Supreme Steak & Grill 深水埗

Supreme Steak & Grill 評價 相片

🥰原來深水埗都有可以坐得咁舒服，而且又有好味野食嘅餐廳架！😋話說出左PS5，所以就黎黃金行下，行完想食個飯，其實個邊d野就食得七七八八，👩🏻醒起有個朋友喺深水埗度返工，於是就問吓佢有咩好餐廳推介，所以就嚟咗呢度。

😈佢個餐牌都幾簡單，一係就係🥩食扒配🍟無限薯條同🥤飲品，一係就食普通嘅lunch set。

佢lunch set嘅款式都幾多，有🥗沙律、🍔burger、🍝意粉、甚至連🍚叉燒飯都有！⭐️明太子意粉🍝超鍾意食呢個極力推薦！😍首先賣相一流啦，份量又多！🤤吉爆個蛋汁令到意粉有啲濕度，佢嘅明太子絕對唔係好似出邊嗰啲加少少俾你喺面頭，😈佢毫不吝嗇咁同啲意粉撈埋！鍾意食明太子一定要叫呢個！😋⭐️和牛漢堡配薯條🍔佢個和牛漢堡都幾大個，漢堡包都有烘過，仲有啲脆添。

和牛個味幾濃，但係就冇乜肉汁。

而我非常欣賞佢啲薯條！🍟每一條都好脆好好食！🤤⭐️Mocha☕️係可以自己落糖水㗎，可以控制甜度！🥰👍🏼我覺得佢環境非常之舒適，而且價錢又合理，所以已經諗定下一次要食乜嘢了～😂

餐廳裝修簡約、明亮， 店員 態度友善， 價錢親民， 十分欣賞。

Brunch set (主菜+飲品)和牛漢堡伴薯條$90和牛漢堡份量十足， 賣相吸 睛， 麵包皮微脆香軟， 散發陣陣牛油香氣， 包皮還有香香芝麻粒 ， 加倍滋味， 中間夾著蕃茄、 半溶車打芝士、生菜及一塊厚厚、熱燙燙牛肉，大口咬下去，也只能吃到一半的材料， 牛肉汁從口中爆出來， 肉質好鬆軟 ，牛味突出， 配上幼身薯條，熱辣辣， 脆卜卜， 口感綿密， 沾上茄醬， 一口接一口， 滋味停不了。

火炙燒三文魚丼飯$70火炙後的三文魚， 魚油被迫出 ， 充滿油光，三文魚魚身帶有火炙焦香味，保持半熟狀態， 每口都十分嫩滑 ， 帶滿滿的油香， 用叉輕輕叉開流心蛋， 金黃色蛋黃緩緩流下， 與珍珠米飯拌勻一起吃， 滋味得令人津津回味 。

熱美式咖啡(餐飲)沖泡出我喜歡的咖啡味道，最後以一口濃郁香醇美式咖啡 ， 為今日豐富 Brunch set 完美作結。

行行逛逛 .... 在車房林立的 深水埗福榮街 , 竟然發現有西式扒房 Supreme Steak & Grill, 探頭一望 , 見餐廳的裝修光猛企理 , 而且有盆景擺設 , 於是就入去幫襯 , 一嚐究竟 ~點了一客 US Prime Grade Sirloin 美國頂級西冷牛扒 (200g) 90分鐘無限添加薯條和汽水 $160 : 如圖所見份餐沒有太多花巧的 presentation, 但以外觀來說 , 件牛扒都算烤得靚靚仔仔 , 我點的熟度是 medium rare, 一刀切下 , 就見是 medium, 廚師係煮熟了些許 , 不過牛肉味道都濃郁 , 肉質軟嫰夠肉汁 , 都算好味 ~薯條 : 炸得夠透, 有薯仔味亦夠脆身 ~Iced Americano : 味道平平 , 沒什麼好陳述 ~整體來說味道平平 , 但在這人口老化的舊區來說 , 就算是一種驚喜 , 重點係 .... 價錢平 ~本篇完 ~

在深水埗好有多新既食店，都係走文青風格的餐廳。

今次就同朋友來四圍行下睇下，見到呢家新開既西餐廳，門面的簡約風非常吸引，多meun都好多款式而且價錢親民，所以一於入去試下。

入到來環境好好，比得上港島西區的cafe~真係有d估唔到，在深水埗都有咁好既地方。

因為餐廳名有steak and grill ，所以一於試下呢到既羊架啦~~雖然我都好想食漢堡包.....不過我又被佢90分鐘任食薯條既OFFER吸引，所以先食MEDIUM既羊架先!!!!$240 新西蘭羊架 (220G)好靚既賣相~!!!有4條肥美又多肉的羊架，配上黑椒汁。

真係好多羊脂肪，哎落入口即溶，好好食，肉質都好林。

唔駛汁基本上都好香又夠味，真係食到齒頰留香呀!黑椒汁都好好味，好重的黑椒味，仲有蒜香添. 真係好高質。

薯條都是新鮮炸起，脆卜卜~~又有得任食真係好爽~~餐飲包汽水，但多飲咖啡都只係加$10，就加左杯泡沫咖啡試下好滑又香，完全有澀味的咖啡，飲得出得上等咖啡，$10真係太抵了吧......今次發掘左呢個好地方真係好，以後又多一個同朋友RELAX聚腳的CAFE了~

久久都未有外出吃扒，今日適逢有空，到訪了這家新的扒房，餐牌非常簡單，全日餐牌只有兩款牛排，一款羊，一款豬。

而午市餐牌則比較多選擇，有健康沙律，有漢堡，有飯麵，午市價格介乎6090左右店家的裝潢比較新型，光亮開明，感覺就像cafe，坐得舒適食物：炙燒吞拿魚至尊沙律$70別以為只是沙律就少看它，份量非常豐富也飽肚，除了沙律生菜跟紫椰菜，紅蘿蔔外，居然還有昂貴的白藜麥，而且份量頗多加上超級食物 羽衣甘藍 吞拿魚（omega 3) ，抗發炎表現一流。

沙律的份量夠大，也不會隨便加些廉價雜菜就算，醬汁用上低卡的蜜糖芥末也很有心思，值得一讚無激素法國春雞：$80外脆內juicy ，口感不韌不鞋，加上印第安香料跟少量辣椒粉，添加在黃色的外皮，令它甜中帶微微辛勁，皮的厚度適中，不會過厚過肥，絕有吃幼嫰春雞之感此外還有一盤幼薯條，不夠飽不妨試試，如果點牛扒還可以任吃呢！伯爵茶無可避免地用上茶包，味道清幽又不會澀口，不像是坊間的一般質素茶包，老闆也會不斷幫你加水，很友善

Supreme Steak & Grill餐單提供西式, 扒房等推介美食位於深水埗區，餐廳座位數51人均消費約$101-200，結賬可以用現金，Booking訂位可以電話致電 98802237 查詢。

您對於深水埗餐廳「Supreme Steak & Grill」有何 comment？

Supreme Steak & Grill餐廳詳細資料：

• Supreme Steak & Grill地址:
  深水埗福榮街161號永邦樓地舖
  Supreme Steak & Grill, G/ F, Wing Point House,161 Fuk Wing Street, Sham Shui Po
• Supreme Steak & Grill電話: 98802237
• Supreme Steak & Grill價錢: $101-200
• 分類: 西式, 扒房
• 座位: 51
• 付款: 現金
• FB專頁: Supreme Steak & Grill Facebook

更多Supreme Steak & Grill相關資料:

• Supreme Steak & Grill分店
• Youtube
• Facebook
• Twitter
• Google