大利冰室 深水埗

大利冰室 評價 相片

今日去深水埗做嘢，難得要在那附近找食，在朋友帶領下，嚟到嚟個懷舊冰室，門口真的唔會為意，附近都係收購舊電器等的鋪頭，而佢又無好精美的門面，唔知都唔會為意！返工之中食午餐，本來就唔太呵求，最緊要有位，入到去剩最後一張桌，立馬坐低叫嘢食⋯⋯午餐都有兩個餐牌再加蒸飯！同事話上次食排骨蒸飯幾好，於是就跟叫啦！小二哥話要等15分鐘，話是即叫即蒸⋯⋯不得了！當然是要等啦！點知5分鐘後話我知賣晒，就轉蒸鷄！點知嚟到發現⋯⋯蒸雞真心好麻麻，賣相唔得、份量又少！相反，同事的蔥油豬扒煎蛋飯就吸睛好多，下次都係唔好亂咁轉！

因為探朋友先至會經過呢個咁偏僻嘅地方，位於深水埗同大角咀之間，個招牌同埋個格局都係好舊式，應該係一間地區老店，所以就行入去幫襯一下。

傳統茶餐廳當然要試一試佢嘅沙嗲牛肉麵同埋奶茶。

先講沙嗲牛肉麵，佢個沙嗲牛肉當然係整定嘅，叫先至加一兩羹落去，沙嗲牛肉麵上檯就先攪勻佢，等d沙嗲汁撈勻，撈勻後仍然夠香，而且唔太咸，唔錯，至於d牛肉都有肉味，我自己覺得算係難得。

至於杯奶茶都夠香濃，好有傳統茶餐廳嘅味道。

價錢都好合理，值得一試。

今日做野行過！食左個午餐！粟米魚飯！個粟米汁唔係生粉汁要讚！味道算唔錯！杯熱奶茶都茶濃奶滑！但$40黎講算超值！重見到有個老人比錢時可能真唔夠錢！一個唔知係咪老板娘！話下次比(重要冇黑面)！雖然係幾蚊！但現在有幾多店可以咁好呢！其它分分鐘吊媽拆蟹！希望佢做得住！認真店鋪唔起眼！行過都可能發現唔到！good!good!good!good!推！推！推！good!good!good!good!推！推！推！good!good!good!good!推！推！推！

依間位於深水埗的茶記並非處於交通便利的位置, 而且豪不起眼一不小心就會走過, 入面裝修保留了舊日電視劇見到的場景, 仲係蘋果綠磚仔, 如此冰室買少見少咁懷舊難怪聽街坊講餐廳借過比人拍戲啦！勝在真係抵食, 午餐好像永遠只有蘿蔔牛腩飯/梅菜扣肉飯/鴨比飯3樣 🤣 之前食過 $38 一個餐就確抵食, 飯同餸份量足嫌飯類太單調的話總可以叫大人細路都岩食的常餐, 今次揀左 $27的早餐平平無奇卻又幾好味, 通粉湯底唔會有味精, 清清地,軟包牛油加煎蛋做得中規中矩 , 閒時黎嘆返個早餐都唔錯

午飯時間四圍蕩，碰巧發現這間冰室，看看立於店外餐牌午餐很划算，於是就試試。

.連續幫襯了兩日，第一日試蘿蔔牛腩飯，第二日點了咖哩豬排飯。

餐飲兩日都是點熱奶茶試試水吧手勢。

.先評奶茶☕️，主要因為講冰室，奶茶咖啡質素看重一點。

茶呢，圖片拍出來的色水沒有失真，品質是不過不失，一夠熱、二茶底還可以，不過可以的話個人還是喜歡茶入口再調濃郁一點少些奶比較好。

.至於食物，蘿蔔牛腩飯很足料，一整舊牛腩不是碎濕濕起晒渣的頭頭尾尾（那些根本不是腩）牛腩炆得好：牛腩入味、軟身同時腩汁起膠有點香口，蘿蔔似乎不是放在一起炆煮但也是煮得透入味所以掛起腩汁餸飯是不錯。

.第二日食咖哩豬排蛋飯也是可以不過要推薦就會是蘿蔔牛腩飯。

.這區食晏越來越貴又無品質保證下，食物有這種質來說價錢很經濟實惠。

.

大利冰室餐單提供港式, 茶餐廳, 冰室等推介美食位於深水埗區，餐廳座位數未知人均消費約$50以下，結賬可以用現金，Booking訂位可以電話致電 23861787 查詢。

您對於深水埗餐廳「大利冰室」有何 comment？

大利冰室餐廳詳細資料：

• 大利冰室地址:
  深水埗北河街32號
  Tai Lee Cafe,  
• 大利冰室電話: 23861787
• 大利冰室價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 大利冰室 Facebook

更多大利冰室相關資料:

• 大利冰室分店
• Youtube
• Facebook
• Twitter
• Google