餐作結哈哈。

第20次寫食評一個人在深水埗搵食，又唔想食飯，於是去了“江南“食粉。

睇完餐牌，決定叫碗【牛腩牛筋瀨粉】：瀨粉有米香味道，牛腩夠稔夠入味，至於牛筋，都幾彈牙爽口，一句講曬，味道好，價錢合理。

又係自己一個人食晚飯，唔想食太多，揾到依一間麵店。

我點了紫菜鯪魚球薯粉，薯粉煙煙韌韌，分量大，好大塊紫菜，大大粒鯪魚球，真材實料, 好彈牙，好好味! 湯嘅配料有花生，蔥，芝麻，提升左香味。

大家快d黎試吓。

瀨粉相信好多人都應該有食過，係我印象中既瀨粉係透明色嘅，但呢間瀨粉店就主打手工瀨粉。

叫咗韭菜豬紅同貢丸鵝腸瀨粉。

韭菜豬紅 ($23) : 超大碗之剩價錢重好平，不過味道就普通咗少少。

貢丸鵝腸瀨粉 ($42) : 叫咗酸辣湯底，不過味道唔夠濃郁 ; 貢丸就無咩特別普普通通，而鵝腸自己平時食開果啲都係爽口既，呢到啲鵝腸食落粉粉地有啲唔慣，而手工瀨粉原來係純白色既，食落有點似烏冬既感覺，不過自己比較喜歡食燒鵝瀨粉嗰隻透明瀨粉多啲。

😝

既然寫得咁有地方特色，就一於試下乜嘢叫做江南瀨粉，牆上寫咗十大必食推介（車仔餸），決定試一試鳳城水餃。

店內兩部電視機，不停重複又重複，洗腦式重播電視分零鐘訪問，雖然糖妹等不停叫好味好味，好爽口，但係見到白瀨晒嘅鵝腸豬手⋯ 唔係好想試。

首先講瀨粉，望上去似烏冬，合埋隻眼食第一啖都似烏冬，友人說質地較為鞋身，口感冇烏冬咁滑。

望上去個瀨粉面底份量好少，食落都飽肚。

整個感覺都係味道較濃，麻辣小辣加兩蚊，味道尚可。

鳳城水餃好大隻飽滿，有三隻，滿足。

有人讚賞泰式魚餅，我相信是現成急凍的。

面底$24，湯底加$2，車仔餸價錢較貴，叫兩三個餸都$50⋯ 跟餐豆漿加$5，平均消費$5060

江南瀨粉餐單提供粵菜, 廣東, 粉麵, 米線等推介美食位於深水埗區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 54019412 查詢。

您對於深水埗餐廳「江南瀨粉」有何 comment？

江南瀨粉餐廳詳細資料：

• 江南瀨粉地址:
  深水埗福榮街108號地下
  Jiangnam Noodle, G/ F,108 Fuk Wing Street, Sham Shui Po, Sham Shui Po
• 江南瀨粉電話: 54019412
• 江南瀨粉價錢: $50以下
• 分類: 粵菜, 廣東, 粉麵, 米線
• 座位: 未知
• 付款: AlipayHK,支付寶,現金
• FB專頁: 江南瀨粉 Facebook

更多江南瀨粉相關資料:

• 江南瀨粉分店
• Youtube
• Facebook
• Twitter
• Google